ព័ត៌មានអំពីការបោះឆ្នោតបានឃោសនាដល់ប្រជាពលរដ្ឋខ្មែរ

ទីក្រុងហាណូយបានតុបតែងយ៉ាងស្អាតដើម្បីស្វាគមន៍ថ្ងៃបោះឆ្នោត

ធានាឲ្យព័ត៌មានអំពីការបោះឆ្នោតមកដល់នឹងប្រជាជនគ្រប់រូប

រហូតមកដល់ពេលនេះ ការងារបង្កើតតារាងអ្នក បោះឆ្នោតនិងការបិទផ្សាយអ្នកបោះឆ្នោត​ត្រូវបានបញ្ចប់​ នៅភូមិ Duong Dao ឃុំ Ho Thi Ky ។ តាមនោះ ភូមិមានអ្នកបោះឆ្នោតចំនួន ១.៧៥០ នាក់។ ក្នុងនោះជនជាតិភាគតិចមានអ្នកបោះឆ្នោតប្រហែល ១,២០០ នាក់ ដោយមានក្រុមបោះឆ្នោតចំនួន ២ ក្រុម ស្ថិតនៅទីស្នាក់ការភូមិនិងនៅផ្ទះរបស់គ្រួសារលោក Huu Sep។

ទន្ទឹមនឹងការងារបោះឆ្នោតការបង្ការការរីករាលដាលនៃជំងឺកូវីដ ១៩ តែងតែត្រូវបានអនុវត្តយ៉ាងហ្មត់ចត់ នៅឃុំ Ho Thi Ky។

ក្រៅពីការឃោសនាតាមរយៈស្ថានីយ៍វិទ្យុ ​ភូមិ Duong Dao ត្រូវបានគេផ្តល់ជូននូវឧបករណ៍បំពងសម្លេងចល័ត គណៈកម្មាធិការប្រជាជនភូមិ Duong Dao បាន​ចាត់​តាំង​​សមាជិកអោយដឹកឧបករណ៍បំពង​សម្លេង​ចល័ត​ចំនួន ២ ដង ​ក្នុងមួយថ្ងៃ​ នៅតាមដងផ្លូវ​នានានៃភូមិ ដើម្បីផ្សព្វផ្សាយ​អំពីថ្ងៃបោះឆ្នោតដល់​ប្រជាជន​ក្នុងភូមិ។

លេខាធិការគណៈកម្មាធិការបក្សភូមិ Duong Dao ឃុំ Ho Thi Ky លោកស្រី Huu Thao មានប្រសាសន៍ថា​ការផ្សព្វផ្សាយនិងការឃោសនា ដើម្បីប្រជាជនយល់ដឹង​អំពីសិទ្ធិនិងទំនួលខុសត្រូវរបស់មនុស្សម្នាក់ៗ ទាក់ទង​នឹងការបោះឆ្នោតត្រូវបានអនុវត្តយ៉ាងសកម្ម។ ដោយ​ហេតុនេះដើម្បីឱ្យមនុស្សគ្រប់គ្នាបោះឆ្នោតនិងជ្រើសរើសសមាជិក សមាជិការ ​រដ្ឋសភា​ប្រកបដោយ​គុណធម៌​និងទេពកោសល្យ ដើម្បីថែរក្សាជីវិតរបស់​ប្រជាជន។

ក្រុមគ្រួសារមានសមាជិក ៧ នាក់ ប៉ុន្តែ ៥ នាក់មាន​អាយុ​គ្រប់គ្រាន់​ក្នុងការបោះឆ្នោត​ជ្រើសរើស​សមាជិក សមាជិកា​ រដ្ឋសភា នីតិកាលទី ១៥ និងក្រុមប្រឹក្សា​ប្រជាជន​គ្រប់ជាន់ថ្នាក់ សម្រាប់អាណត្តិ ២០២១-២០២៦។ ដើម្បីឱ្យប្រជាជន​គ្រប់គ្នាអ​នុវត្តសិទ្ធិពលរដ្ឋ​សមាជិកនៃក្រុមគ្រួសាររបស់លោក Ho Van Ty ភូមិ Duong Dao ឃុំ Ho Thi Ky នឹងរៀបចំការងារ ដើម្បីបបួលគ្នាទៅបោះឆ្នោតជាមួយគ្នា។

លោក Ho Van Ty បានមានប្រសាសន៍ថា“ សមាជិកនៃគ្រួសារទាំងអស់ត្រូវតែបោះឆ្នោត គ្មាន​នរណាម្នាក់បោះឆ្នោតឱ្យនរណាម្នាក់ផ្សេងទៀតឡើយ” ។

រហូតមកដល់ពេលនេះចំនួនអ្នកបោះឆ្នោតនៅឃុំ Ho Thi Ky មានប្រជាជនចំនួន ១៦.៩៣៥ នាក់​ ក្នុងនោះ​អ្នកបោះឆ្នោត ១៦៧ នាក់ ​បានស្នាក់នៅ​បណ្តោះ​អាសន្ន ក្នុងរយៈពេលជាង ១២ ខែ​ ហើយមិនមាន​អ្នកបោះឆ្នោតស្នាក់នៅបណ្តោះអាសន្នតិចជាង ១២ ខែ។

អនុប្រធានគណៈកម្មាធិការប្រជាជនឃុំ Ho Thi Ky Nguyen Viet Ba បាននិយាយថា ក្រៅពីស្ថានីយ៍វិទ្យុ គណៈកម្មាធិការប្រជាជនឃុំបានប្រគល់ឧបករណ៍បំពងសម្លេងចល័តចំនួន ១ សម្រាប់ភូមិនិមួយៗ ដើម្បី ដើម្បីផ្សព្វផ្សាយយ៉ាងទូលំទូលាយដល់ប្រជាជន នៅកន្លែងដែលគ្មានស្ថានីយ៍វិទ្យុ។ ដោយហេតុនេះ​ជួយប្រជាជនឱ្យយល់ពីអត្ថន័យនៃការបោះឆ្នោត ដើម្បី​បំពេញកាតព្វកិច្ចរបស់ពួកគេឱ្យបានត្រឹមត្រូវ។

ថ្ងៃបោះឆ្នោតជ្រើសរើសសមាជិក សមាជិកា​នីតិកាលទី ១៥ និងក្រុមប្រឹក្សា​​ប្រជាជន​គ្រប់ជាន់ថ្នាក់​សម្រាប់​អាណត្តិ ២០២១-២០២៦ កំពុងខិតជិតមកដល់ ​ហើយ​ការងារ​ឃោសនា​នឹងបន្តអនុវត្តយ៉ាងខ្លាំងក្លា​ដោយប្រព័ន្ធអាជ្ញាធរឃុំ Ho Thi Ky ដោយគោលដៅ ដែលអ្នកបោះឆ្នោតទាំងអស់យល់ដឹងនិងអនុវត្តសិទ្ធិពេញលេញនៃប្រជាពលរដ្ឋ ក្នុងការបោះឆ្នោតរបស់ខ្លួន./.

thoidai.com.vn