យុគសម័យ - លោកបណ្ឌិត Mike Ryan នាយកផ្នែកសង្រ្គោះបន្ទាន់អង្គការ WHO (អង្គការសុខភាពពិភពលោក ) ព្រួយបារម្ភអំពី វីរុស SARS-CoV-2 ដែលបង្កឱ្យមានជំងឺរាតត្បាត COVID-19 មិនអាចបាត់ទៅវិញឡើយ។
លោកបណ្ឌិត Mike Ryan នាយកផ្នែកសង្រ្គោះបន្ទាន់អង្គការ WHO បាននិយាយឲ្យដឹងថា "នេះជាលើកដំបូងដែលយើងកំពុងមើលឃើញប្រភេទវីរុសមួយលើមនុស្ស។ ដូច្នេះដើម្បីគ្រប់គ្រងវីរុសនេះ យើងត្រូវការកិច្ចខិតខំប្រឹងប្រែងទាំងអស់គ្នា» "
លោកបានបន្ថែមថា “វីរុសនេះ (COVID-19) អាចនឹងក្លាយជាវីរុសឆ្លងថ្មីមួយទៀត នៅក្នុងសហគមន៍របស់យើង ហើយវាប្រហែលជាមិនរលាយបាត់នោះទេ... ដូច្នេះដើម្បីគ្រប់គ្រងវីរុសនេះ យើងត្រូវការកិច្ចខិតខំប្រឹងប្រែងទាំងអស់គ្នា»។ លោកបន្ថែមថា វីរុស HIV មិនបានរលាយបាត់ឡើយ ប៉ុន្តែមនុស្សអាចគ្រប់គ្រងវីរុសនេះបាន។
លោកបណ្ឌិត Mike Ryan នាយកផ្នែកសង្រ្គោះបន្ទាន់អង្គការ WHO (រូបថត៖ AFP)
ក្រៅពីការព្រមានដល់ប្រជាជនអំពីរោគរាតត្បាត Covid-19 មិនមិនអាច រលាយបាត់ឡើយ លោកបណ្ឌិត Ryan បានសង្កត់ធ្ងន់ថា “ការរកឃើញវ៉ាក់សាំងវីរុស SARS-CoV-2 គឺជាការងារចាំបាច់របំផុតនៅពេលនេះ។ វ៉ាក់សាំងនេះត្រូវតែមានគ្រប់ពេលវេលានិងអាចប្រើបានយ៉ាងទូលំទូលាយសម្រាប់មនុស្សជាច្រើន។”
យោងតាមលោកបណ្ឌិត Ryan បានអោយដឹងថា វ៉ាក់សាំងដែលមានសក្តានុពលជាង ១០០ ប្រភេទកំពុងត្រូវបានស្រាវជ្រាវ ហើយវ៉ាក់សាំងមួយចំនួនត្រូវបានគេយកទៅធ្វើតេស្តិ៍។ ទោះយ៉ាងណា ការស្វែងរកវ៉ាក់សាំងវីរុស SARS-CoV-2 នៅតែពិបាកខ្លាំងណាស់។
ជំងឺ Covid-19 ចាប់ផ្តើមពីទីក្រុងវូហាននៃប្រទេសចិន នៅខែធ្នូឆ្នាំ ២០១៩ បច្ចុប្បន្នបានរីករាលដាលនៅ ២១២ ប្រទេសនិងដែនដី ដែលបណ្តាលឱ្យមានការឆ្លងជាង ៤,៤ លាននាក់ ជិត ២៩៨.០០០ នាក់បានស្លាប់ និងប្រហែល ១,៦ លាននាក់បានព្យាលបាលនិងជាសះស្បើយហើយ!
（បកប្រែដោយឌីណា）
（ប្រភពព័ត៌មាន: thoidai.com.vn）
មតិពីមិត្តអ្នកអាន