យុគសម័យ - រដ្ឋាភិបាលបានសម្រេចប្រគល់ប័ណ្ណកោតសរសើររបស់នាយករដ្ឋមន្ត្រីជូនដល់សមូហភាពចំនួន ០៣ និងបុគ្គលចំនួន ០៤ នាក់ នៅទីក្រុង Ha Noi សម្រាប់សមិទ្ធិផលរបស់ពួកគេក្នុងបង្ការនិងទប់ស្កាត់នឹងជំងឺកូវីដ ១៩ ។
 សម្រស់ដ៏ប្លែកៗនៃរបាំអាយ៉ងទឹក DaoThuc ស្រុក Dong Anh ក្រុងហាណូយ |
 ខេត្ត Long An បានគាំទ្រខេត្តចំនួនពីរនៃប្រទេសកម្ពុជា ក្នុងការប្រយុទ្ធប្រឆាំងនឹងជំងឺកូវីដ ១៩ |
តាមនោះសមូហភាពបានប្រគល់ប័ណ្ណកោតសរសើររបស់នាយករដ្ឋមន្រ្តី រួមមាន៖ ប្រជាជននិងមន្រ្តីនៃស្រុក Dong Anh ទីក្រុង Ha Noi មជ្ឈមណ្ឌលសុខាភិបាលស្រុក Dong Anh ទីក្រុង Ha Noi ប្រជាជននិងមន្រ្តីនៅភូមិ Lo Giao ឃុំ Viet Hung ស្រុក Dong Anh ទីក្រុង Ha Noi
នៅពេលដែលប្រទេសទាំងមូលកំពុងខិតខំប្រឹងប្រែងយ៉ាងខ្លាំង ដើម្បីបង្ការនិងទប់ស្កាត់នឹងការរីករាល ដាលនៃជំងឺកូវីដ ១៩ ស្រុក Dong Anh មានវិធីច្នៃប្រឌិតក្នុងការកំណត់តំបន់ផ្ទុះឡើងនៃជំងឺនេះ ក្លាយទៅជា “ ៣ ស្រទាប់” នៅឯកន្លែងធ្វើចត្តាឡីស័ក ខណៈពេលដែលធានាសុវត្ថិភាពសម្រាប់ការការពារនិងទប់ស្កាត់នឹងការរាតត្បាត ប៉ុន្តែមិនប៉ះពាល់យ៉ាងខ្លាំងដល់ជីវភាពរស់នៅប្រចាំថ្ងៃរបស់ប្រជាជននៅ ឡើយ។
“ ៣ ស្រទាប់” គឺ៖ ស្រទាប់ស្នូលមានជំងឺកូវីដ ១៩ យោងតាមសេចក្តីណែនាំ ១៦-CT / TTg របស់នាយករដ្ឋមន្រ្តីចេញផ្សាយ នៅថ្ងៃទី ៣១ ខែមីនា ឆ្នាំ ២០២០ ស្រទាប់ទីពីរអនុវត្តតាមសេចក្តីណែនាំរបស់នាយករដ្ឋមន្ត្រី ១៥-CT / TTg ដែលចេញ នៅថ្ងៃទី ២៧ ខែមីនា ឆ្នាំ ២០២០ ស្រទាប់នៅខាងក្រៅអនុវត្តយោងតាមសារាចរលេខ ១៩ - CT / TTg របស់នាយករដ្ឋមន្រ្តីចេញ នៅថ្ងៃទី ២៤ ខែមេសា ឆ្នាំ ២០២០ ។
 |
| នាយករដ្ឋមន្រ្តីបានកោតសរសើរស្រុក Dong Anh ទីក្រុង Ha Noi មានសមិទ្ធផលនៃការបង្ការនិងប្រយុទ្ធប្រឆាំងនឹងជំងឺកូវីដ ១៩ |
វិធីសាស្រ្តអនុវត្តការបិទខ្ទប់ “ ៣ ស្រទាប់” គឺ“ ការចាក់សោ” ប្រភពនៃការឆ្លងដោយយោងទៅតាមកម្រិតនីមួយៗ និងកាត់បន្ថយផលប៉ះពាល់ជាអតិបរមាបំផុតទៅលើជីវភាពរស់នៅប្រចាំថ្ងៃ ផលិតកម្មនិងសកម្មភាពធ្វើអាជីវកម្មរបស់ប្រជាជននិងអាជីវកម្ម។
យោងតាមលេខាគណៈកម្មាធិការបក្សស្រុក Dong Anh លោក Le Trung Kien ក្នុងរលកលើកទី ៤ នៃការផ្ទុះឡើងជំងឺនេះ នៅថ្ងៃទី ៣០ ខែមេសា ឆ្នាំ ២០២១ ស្រុក Dong Anh បានកត់ត្រាករណី F1 ចំនួន ២ របស់អ្នកជំងឺលេខ ២៩១១ ដែលកំពុងធ្វើការ នៅមណ្ឌលឧស្សាហកម្ម Thang Long ដោយមានលទ្ធផលតេស្តវិជ្ជមានលើក ដំបូង។ ភ្លាមៗ នៅពេលករណីដំបូងត្រូវបានគេរកឃើញ ដោយសារមានទំនាក់ទំនងជាមួយអ្នកជម្ងឺនៅខេត្ត Ha Nam ស្រុក Dong Anh បានបិទខ្ទប់និងធ្វើចត្តាឡីស័កភូមិមួយដែលមានប្រជាជនចំនួន ៤៩៩ គ្រួសារនិងមានប្រជាជនជាង ២.៣០០ នាក់។
