កម្ពុជានិងឡាវ

កម្ពុជា-ឡាវ កំពុងសិក្សាដើម្បីឈានទៅបើកច្រកទ្វារព្រំដែនអន្ដរជាតិមួយទៀត ស្ថិតក្នុងខេត្តរតនគិរី តែគម្រោងនេះ មិនទាន់បង្ហាញជាផ្លូវការនៅឡើយទេ ព្រោះស្ថិតក្នុងដំណាក់កាលនៃការសិក្សានៅឡើយ។

ថ្លែងបើកសន្និសីទអន្តរជាតិលើកទី២នេះ ឯកឧត្ដម ស៊ឹម កា បានគូសបញ្ជាក់ថា សន្និ​សីទនេះ គឺផ្តោតជាសំខាន់ទៅលើការកសាងសន្តិភាព មិត្តភាព និងសហប្រតិបត្តិការល្អ​ រវាង​ប្រទេសទាំងពីរកម្ពុជា-ឡាវ និងដើម្បីឧទ្ទិសដល់ទំនាក់ទំនងសាមគ្គីភាព មិត្តភាព និងកិច្ច​សហ​ប្រតិបត្តិការជាប្រពៃណីនេះកាន់តែស្អិតរមួត និងរឹងមាំខ្លាំងក្លាថែមទៀត។ ឯកឧត្ដមបាន​បន្ដថា ការជួបជុំនាពេលនេះ គឺជាទិដ្ឋភាពជាក់ស្តែងមួយបង្ហាញឱ្យឃើញពីការពូន​ជ្រុំបន្ត​ពង្រឹង និងពង្រីកប្រពៃណីសាមគ្គីភាព មិត្តភាព និងសហប្រតិបត្តិការដ៏ល្អរវាងប្រជាជន និង​ប្រជាជន នៃប្រទេសទាំងពីរកម្ពុជា-ឡាវ ឱ្យកាន់តែទូលំទូលាយរឹងមាំ និងគង់វង្ស ស្ថិតស្ថេរយូរអង្វែងតទៅ។

យុគសម័យ - កម្ពុជានិងឡាវបានចេញសេចក្តីថ្លែងការណ៍រួមដោយមាន ១២ ចំណុច រួមទាំងការលើកសម្ពស់ទំនាក់ទំនងឡើងកំរិតភាពជាដៃគូយុទ្ធសាស្ត្រគ្រប់ជ្រុងជ្រោយនិងយូរអង្វែង ដើម្បីពង្រឹងមិត្តភាពនិងកិច្ចសហប្រតិបត្តិការលើវិស័យជាច្រើន។

បន្ទាប់ពីទទួលបដិណ្ឋាកិច្ចស្វាគមន៍នាយករដ្ឋមន្រ្តីឡាវ, នាម៉ោង១០៖០០នាទីព្រឹកថ្ងៃទី១២ ខែកញ្ញា ឆ្នាំ២០១៩នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ទទួលជួបពិភាក្សាទ្វេភាគីជាមួយ លោក ថងលូន ស៊ីស៊ូលីត នាយករដ្ឋមន្រ្តីឡាវ នៅវិមានសន្តិភាព ហើយបន្ទាប់ពីនោះភាគីទាំងពីរមានសន្និសីទរួម ព្រមទាំងអញ្ជើញជាអធិបតីភាព ក្នុងពិធីចុះហត្ថលេខាលើឯកសារមួយចំនួន។

កម្ពុជា-ឡាវ បានពិភាក្សាគ្នាយ៉ាងល្អិតល្អន់ ក្នុងបរិយាកាសស្និទ្ធស្នាល ត្រង់ទៅត្រង់មកអំពីដំណោះស្រាយបញ្ហាព្រំដែន ដែលនៅសេសសល់ និងការលើកកម្ពស់ កិច្ចសហប្រតិបតិ្តការរវាងប្រទេសទាំងពីរ។ នេះបើតាមសេចក្ដីប្រកាសព័ត៌មានលទ្ធផល នៃទស្សនកិច្ចការងាររបស់លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ នៃកម្ពុជា នៅសាធារណរដ្ឋប្រជាធិបតេយ្យប្រជាមានិតឡាវ រយៈពេល ២ថ្ងៃ ចាប់ពីថ្ងៃទី០៥-០៦ ខែកញ្ញា ឆ្នាំ២០១៩ ដែលបណ្ដាញព័ត៌មាន Fresh News ទទួលបាននៅថ្ងៃទី០៨ ខែកញ្ញា ឆ្នាំ២០១៩នេះ។