យុគសម័យ - នាពេលថ្មីៗនេះ អតីតនិស្សិតនិងនិស្សិតចំនួន ៧០ នាក់ដែលកំពុងសិក្សានៅសាកលវិទ្យាល័យស្រាវជ្រាវអំពីបរទេសតូក្យូបានចាប់ផ្តើមគម្រោងសាងសង់គេហទំព័រអំពីជំងឺរាតត្បាត COVID-19 ដែលត្រូវបានបកប្រែជា ១៣ ភាសារួមទាំងភាសាវៀតណាម។
គេហទំព័រជួយគាំទ្រដល់ជនបរទេសអំពីជំងឺរាតត្បាត COVID-19 របស់ក្រុមនិស្សិតជប៉ុនជាភាសាវៀតណាម។
យោងតាមទីភ្នាក់ងារសារព័ត៌មានវៀតណាម គេហទំព័រ https://covid19-tagengo.com ត្រូវបានបង្កើតឡើងក្នុងគោលបំណងជួយគាំទ្រដល់ជនបរទេសនៅជប៉ុនដើម្បីទទួលបានព័ត៌មានថ្មីៗស្តីពីស្ថានភាពនៃជំងឺរាតត្បាតរលាកផ្លូវដង្ហើមស្រួចស្រាវ COVID-19 ក៏ដូចជាវិធានការ គោលនយោបាយនិងគោលការណ៍នៃរដ្ឋាភិបាលប្រទេសនេះក្នុងការបង្ការនឹងទប់ស្កាត់នឹងជំងឺរាតត្បាតនេះ។
គេហទំព័រនេះនឹងជួយជនបរទេសនៅក្នុងជប៉ុនឱ្យធ្វើបច្ចុប្បន្នភាពព័ត៌មាននិងមានសុវត្ថិភាពជាងមុនអំពីស្ថានភាពនៃជំងឺរាតត្បាតនៅជប៉ុនក៏ដូចជាសង្ឃឹមថា ការងារនេះនឹងឆ្ពោះទៅរកការកសាងសង្គមដែលមានការរួមបញ្ចូលគ្នា។ គេហទំព័រនេះមានមុខងារបញ្ជូនព័ត៌មានសំខាន់ៗដូចជា វិធានការណ៍ដើម្បីចៀសវាងការឆ្លង ឬព័ត៌មានជាក់លាក់អំពីបញ្ហាទាក់ទងនឹងជនអន្តោប្រវេសន៍ គោលនយោបាយជំនួយហិរញ្ញវត្ថុបច្ចុប្បន្ន និងធនធានគាំទ្រ។
នាបច្ចុប្បន្ន គេហទំព័រនេះត្រូវបានបកប្រែជា ១៣ ភាសាដូចជា ជប៉ុន អង់គ្លេស ចិន កូរ៉េខាងត្បូង អាឡឺម៉ង់ បារាំង អេស្ប៉ាញ ព័រទុយហ្កាល់ វៀតណាម ឥណ្ឌូនេស៊ី ជាដើម។ នេះក៏ជាប៉ុស្តិ៍ព័ត៌មានដែលអាចទុកចិត្តបានផងដែរដើម្បីប្រជាជនវៀតណាមនៅជប៉ុនអាចធ្វើបច្ចុប្បន្នភាពព័ត៌មានសំខាន់ៗ ជាពិសេសនៅក្នុងបរិបទនៃជំងឺរាតត្បាត COVID-19 នៅតែមានភាពស្មុគស្មាញ៕（បកប្រែដោយសាមេត）
（ប្រភពព័ត៌មាន: thoidai.com.vn）
មតិពីមិត្តអ្នកអាន