អ្នកនាំពាក្យក្រសួង ការបរទេសវៀតណាមលោកស្រី Le Thi Thu Hang៖ បើចាំបាច់វៀតណាមនឹងចាត់វិធានការក្នុងគាំពារពលរដ្ឋវៀតណាម

អ្នកនាំពាក្យក្រសួង ការបរទេសវៀតណាមលោកស្រី Le Thi Thu Hang៖ បើចាំបាច់វៀតណាមនឹងចាត់វិធានការក្នុងគាំពារពលរដ្ឋវៀតណាម

ប្រឈមនឹងការវិវឌ្ឍន៍ដ៏ស្មុគស្មាញដោយសារអាកាសធាតុនិងការរាលដាលយ៉ាងធ្ងន់ធ្ងរនៃជំងឺកូវីដ-១៩ បានប៉ះពាល់ដល់ការរស់នៅរបស់ប្រជាជនដើមកំណើត វៀតណាមនៅតាមបណ្តាប្រទេសជាច្រើនជុំវិញពិភពលោក វៀតណាមនឹងចាត់វិធានការការពារពលរដ្ឋបើចាំបាច់។

ក្នុងសន្និសីទសារព័ត៌មានជាប្រចាំនារសៀលថ្ងៃទី២៥ កុម្ភៈ អ្នកនាំពាក្យក្រសួង ការបរទេសវៀតណាមលោកស្រី Le Thi Thu Hang បានឲ្យដឹងថា ក្នុងអំឡុងពេលកើត មានព្យុះព្រិលនិងអាកាសធាតុត្រជាក់យ៉ាងខ្លាំងនៅរដ្ឋ Texas (សហរដ្ឋអាមេរិក) នា ពេលកន្លងមក ប្រជាជនដើមកំណើតវៀតណាមប្រមាណ ៣០ម៉ឺននាក់ដែលកំពុងរស់ នៅនិងធ្វើការនៅទីនេះ បានរងផលប៉ះពាល់យ៉ាងធ្ងន់ធ្ងរដោយសារបញ្ហាដាច់ភ្លើង ដាច់ទឹកស្អាតសម្រាប់ប្រើប្រាស់ក្នុងជីវភាពប្រចាំថ្ងៃ ហើយជួបការលំបាកក្នុងការទិញ ទំនិញចាំបាច់នានា។ នៅចំពោះមុខស្ថានការណ៍នេះ ស្ថានអគ្គកុងស៊ុលវៀតណាម ប្រចាំទីក្រុង Houston បានរៀបចំការសាកសួរសុខទុក្ខ លើកទឹកចិត្តហើយចាត់វិធាន ការជួយឧបត្ថម្ភដល់បងប្អូនជនរួមជាតិ។ ដោយអនុវត្តតាមការដឹកនាំរបស់ក្រសួងការ បរទេស ស្ថានអគ្គកុងស៊ុលវៀតណាមនឹងបន្តតាមដានស្ថានការណ៍ដើម្បីចាត់វិធានការ គាំពារពលរដ្ឋក្នុងករណីចាំបាច់។

ពាក់ព័ន្ធដល់ស្ថានភាពរបស់ប្រជាពលរដ្ឋវៀតណាមនៅកម្ពុជា លោកស្រី Le Thi Thu Hang បានឲ្យដឹងថា គិតត្រឹមព្រឹកថ្ងៃទី២៥ កុម្ភៈ ក្រសួងសុខាភិបាលកម្ពុជាបាន ប្រកាសថា ក្នុងចំណោមអ្នកជម្ងឺ Covid-19 ចំនួន១៩៥នាក់ក្នុងព្រឹត្តិការណ៍សហ គមន៍ថ្ងៃទី២០ កុម្ភៈ នោះ មានអ្នកជម្ងឺជនជាតិវៀត ណាមចំនួន១៣នាក់។ លោកស្រី Le Thi Thu Hang បានបន្ថែមទៀថា៖ “បណ្ដាស្ថាប័នតំណាងវៀតណាមប្រចាំកម្ពុជា បានទាក់ទងជាមួយអាជ្ញាធរនៃ ប្រទេសសាមី ដើម្បីផ្ទៀងផ្ទាត់ព័ត៌មាន ហើយស្នើឲ្យមានការយកចិត្តទុកដាក់ ធានា សិទ្ធិនិងផលប្រយោជន៍ដ៏ត្រឹមត្រូវរបស់ពលរដ្ឋវៀតណាម។ រហូតមកទល់ពេលនេះ អ្នកជម្ងឺជនជាតិវៀតណាមទាំងអស់ មានស្ថានភាពសុខភាពធម្មតា។ ស្ថាប័នតំណាង វៀត ណាមប្រចាំកម្ពុជានឹងបន្តជំរុញខ្លាំងការឃោសនាដល់សហគមន៍ជនវៀតណាម នៅកម្ពុជាដើម្បីអនុវត្តយ៉ាងម៉ឺងម៉ាត់តាមបទបញ្ញត្តិស្ដីពីការបង្ការទប់ស្កាត់ជម្ងឺ រាតត្បាតនៃប្រទេសសាមី”៕

（ប្រែសម្រួលដោយ ហេងវុធ្ធី）

（ប្រភពព័ត៌មាន: vov.vn）

（ប្រែសម្រួលដោយ ហេងវុធ្ធី）