យុគសម័យ - ប្រទេសវៀតណាមនឹងធានាការគ្រប់គ្រងនិងត្រួតពិនិត្យសកម្មភាពនៃមូលនិធិវ៉ាក់សាំង Covid-19 ដើម្បីបម្រើដល់សុខភាពនិងសុភមង្គលរបស់ប្រជាជននិងផលិតកម្មអាជីវកម្ម។
 |
| អ្នកនាំពាក្យអ្នកនាំពាក្យលោកស្រី Le Thi Thu Hang |
នៅក្នុងសន្និសីទសារព័ត៌មានជាប្រចាំរបស់ក្រសួងការបរទេសនៅរសៀលថ្ងៃទី ១០ ខែមិថុនាឆ្លើយតបនឹងសំណួររបស់អ្នកយកព័ត៌មានទាក់ទងនឹងព័ត៌មាន អំពីការដែលរដ្ឋាភិបាលវៀតណាមកៀងគរអាជីវកម្មបរទេស ចូលរួមវិភាគទានថវិកាដល់មូលនិធិវ៉ាក់សាំង Covid-19 អ្នកនាំពាក្យក្រសួងការបរទេសវៀតណាម លោកស្រី Le Thi Thu Hang បានអះអាងថានៅក្នុងបរិបទនៃការរីករាលដាលនៃជំងឺ Covid-19 កាន់តែស្មុគស្មាញនោះ បក្សនិងរដ្ឋវៀតណាមបានអនុវត្តនូវវិធានការណ៍ជាច្រើនដើម្បីការពារនិងទប់ស្កាត់នឹងជំងឺនេះ។
វៀតណាមបានកំណត់គោលដៅថា ការចាក់វ៉ាក់សាំងដោយឥតគិតថ្លៃដល់ប្រជាជនឲ្យបានឆាប់នឹងទប់ស្កាត់ការឆ្លងរាលដាល Covid-19 ក្នុងសហគមន៍ ហើយចាត់ទុកថា នេះជាដំណោះស្រាយជាមូលដ្ឋាន និងយូរអង្វែងដើម្បីប្រយុទ្ធប្រឆាំងនឹងជំងឺរាតត្បាត Covid-19។ ដើម្បីសំរេចបានគោលដៅនេះ នាពេលថ្មីៗនេះ រដ្ឋសភាបានសំរេចអនុម័តថវិកាប្រមាណ ១២,០០០ ពាន់លានដុង ដើម្បីទិញវ៉ាក់សាំង Covid-19។ ទន្ទឹមនឹងនេះ បក្ស និងរដ្ឋក៏កៀរគរធនធានក្នុងសង្គមទាំងមូលដើម្បីប្រយុទ្ធប្រឆាំងនឹងការរីករាលដាលនៃ Covid-19។
ក្នុងស្មារតីនេះ នៅថ្ងៃទី ២៦ ខែឧសភា ឆ្នាំ ២០២១ នាយករដ្ឋមន្ត្រីរដ្ឋាភិបាលបានចេញសេចក្តីសម្រេចចិត្តលេខ 53/NQ-CP និងសេចក្តីសំរេចលេខ 779/QĐ-TTg ស្តីពីការបង្កើតមូលនិធិវ៉ាក់សាំង Covid-19 ដើម្បីទទួល និងប្រើប្រាស់ប្រភពធនធាន និងការរួមវិភាគទានថវិកាដោយស្ម័គ្រចិត្ត និងវ៉ាក់សាំងរបស់អង្គការ និងបុគ្គលក្នុងស្រុកនិងក្រៅប្រទេស។
លោកស្រី Le Thi Thu Hang បានអះអាងថា “រហូតមកដល់ពេលនេះ មូលនិធិវ៉ាក់សាំង Covid-19 បានទទួលការគាំទ្រពីអាជីវកម្មវៀតណាម បុគ្គល និងប្រជាជន ក៏ដូចជាអាជីវកម្មបរទេសមួយចំនួនដែលកំពុងធ្វើអាជីវកម្ម និងវិនិយោគនៅវៀតណាម។
បក្ស រដ្ឋ និងរដ្ឋាភិបាលវៀតណាមបានវាយតំលៃខ្ពស់ចំពោះរាល់ការចូលរួមវិភាគទានរបស់ប្រជាជននិងអាជីវកម្ម មិនថាតិចឬច្រើនក៏ដោយ ក៏ធានាការគ្រប់គ្រង និងឃ្លាំមើលសកម្មភាពរបស់មូលនិធិប្រកបដោយតម្លាភាពនិងស្របតាមគោលការណ៍និងស្របច្បាប់ ដើម្បីធានាសុខភាព និងសុភមង្គលរបស់ប្រជាជន ក៏ដូចជារក្សាស្ថិរភាពនៃការផលិតរបស់សហគ្រាស រួមទាំងសហគ្រាសដែលមានទុនវិនិយោគផ្ទាល់ពីបរទេសផងដែរ”៕
qdnd /baoquocte
មតិពីមិត្តអ្នកអាន