យុគសម័យ - នាពេលថ្មីៗនេះនៅទីក្រុង Lao Cai (ខេត្ត Lao Cai) សមាគមមិត្តភាពវៀតណាម - ចិន សម្ព័ន្ធអង្គការមិត្តភាពរបស់ខេត្ត Lao Cai និងសមាគមមិត្តភាពវៀតណាម - ចិននៅខេត្ត Lao Cai បានបើកកិច្ចប្រជុំសង្ខេបការងារនូវកិច្ចការមិត្តភាពរវាងវៀតណាមនិងចិន។
ទិដ្ឋភាពទូទៅនៃសន្និសីទ។ (រុបថត៖ Hoang Thu/ Baolaocai)
សន្និសីទនេះជាសកម្មភាពមួយក្នុងចំណោមសកម្មភាពដើម្បីខួបលើកទី ១០ ឆ្នាំនៃការបញ្ចប់ការខ័ណ្ឌសីមានិងបោះបង្គោលព្រំដែនគោករវាងវៀតណាមនិងចិន។
នៅក្នុងសន្និសីទនេះប្រតិភូនៃសមាគមមិត្តភាពវៀតណាម - ចិនចំនួន ១១ ខេត្តក្រុងនៅពាក់កណ្តាលដីកណ្តាលតំបន់ភ្នំនិងព្រំដែនខាងជើងបានស្តាប់រាយការណ៍អំពីសកម្មភាពរបស់សមាគមមិត្តភាពវៀតណាម - ចិន ស្ថានភាពនៃទំនាក់ទំនងមិត្តភាពវៀតណាម - ចិនអស់រយៈពេលជាច្រើនឆ្នាំកន្លងមក។ ទន្ទឹមនឹងនោះបង្រួបបង្រួមសកម្មភាពសំខាន់ៗដើម្បីអបអរសាទរខួបលើកទី ៧០ នៃការបង្កើតទំនាក់ទំនងការទូតរវាងវៀតណាមនិងចិនក្នុងឆ្នាំ ២០២០ ។
នាពេលថ្មីៗនេះ សមាគមមិត្តភាពវៀតណាម - ចិនបានរៀបចំសកម្មភាពផ្លាស់ប្តូរជាច្រើនក្នុងឱកាសនៃថ្ងៃបុណ្យដ៏អស្ចារ្យរបស់ប្រជាជនទាំងពីរ។ រៀបចំការផ្លាស់ប្តូរគណៈប្រតិភូ; ចូលរួមនិងសម្របសម្រួលរៀបចំកិច្ចប្រជុំ វេទិកាទ្វេភាគី រៀបចំសកម្មភាពផ្លាស់ប្តូររវាងយុវជន បន្តកៀរគរអាជីវកម្មរបស់ភាគីទាំងពីរធ្វើសកម្មភាពសប្បុរសធម៌ បង្កើតលក្ខខណ្ឌអំណោយផលដើម្បីជួយដល់មូលដ្ឋាននានាដែលកំពុងប្រឈមមុខនឹងការលំបាកក្នុងការកសាងសាលារៀនផ្លូវ ផ្តល់សម្ភារៈនិងអំណោយដល់សិស្ស។
ទន្ទឹមនឹងនេះ សមាគមបានសម្របសម្រួលជាមួយបណ្តាញការបរទេសដទៃទៀតដើម្បីប្រយុទ្ធដើម្បីការពារអធិបតេយ្យភាពជាតិនិងបូរណភាពទឹកដីរបស់ប្រទេសតាមរយៈបណ្តាញការបរទេសប្រជាជនដើម្បីជះឥទ្ធិពលដល់ប្រទេសមិត្តដើម្បីដោះស្រាយបញ្ហាដែលមាននៅក្នុងទំនាក់ទំនងទ្វេភាគី ដែលមិនអោយបញ្ហាទាំងនេះប៉ះពាល់ដល់ទំនាក់ទំនងទ្វេភាគី។
យោងតាមអនុប្រធានសមាគមមិត្តភាពវៀតណាម - ចិនលោក Nguyen Van Tho ថា សមាគមមិត្តភាពវៀតណាម - ចិនជានិច្ចកាលអនុវត្តតាមគោលការណ៍ណែនាំនិងគោលនយោបាយរបស់បក្ស គោលនយោបាយច្បាប់របស់រដ្ឋ ក្នុងរាល់សកម្មភាពជានិច្ចកាល លើកកម្ពស់កម្លាំងសមូហភាពស្មារតីប្រជាធិបតេយ្យសាមគ្គីភាពក្នុងការអនុវត្តដើម្បីបំពេញភារកិច្ចដែលបានកំណត់។ នាពេលខាងមុខកិច្ចការបរទេសប្រជាជនរបស់វៀតណាម - ចិននៅតាមមូលដ្ឋានក្រោមការដឹកនាំនិងការណែនាំដោយផ្ទាល់ពីគណៈកម្មាធិការបក្សអាជ្ញាធរគ្រប់ជាន់ថ្នាក់ភ្នាក់ងារការបរទេសដើរតួនាទីសេនាធិការនិងតភ្ជាប់ការដាក់ពង្រាយ ស្ថាប័ននានានិងប្រជាជនគ្រប់ស្រទាប់វណ្ណៈគឺជាកម្លាំងសំខាន់នៅក្នុងការរៀបចំនិងអនុវត្ត។
ជាពិសេសសមាគមមិត្តភាពវៀតណាម - ចិនគួរតែបន្តលើកកម្ពស់តួនាទីសកម្មដើរតួជាស្ពានលើកទឹកចិត្តនិងជួយភ្នាក់ងារស្ថាប័នមហាជនអង្គការនិងអាជីវកម្មនៃប្រទេសទាំងពីរបង្កើតទំនាក់ទំនងមិត្តភាព។ ផ្លាស់ប្តូរនិងសហការគ្នាក្នុងវិស័យសេដ្ឋកិច្ចវប្បធម៌វិទ្យាសាស្ត្រនិងបច្ចេកវិទ្យានិងផ្លាស់ប្តូរគណៈប្រតិភូរវាងប្រជាជននៃប្រទេសទាំងពីរ។ ជំរុញអាជីវកម្មរបស់ប្រទេសទាំងពីរអនុវត្តកិច្ចសហប្រតិបត្តិការជាក់ស្តែងនិងចូលរួមសកម្មភាពសាធារណៈនិងមនុស្សធម៌ ... ក្នុងមូលដ្ឋាន។
នៅឆ្នាំ ២០២០ ដើម្បីអបអរសាទរខួបលើកទី ៧០ នៃការបង្កើតទំនាក់ទំនងការទូតរវាងប្រទេសទាំងពីរ សមាគមមិត្តភាពវៀតណាម - ចិនបានប្តេជ្ញាចិត្តធ្វើការងារដ៏ល្អក្នុងការឃោសនានិងលើកកម្ពស់ចំណងមិត្តភាពប្រពៃណីវៀតណាម - ចិនដោយរៀបចំសកម្មភាពប្រាស្រ័យទាក់ទងជាមួយនិស្សិតនិងអាជីវកម្មចិនសិក្សានិងធ្វើការនៅតាមមូលដ្ឋាន ប្រាស្រ័យទាក់ទងមិត្តភាពរវាងប្រជាជននៃប្រទេសទាំងពីរនៅតាមព្រំដែន ៕
（ប្រែសម្រូលដោយវិច្ឆិកា）
មតិពីមិត្តអ្នកអាន