រដ្ឋសភាកម្ពុជា សម្រេចដាក់ឱ្យមន្រ្តីអាចធ្វើការងារតាមអនឡាញ ដោយសារការរីករាលដាល់នៃ Covid-19

អគ្គលេខាធិការរដ្ឋសភា បានបញ្ជាក់យ៉ាងដូច្នេះថា៖ «យើងនឹងអនុវត្តន៍ការប្រាស្រ័យទាក់ទងគ្នា ឬការអនុវត្តការងារតាម អនឡាញ ។ អ្នកណាធ្វើការងារតាមអនឡាញបាន ធ្វើតាមអនឡាញ ប្រាស្រ័យទាក់ទងក្រសួងតាមអនឡាញ។ យើងបានរៀបចំឲ្យមានជាអាសយដ្ឋានលើអនឡាញ យើងនឹងដាក់នៅលើវេបសាយរដ្ឋសភា។ អនឡាញ មានការទាក់ទងមកអគ្គលេខាធិការដ្ឋានរដ្ឋសភាផ្ទាល់ អនឡាញដែលទាក់ទងមកគណៈកម្មការផ្សេងៗ ទាក់ទងនឹងខុទ្ទកាល័យផ្សេងៗ»។

ក្រៅពីនេះ ចំពោះមុខការវិត្តន៍យ៉ាងស្មុគស្មាញនៃជំងឺរាតត្បាត Covid-19 សម្ដេច តេជោ ហ៊ុន សែន នាយករដ្ឋមន្រ្តីរាជរដ្ឋាភិបាលកម្ពុជាបានចេញសារាចរណ៍ណែនាំដល់មន្ត្រីរាជការនិងប្រជាពលរដ្ឋកម្ពុជាកុំឲ្យធ្វើដំណើរទៅកាន់អឺរ៉ុប សហរដ្ឋអាមេរិក និងអ៊ីរ៉ង់។

សារាចរណ៍ពោលខាងលើត្រូវបានធ្វើឡើងបន្ទាប់ពីក្រសួងសុខាភិបាលកម្ពុជាប្រកាសពីការរកឃើញករណីឆ្លងវីរុស SARS-CoV-2 ចំនួន៤ ករណីបន្ថែមទៀតកាលពីយប់ថ្ងៃទី១៥មីនា៕