នេះស្មើនឹង៩៣,៧៧% នៃប្រជាជនគោលដៅសរុបចំនួន១០លាននាក់ដែលត្រូវចាក់វ៉ាក់សាំង ហើយកិច្ចខិតខំប្រឹងប្រែងចាក់វ៉ាក់សាំងនេះត្រូវតែពន្លឿន ក្នុងការសម្រេចអោយបានគោលដៅ ដើម្បីអាចអោយការចាក់វ៉ាក់សាំងដូសទីប្រព្រឹត្តិទៅបាន។
 |
| កម្ពុជាបានចាក់វ៉ាក់សាំងការពារជំងឺកូវីដ-១៩ អោយប្រជាជនបានជិត១១លាននាក់ ស្មើនឹង៩៣,៧៧% |
ក្នុងចំណោម១០លាននាក់នេះ មានមនុស្សពេញវ័យចំនួន៩,៣៧៧,២៥៨នាក់ ដែលមានស្រី្តចំនួន៤,៧២១,៤២៥នាក់ ស្របពេលនេះដែរក៏មានប្រជាជនចំនួន៧៣,៣៧៦នាក់ដែលមិនមានលក្ខណៈគ្រប់គ្រាន់ក្នុងការទទួលការចាក់វ៉ាក់សាំង ដែលក្នុងនេះមានស្រី្តចំនួន៤០,២៨៣នាក់។
ចំនួននៃការចាក់វ៉ាក់សាំងសរុបបានកើនឡើងបន្តិចម្តងៗដល់ ៨,២៤៥,១៦៧ ក្នុងនោះមានស្រី្តចំនួន ៤,១៣៥,៧០២នាក់ ។
នេះមានន័យថា ភាគរយនៃចំនួនប្រជាជនដែលបានចាក់វ៉ាក់សាំងកូវីដ-១៩ ពេញលេញចំនួន២ដូសមាន ៨២,៤៥% នៃប្រជាជនគោលដៅចំនួន១០ លាននាក់ដែលត្រូវចាក់វ៉ាក់សាំង។
វាជាការចាំបាច់សម្រាប់ប្រទេសកម្ពុជាក្នុងការពន្លឿនដំណើរការចាក់វ៉ាក់សាំង ដើម្បីអាចបើកសាលារៀន និងអាជីវកម្មឡើងវិញ ក៏ដូចជាជួយសង្រ្គោះសេដ្ឋកិច្ចរបស់សហគ្រាសធុនតូច និងមធ្យម ព្រមទាំងកន្លែងហាត់ប្រាណ រោងកុន និងកន្លែងផ្សេងទៀត ដែលប្រឈមនឹងការបិទទ្វាជារៀងរហូត។
នេះក៏រួមបញ្ចូលទាំងស្ថាប័នអប់រំឯកជន ដែលកំពុងមានបន្ទុកធ្ងន់ជាមួយថ្លៃជួលទីតាំងដោយសារតែថវិការដែលមកពីការបង់ថ្លៃសាលាមានភាពតិចតួច ពីព្រោះតែឪពុកម្តាយសិស្សមានការស្ទាក់ស្ទើរក្នុងការបន្តបង់ថ្លៃបង្រៀនតាមប្រព័ន្ធអនឡាញ។
កម្ពុជាមានគោលដៅជាដាច់ខាតក្នុងការចាក់វ៉ាក់សាំងអោយប្រជាជនចំនួន១៣ លាននាក់ ក្នុងចំណោមប្រជាជនជាង១៦ លាននាក់ដែលត្រូវចាក់វ៉ាក់សាំង ហើយរដ្ឋាភិបាលគួរតែពិចារណាប្រគល់ភារកិច្ចអោយកងកម្លាំងទ័ពម្តងទៀតដើម្បីជួយក្នុងយុទ្ធនាការចាក់វ៉ាក់សាំង ដើម្បីសម្រេចបាននូវលទ្ធផលដែលចង់បានក្នុងរយៈពេលដែលបានកំណត់។
វិទ្យាស្ថានវាយតម្លៃសុខភាព (Institute for Health Metrics and Evaluation- IHME) ដែលជាមជ្ឈមណ្ឌលស្រាវជ្រាវសុខភាពប្រជាជនឯករាជ្យ ដែលជាផ្នែកមួយនៃសាកលវិទ្យាល័យវ៉ាស៊ីនតោនបាននិយាយនៅក្នុងការធ្វើបច្ចុប្បន្នភាពប្រចាំសប្តាហ៍របស់ខ្លួនស្តីពីការរីករាលដាលនៃជំងឺកូវីដ-១៩ថា នៅជុំវិញពិភពលោក នៅពេលដែលវីរុសបំលែងDelta កំពុងកើនឡើងនៅគ្រប់ទីកន្លែង លើកលែងតែអាមេរិកខាងត្បូង តំបន់ដ៏ទៃកំពុងមានករណីកើនឡើងខ្លាំង និងរីករាលដាលក្នុងតំបន់។
IHME ក៏បាននិយាយថា ជំងឺកូវីដ-១៩ បានបង្កការរំខានក្នុងការត្រួតពិនិត្យសុខភាពរបស់ប្រជាជនជាប្រចាំនៅជុំវិញពិភពលោក រូមបញ្ជូលទាំងការចាក់វ៉ាក់សាំងអោយកុមារ៕
Khmertimes
មតិពីមិត្តអ្នកអាន