យុគសម័យ - នាព្រឹកថ្ងៃទី ២៣ ខែកក្កដា នៅទីក្រុងហាណូយ សហភាពសហព័ន្ធអង្គការមិត្តភាព វៀតណាម (VUFO) បានរៀបចំពិធីប្រគល់មេដាយកិត្តិយស “ដើម្បីសន្តិភាពមិត្តភាពក្នុងចំណោម ប្រជាជាតិ” ជូនដល់លោកស្រី María Jesús Figa López-Palop ឯកអគ្គរដ្ឋទូតវិសាមញ្ញនិងពេញ សមត្ថភាពនៃព្រះរាជាណាចក្រអេស្ប៉ាញប្រចាំនៅប្រទេសវៀតណាមក្នុងឱកាសបញ្ចប់អាណត្តិរបស់លោកស្រីនៅប្រទេសវៀតណាម។
លោកស្រីឯកអគ្គរដ្ឋទូតអេស្ប៉ាញ María Jes Figs Figa López-Palop និង ប្រធាន VUFO លោកស្រី Nguyen Phuong Nga
ក្នុងនាមជាប្រធាន VUFO លោកស្រី Nguyen Phuong Nga បានប្រគល់ជូនឯកអគ្គរដ្ឋទូត María Jesús Figa López-Palop មេដាយកិត្តិយស “ដើម្បីសន្តិភាពមិត្តភាពក្នុងចំណោម ប្រជាជាតិ” ដែលជា រង្វាន់ខ្ពង់ខ្ពស់បំផុតរបស់ VUFO ជូនដល់មិត្តភក្តិអន្តរជាតិ។ អស់រយៈពេលជាង ៣ ឆ្នាំនៃការបំពេញបេ សកកម្មនៅប្រទេសវៀតណាម លោកស្រីឯកអគ្គរដ្ឋទូត បានរួមចំណែកយ៉ាងវិជ្ជមានក្នុងការជំរុញទំនាក់ ទំនងភាពជាដៃគូយុទ្ធសាស្ត្រយ៉ាងស៊ីជម្រៅនិងទូលំទូលាយរវាងវៀតណាមនិងអេស្ប៉ាញ។
លោកស្រី ក៏បានជំរុញកិច្ចសហប្រតិបត្តិការទ្វេភាគីរវាងប្រទេសទាំងពីរលើគ្រប់វិស័យដូចជាសេដ្ឋកិច្ច នយោបាយ វប្បធម៌ និងសង្គមដោយគាំទ្រយ៉ាងសកម្មដល់កិច្ចសហប្រតិបត្តិការរវាងធុរកិច្ចនៃប្រទេសទាំងពីរដោយ ឆ្ពោះទៅការអភិវឌ្ឍប្រកបដោយចីរភាពនៅវៀតណាមជាដើម។ ដើម្បីថ្លែងអំណរគុណចំពោះការរួមចំណែករបស់លោកស្រីឯកអគ្គរដ្ឋទូតអេស្ប៉ាញ ប្រធាន VUFO បានជឿជាក់ថានៅទីណាក៏ឯកលោកស្រីអគ្គរដ្ឋទូតនិងស្វាមីក៏នឹងបន្តផ្តល់ការគាំទ្រដ៏មានតម្លៃដល់វៀតណាមនិងបន្តរួមចំណែកក្នុងការពង្រឹងនិងពង្រីក ថែមទៀតនូវចំណងសាមគ្គីភាព និងកិច្ចសហប្រតិបត្តិការរវាង វៀតណាមនិងអេស្ប៉ាញផងដែរ។
ទិដ្ឋភាពនៃជំនួននេះ
នៅក្នុងពិធីនេះលោកស្រីឯកអគ្គរដ្ឋទូត María Jesús Figa López-Palop បានសម្តែងការកោត សរសើ ចំពោះសេចក្តីស្រលាញ់រាប់អានរបស់ VUFO សមាគមមិត្តភាពវៀតណាម - អេស្ប៉ាញ និងមិត្តវៀតណាមដែលបានផ្តល់ជូនចំពោះរូបគាត់ផងដែរ៕
(បកប្រែដោយ ហេង វុធ្ធី)
(ប្រភពព័ត៌មាន: thoidai.com.vn)
មតិពីមិត្តអ្នកអាន