វៀតណាមនឹងមាន វ៉ាកសាំងចំនួន៣០ លានដូសបន្ថែមទៀតមកដល់វៀតណាម

ការចាក់វ៉ាក់សាំងការពារជំងឺកូវីដ ១៩ ដល់ពលករវៀតណាមចំនួន ២០០ នាក់នៅប្រទេសម៉ាឡេស៊ី

ទីក្រុងហូជីមិញកំណត់ផែនទីបង្ហាញពីការចាក់វ៉ាក់សាំងប្រឆាំងជំងឺកូវីដ -១៩ សម្រាប់ប្រជាជនជាង ៧,២ លាននាក់ដែលមានអាយុចាប់ពី ១៨ ឆ្នាំឡើងទៅ

វៀតណាមនឹងមានវ៉ាកសាំងចំនួន ៣០ លានដូសបន្ថែមទៀតមកដល់វៀតណាម

នៅសន្និសីទសារព័ត៌មានជាប្រចាំរបស់រដ្ឋាភិបាល នារសៀលថ្ងៃទី ៦ ខែកញ្ញា អនុរដ្ឋមន្រ្តីក្រសួងការបរទេសវៀតណាម លោក ង្វៀនមិញវូ (Nguyen Minh Vu) បានឲ្យដឹងថា ការទូតវ៉ាក់សាំងរបស់វៀតណាមត្រូវបានអនុវត្តក្នុងទិសដៅចំនួនបីគឺ៖ ទី១គឺ ផ្តល់អាទិភាពដល់ការអនុវត្តការសន្យាក្រោមកិច្ចសន្យាវ៉ាក់សាំងដែលរដ្ឋាភិបាលបានចុះហត្ថលេខាជាមួយក្រុមហ៊ុនវ៉ាក់សាំងធំៗ ; ទី២ កៀងគរទំនាក់ទំនងជាមួយដៃគូទ្វេភាគីពហុភាគី និងមិត្តភាព ដើម្បីទទួលបានប្រភពវ៉ាក់សាំងជាមួយប្រទេសជាដៃគូតាមរយៈជំនួយពាណិជ្ជកម្មនិងប្រាក់កម្ចីពីប្រទេសផ្សេងទៀត។ ទី៣ធានាប្រភពវ៉ាក់សាំងដែលមានស្ថេរភាពនិងរយៈពេលវែង។

យោងតាមអនុរដ្ឋមន្រ្តីវូ វៀតណាមបានបញ្ចុះបញ្ចូលរដ្ឋាភិបាលនៃប្រទេសដទៃទៀតឱ្យនាំចូលថ្នាំព្យាបាលជំងឺរាប់លានដូសពីប្រទេសមួយចំនួន ដូចជាជប៉ុន ឥណ្ឌា និងស្វីស ដើម្បីលើកកម្ពស់ការទទួលបានឧបករណ៍វេជ្ជសាស្ត្រពីប្រភពជាច្រើន។ រហូតមកដល់ពេលនេះប្រទេសចំនួន ១៧ និងជនជាតិ វៀតណាមនៅក្រៅប្រទេស បានផ្តល់ឧបករណ៍វេជ្ជសាស្រ្តដែលមានតម្លៃរាប់លានដុល្លារ។

វៀតណាមក៏បានចូលរួមយ៉ាងសកម្មនៅក្នុង“ ការទូតវ៉ាក់សាំង” នៅក្នុងបណ្តាញពហុភាគីដោយអំពាវ នាវឱ្យសហគមន៍អន្តរជាតិស្វែងរកដំណោះស្រាយចំពោះបញ្ហាវិសមភាពក្នុងការទទួលបានវ៉ាក់សាំងនិងកង្វះវ៉ាក់សាំង។ នាពេលអនាគតដ៏ខ្លីខាងមុខនេះ នឹងមានវ៉ាក់សាំងបន្ថែមចំនួន ៣០ លានដូស។ នៅដើមខែសីហា ឆ្នាំ២០២១ប្រទេសវៀតណាមបានកៀរគរវ៉ាក់សាំងចំនួន ១៦,៦ លានដូសហើយ នៅចុងខែសីហាឆ្នាំ ២០២១ វៀតណាមទទួលបានបន្ថែមវ៉ាក់សាំងចំនួន ៣៣ លានដូសផងដែរ៕

ហេង វុធ្ធី

Vietnamplus