កម្ពុជាមានវ៉ាក់សាំងជិត៣០លានដូស ហើយពលរដ្ឋជាង៦០ម៉ឺននាក់បានចាក់ដូសទី៣

កម្ពុជាបានចាក់វ៉ាក់សាំងការពារជំងឺកូវីដ-១៩ អោយប្រជាជនបានជិត១១លាននាក់ ស្មើនឹង៩៣,៧៧%

រាជរដ្ឋាភិបាល ប្ដេជ្ញាសម្រេចគោលដៅចាក់វ៉ាក់សាំងជូន កុមារ-យុវវ័យ មុនដំណាច់ ឆ្នាំ២០២១

រូបថត៖ freshnews

ស្របជាមួយនឹងចំនួនវ៉ាក់សាំងនេះ កម្ពុជា បាន ចាក់វ៉ាក់បង្ការកូវីដ-១៩ដល់ពលរដ្ឋ បាន១១,០៤លាននាក់ ដែលស្មើ ៦៩ភាគរយ បើធៀបនឹងចំនួនប្រជាជន១៦លាននាក់ ក្នុងនោះមានកុមារ និងយុវវ័យ ជាង១,៦២លាននាក់ និងពលរដ្ឋអាយុចាប់ពី១៨ឆ្នាំឡើង ជាង៩, ៤២លាននាក់។ ក្នុងចំណោមនោះ មានពលរដ្ឋ ៨,៧២លាននាក់ហើយ ដែលបានចាក់វ៉ាក់សាំងដូសទី២ និង ជាង ៦សែននាក់ បានចាក់វ៉ាក់សាំងដូសទី៣។

គិតមកដល់ពេលនេះ កម្ពុជាមានវ៉ាក់សាំងកូវីដ-១៩ ប្រមាណ ២៩,៥ លានដូសហើយក្នុងនោះវ៉ាក់សាំងស៊ីណូហ្វាមមាន ៦,៧លានដូស វ៉ាក់សាំង Sinovac មានជាង១៨,៥លានដូស។ ក្រៅពីនេះ អាមេរិកក៏បានផ្ដល់វ៉ាក់សាំង Jonhson &Jonhson ជាង១លានដូស តាមរយៈCOVAX។ រីឯជប៉ុនផ្ដល់វ៉ាក់សាំង AstraZeneca ១,៣ លានដូស ខណៈអង់គ្លេសផ្ដល់វ៉ាក់សាំងប្រភេទនេះឱ្យកម្ពុជា ចំនួន៤១ម៉ឺនដូសដែរ។ ចំណែកកម្មវិធី COVAX ក៏បានផ្ដល់វ៉ាក់សាំង AstraZeneca ចំនួន៣២៤,០០០ដូសផងដែរ៕

Thmey Thmey