ក្នុងឱកាសអបអរសាទរខួបលើកទី ៦៦ នៃទិវាបុណ្យឯករាជ្យជាតិនៃព្រះរាជាណាចក្រកម្ពុជា (ថ្ងៃទី៩ វិច្ឆិកា ឆ្នាំ១៩៥៣ - ថ្ងៃទី៩ វិច្ឆិកា ឆ្នាំ២០១៩) នាយប់ថ្ងៃទី ៩ ខែវិច្ឆិកា នៅទីក្រុងហាណូយ និស្សិតកម្ពុជាដែលកំពុងសិក្សានៅវៀត ណាមបានរៀបចំឡើងកម្មវិធីជប់លៀងនិងសំដែងសិល្បៈ ដើម្បីអបអរសាទរទិវាបុណ្យឯករាជ្យជាតិកម្ពុជា។
ការសំដែងសិល្បៈរបស់និស្សិតកម្ពុជានៅក្នុងពិធី (រូបថត៖ VanHoa/VOV5)
អញ្ជើញចូលរួមក្នុងពិធីនេះមានវត្តមានរបស់ លោក ចាយណាវុធ ឯកអគ្គរាជទូតវិសាមញ្ញនិងពេញសមត្ថភាពនៃព្រះរាជាណាចក្រកម្ពុជាប្រចាំនៅប្រទេសវៀតណាម លោក Vu Mao ប្រធានសមាគមមិត្តភាពវៀតណាម - កម្ពុជា; តំណាងមជ្ឈមណ្ឌលបណ្តុះបណ្តាលអន្តរជាតិ រួមទាំងនិស្សិតកម្ពុជាដែលសិក្សានៅសាកលវិទ្យាល័យនានានៅទីក្រុងហាណូយផងដែរ។
លោក ចាយណាវុធ ឯកអគ្គរាជទូតកម្ពុជាប្រចាំនៅប្រទេសវៀតណាម (រូបថត៖ VOV5)
ថ្លែងមតិក្នុងពិធីនេះ លោក Vu Mao បានវាយតម្លៃខ្ពស់ចំពោះសមិទ្ធិផលនិងការខិតខំរបស់និស្សិតកម្ពុជាក្នុងប៉ុន្មានឆ្នាំកន្លងទៅ ហើយក៏អះអាងថានិស្សិតកម្ពុជាដែលកំពុងសិក្សានៅវៀតណាមបានពង្រីកស្មារតីសាមគ្គីភាព មិត្តភាព និងចូលរួមយ៉ាងសកម្មក្នុងចលនា“ បណ្តុះពន្លកមិត្តភាព» ដែលបំផុសឡើងដោយសមាគមមិត្តភាពវៀតណាម -កម្ពុជា។ តាមនោះរួមចំណែកកសាងប្រទេសជាតិ ក៏ដូចជាពង្រឹងនិងពង្រីកទំនាក់ទំនងមិត្តភាពនិងសហប្រតិបត្តិការរវាងប្រជាជន វៀតណាមនិងកម្ពុជា។
តំណាងទាំងឡាយដែលបានចូលរួមក្នុងពិធី (រូបថត៖ VanHoa/VOV5)
ក្នុងឱកាសនេះ ឯកអគ្គរាជទូតកម្ពុជា លោក ចាយណាវុធ ក៏មានបំណងចង់ឲ្យនិស្សិតកម្ពុជាទាំងអស់ត្រូវខិតខំសិក្សាបន្ថែមទៀត ដើម្បីយកចំណេះដឹងដែលបានរៀនសូត្រនៅវៀតណាម មករួមចំណែកក្នុងការកសាងនិងថែរក្សាសន្តិភាព ក៏ដូចជារួមដៃគ្នារក្សាចំណងសាមគ្គីភាពនិងមិត្តភាពកម្ពុជា - វៀតណាមឲ្យកាន់ តែឋិតឋេរជានិរន្តពីមួយថ្ងៃទៅមួយថ្ងៃផងដែរ។
ទិដ្ឋភាពនៃពិធី (រូបថត៖ VOV5)
((ប្រភព៖ vovworld.vn ហេង វុធ្ធីសរុប))
មតិពីមិត្តអ្នកអាន