នាព្រឹកថ្ងៃទី ១២ ឧសភា នៅទីក្រុងហាណូយ លោកឧត្តមសេនីយ៍ឯក Hoang Xuan Chien អនុរដ្ឋមន្រ្តីក្រសួងការពារប្រទេសវៀតណាម អញ្ជើញជាអធិបតីនៃកិច្ចប្រជុំស្តីពីកិច្ចសហប្រតិបត្តិការរវាងវៀតណាម និងប្រទេសជិតខាងដែលមានខ្សែព្រំដែនរួមក្នុងការគ្រប់គ្រង ការពារព្រំដែន និងទប់ស្កាត់ការចេញចូលឆ្លងកាត់ព្រំដែនដោយខុសច្បាប់។
 |
| ទិដ្ឋភាពនៃកិច្ចប្រជុំ |
នៅក្នុងកិច្ចប្រជុំ តំណាងស្ថាប័ន និងអង្គភាពទាំងឡាយបានរាយការណ៍អំពីលទ្ធផលនៃការអនុវត្តសកម្មភាពជួបប្រាស្រ័យ កិច្ចសហប្រតិបត្តិការព្រំដែន; ការទប់ស្កាត់ការចេញចូលឆ្លងកាត់ព្រំដែនដោយខុសច្បាប់; ការបង្ការ និងប្រយុទ្ធប្រឆាំងនឹងជំងឺរាតត្បាត Covid-19 នៅតំបន់ព្រំដែនរួមរវាងវៀតណាម និងប្រទេសជិតខាងនាពេលថ្មីៗនេះ។
 |
| លោកឧត្តមសេនីយ៍ឯក Hoang Xuan Chien ថ្លែងនៅក្នុងកិច្ចប្រជុំ |
លោកឧត្តមសេនីយ៍ឯក Hoang Xuan Chien បានស្នើឲ្យស្ថាប័ន និងអង្គភាពពាក់ព័ន្ធនានា បន្តជំរុញសកម្មភាពជួបប្រាស្រ័យ កិច្ចសហប្រតិបត្តិការរវាងកងកម្លាំងការពារព្រំដែនវៀតណាម និងប្រទេសជិតខាងនាពេលខាងមុខដូចជា៖ ការជួបជុំ ការផ្លាស់ប្តូរ កិច្ចសន្ទនាតាមប្រព័ន្ធវីដេអូ ការផ្តល់ព័ត៌មានអំពីស្ថានភាពដើម្បីចូលរួមចំណែកប្រកបដោយប្រសិទ្ធភាពដល់ការងារគ្រប់គ្រង និងការពារព្រំដែន ទប់ស្កាត់ការចេញចូលឆ្លងកាត់ព្រំដែនដោយខុសច្បាប់ និងការបង្ការ និងប្រយុទ្ធប្រឆាំងនឹងជំងឺរាតត្បាត Covid-19។ លោកឧត្តមសេនីយ៍ឯក Hoang Xuan Chien ក៏បានស្នើឲ្យបញ្ជាការដ្ឋានកងទ័ពការពារព្រំដែនផ្លាស់ប្តូរ និងសម្របសម្រួលជាមួយអាជ្ញាធរដែនដី ក៏ដូចជាកងកម្លាំងពាក់ព័ន្ធនានាឲ្យអនុវត្តបានល្អការទប់ស្កាត់ការចេញចូលឆ្លងកាត់ព្រំដែនដោយខុសច្បាប់៕
kh.qdnd.vn
មតិពីមិត្តអ្នកអាន