ស្រុកបានរៀបចំប៉ុស្តិ៍ត្រួតពិនិត្យយ៉ាងតឹងរឹងចំនួន ៣ ប៉ុន្តែនៅក្នុងភូមិសកម្មភាពផលិតកម្មនៅតែប្រតិបត្តិជាធម្មតា តម្រូវការចាំបាច់របស់ប្រជាជននៅតែត្រូវបានផ្គត់ផ្គង់យ៉ាងគ្រប់គ្រាន់។
រហូតមកដល់ពេលនេះស្រុក Dong Anh មានកន្លែងរីករាលដាលជំងឺកូវីដ ចំនួន ៤ ដែលត្រូវបិទខ្ទប់ ប៉ុន្តែដោយវិធីច្នៃប្រឌិតនេះជាពិសេសគំរូធ្វើចត្តាឡីស័ក “ ៣ ស្រទាប់ “ ស្រុក Dong Anh នៅតែគ្រប់គ្រង ស្ថានការណ៍បានល្អនិងអនុវត្តគោលដៅទាំងពីរប្រកបដោយមានប្រសិទ្ធភាព ។
យោងតាមលេខាគណៈកម្មាធិការបក្សស្រុក Dong Anh គំរូធ្វើ ចត្តាឡីស័ក “ ៣ ស្រទាប់ “ ត្រូវបានរៀបចំដូចខាងក្រោម៖ ស្រទាប់ទី ១ គឺរឹតបន្តឹងការធ្វើចត្តាឡីស័កនៅឯផ្ទះករណី F1 និងករណី F2 ទាំងអស់និងប្រជាជនដែលធ្វើដំណើរក្នុងតំបន់ផ្ទុះឡើងនៃជំងឺនេះ។ ក្នុងស្រទាប់នេះស្រុកចាត់តាំងកម្លាំងឈរជើង ២៤ / ២៤ ម៉ោង។ ស្រទាប់ទី ២ គឺការបង្កើតប៉ុស្តិ៍ត្រួតពិនិត្យ ដើម្បីគ្រប់គ្រងសកម្មភាពផ្ទៃក្នុងនៅតាមច្រកនិងភូមិតូចៗ។ ស្រទាប់ទី ៣ គឺជារង្វង់ខាងក្រៅសម្រាប់គ្រប់ភូមិនិងក្រុមប្រជាជនដែលមានប៉ុស្តិ៍ត្រួតពិនិត្យចំនួន ១៦១១ ។
ដើម្បីអនុវត្តគំរូនេះស្រុក Dong Anh បានប្រមូលផ្តុំអ្នកស្ម័គ្រចិត្ត និងកម្លាំងអន្តរវិស័យជាង ១១.០០០ នាក់ចូលរួម ដើម្បីការពារនៅតាមប៉ុស្តិ៍ត្រួតពិនិត្យនិងធានាការគ្រប់គ្រងសុខាភិបាល។
ទន្ទឹមនឹងនេះ ស្រុក Dong Anh បានអនុវត្តសេណារីយ៉ូឆ្លើយតបនឹង ការរាតត្បាតក្នុងកម្រិតខ្ពស់បំផុត ដោយចាត់ទុកថា នេះជាភារកិច្ច អាទិភាពកំពូល; ការអនុវត្ត“ ៣ ប្រការមុន” គឺ“ វាយតំលៃនិងសន្និដ្ឋានជាមុន”“ រៀបចំផែនការសកម្មភាពជាមុន”“ រកឃើញនិងមានសកម្មភាពជាមុន” រួមផ្សំនឹងការអនុវត្តបាវចនា “ ៤ នៅនឹងកន្លែង” ។
ដោយសារការអនុវត្តវិធីធ្វើចត្តាឡីស័ក “៣ស្រទាប់” ដែលមានប្រសិទ្ធភាព រហូតមកដល់ពេលនេះស្ថានភាពរាតត្បាតនៅស្រុក Dong Anh ត្រូវបានគ្រប់គ្រងជាមូលដ្ឋាន។ ស្រុកនៅតែបន្តបំពេញ ភារកិច្ចរៀបចំការបោះឆ្នោត ដើម្បីធានាសុវត្ថិភាពនិងកាលវិភាគ សន្តិសុខ ស្ថិរភាពនយោបាយ សណ្តាប់ធ្នាប់សង្គមនិងស្ថានភាពសុវត្ថិភាព./.
thoidai.com.vn
មតិពីមិត្តអ្នកអាន