យោងតាមរបាយការណ៍លម្អិតស្តីពីកំណើនសេដ្ឋកិច្ចក្នុងត្រីមាសទី ២ នៃឆ្នាំនេះរបស់ធនាគារ United Oversea Bank ដែលជាធនាគារមួយឈានមុខគេនៅប្រទេសសិង្ហបុរី បានអោយដឹងថា សេដ្ឋកិច្ចរបស់វៀតណាម ទោះបីរងផលប៉ះពាល់ដោយការផ្ទុះឡើងនូវរលកទី ៤ នៃជំងឺរាតត្បាតកូវីដ ១៩ ក៏ដោយ ក៏នៅតែមានការរីកចម្រើនជាវិជ្ជមានផងដែរ។
 សេដ្ឋកិច្ចវៀតណាមទទួលបានកំណើនល្អក្នុងរយៈពេល ៦ ខែដើមឆ្នាំ ២០២១ |
 នៅឆ្នាំ ២០៣០ វៀតណាមខិតខំនាំចេញផលិតផលកសិកម្មរុក្ខាប្រមាញ់និងជលផលឱ្យបានដល់ ៦២ ពាន់លានដុល្លារអាមេរិក |
របាយការណ៍បានបញ្ជាក់ថា សេដ្ឋកិច្ចវៀតណាមសម្រេចបានកំណើនយ៉ាងឆាប់រហ័សនៅត្រីមាសទី ២ ហើយមានសក្តានុពលដើម្បីបន្តកើនឡើងនៅឆមាសទី ២ នៃឆ្នាំនេះ។
 |
| កំណើន GDP របស់វៀតណាមត្រូវបានគេរំពឹងថានឹងកើនឡើងខ្ពស់ជាងនេះទៅទៀតក្នុងរយៈពេលប៉ុន្មានខែចុងក្រោយនៃឆ្នាំនេះ (រូបថត៖ nld.com.vn) |
យោងតាមរបាយការណ៍បានបង្ហាញថា នៅក្នុងឆមាសទី ១ នៃឆ្នាំនេះ សេដ្ឋកិច្ចរបស់វៀតណាមបានកើនឡើងច្រើនជាងបីដង បើប្រៀបធៀបនឹងរយៈពេលដូចគ្នាកាលពីឆ្នាំមុន។ ជាពិសេសនៅក្នុងត្រីមាសទី ២ ទោះបីរងផលប៉ះពាល់ដោយការផ្ទុះឡើងនូវរលកទី៤ នៃជំងឺរាតត្បាតកូវីដ១៩ ក៏ដោយ ក៏ផលិតផលក្នុងស្រុកសរុបនៅតែសម្រេចបាន ៦.៦% ដែរ។
ការនាំចេញបានកើនឡើងយ៉ាងខ្លាំង ហើយការវិនិយោគផ្ទាល់ពីបរទេស (FDI) នៅតែស្ថិតក្នុងកម្រិតវិជ្ជមាន បានបញ្ជាក់យ៉ាងច្បាស់នូវទំនុកចិត្តរបស់វិនិយោគិនចំពោះសារសំខាន់របស់វៀតណាមក្នុងខ្សែសង្វាក់ផ្គត់ផ្គង់សកល។ កត្តាទាំងនេះនឹងបង្កើតមូលដ្ឋានរឹងមាំសម្រាប់ការស្តារឡើងវិញ និងការអភិវឌ្ឍសេដ្ឋកិច្ច។ ដូច្នេះហើយ ធនាគារ United Oversea Bank នៅតែរក្សាការព្យាករណ៍របស់ខ្លួនថា សេដ្ឋកិច្ចវៀតណាមនឹងមានកំណើន ៦.៧% នៅឆ្នាំនេះ៕
kh.qdnd.vn
មតិពីមិត្តអ្នកអាន