យុគសម័យ - ឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេសវៀតណាមលោក Pham Binh Minh បានអះអាងថាប្រទេសវៀតណាមតែងតែយកចិត្តទុកដាក់ខ្ពស់ក្នុងការពង្រឹងនិងបង្កើនទំនាក់ទំនងជាប្រទេសជិតខាងមិត្តភាពនិងកិច្ចសហប្រតិបត្តិការគ្រប់ជ្រុងជ្រោយជាមួយប្រទេសចិន។
លោក Pham Binh Minh និងប្រតិភូបានថូតរូបអនុស្សាវរីយ៏។ (ប្រភព៖ TTXVN)
នាថ្ងៃទី ២៨ ខែធ្នូ នៅទីស្នាក់ការនៃរដ្ឋាភិបាល លោក Pham Binh Minh សមាជិកការិយាល័យនយោបាយ ឧបនាយករដ្ឋមន្ត្រីនិងជារដ្ឋមន្រ្តីក្រសួងការបរទេសវងៀតណាម បានទទួលជួបអនុប្រធានសមាគមការទូតសាធារណៈ អនុប្រធានមូលនិធិ Soong Ching-ling នៃប្រទេសចិនលោក Hu Zheng Yao និងតំណាងនៃប្រទេសទាំងពីរបានចូលរួមវេទិកាប្រជាជនវៀតណាម - ចិនលើកទី ១១ ។
នៅក្នុងជំនួបនេះ លោក Pham Binh Minh បានអបអរសាទរយ៉ាងកក់ក្តៅចំពោះភាគីទាំងពីរស្តីពីការរៀបចំប្រកបដោយជោគជ័យនៃវេទិកាប្រជាជនវៀតណាម - ចិនលើកទី ១១ និងលោកក៏បានអះអាងថាបក្សរដ្ឋនិងប្រជាជនវៀតណាមតែងតែយុកចិត្តទុកដាក់ជាទីបំផុតដល់ការពង្រឹងនិងបង្កើនទំនាក់ទំនងជាប្រទេសជិតខាងមិត្តភាពនិងសហប្រតិបត្តិការគ្រប់ជ្រុងជ្រោយជាមួយបក្សរដ្ឋនិងប្រជាជនចិន។
ឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេសវៀតណាមលោក Pham Binh Minh បានស្នើឱ្យសម្ព័ន្ធអង្គការមិត្តភាពវៀតណាម សមាគមការបរទេសប្រជាជនចិននិងសមាគមការទូតសាធារណៈចិនសម្របសម្រួលជាមួយទីភ្នាក់ងារតំណាងនៃប្រទេសទាំងពីររៀបចំសកម្មភាពល្អដើម្បីអបអរសាទរខួបលើកទី ៧០ នៃការបង្កើតទំនាក់ទំនងការទូតរវាងវៀតណាមនិងចិន និងសកម្មភាពផ្លាស់ប្តូររវាងប្រជាជននៃប្រទេសទាំងពីរ រួមទាំងវេទិកាប្រជាជនវៀតណាម - ចិន ដែលបានចូលរួមវិភាគទានជាក់ស្តែងសម្រាប់ការពង្រឹងមិត្តភាពជាប្រពៃណី លើកកម្ពស់វិស័យថ្មីៗនៃកិច្ចសហប្រតិបត្តិការមានវឌ្ឍនភាពល្អ ការគ្រប់គ្រងការប្រឆាំង រក្សាសន្តិភាពនិងស្ថិរភាពនៅសមុទ្រ និងរួមចំណែកលើកកម្ពស់ទំនាក់ទំនងភាពជាដៃគូសហប្រតិបត្តិការ យុទ្ធសាស្ត្រគ្រប់ជ្រុងជ្រោយ វៀតណាម - ចិន ប្រកបដោយស្ថេរភាពនិងនិរន្តរភាព។
លោក Hu Zheng Yao ថ្លែងអំណរគុណចំពោះឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេសវៀតណាមលោក Pham Binh Minh ដែលបានចំណាយពេលជាមួយគណៈប្រតិភូ ដោយរីករាយចំពោះសមិទ្ធផលនៃកិច្ចសហប្រតិបត្តិការនាពេលកន្លងមករបស់ភាគីទាំងពីរ។ លោក Hu Zheng Yao បានសង្កត់ធ្ងន់ថាសមាគមការបរទេសប្រជាជនចិននិងសមាគមការទូតសាធារណៈចិននឹងធ្វើការសម្របសម្រួលយ៉ាងជិតស្និទ្ធជាមួយសម្ព័ន្ធអង្គការមិត្តភាពវៀតណាមដើម្បីរៀបចំសកម្មភាពខួបលើកទី ៧០ ឆ្នាំទំនាក់ទំនងការទូតវៀតណាម - ចិនក៏ដូចជាសកម្មភាពផ្លាស់ប្តូរមិត្តភាពរវាងប្រជាជននៃប្រទេសទាំងពីរ រួមចំណែកលើកកម្ពស់ទំនាក់ទំនងភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយរវាងវៀតណាមនិងចិន។
បន្ទាប់ពីជំនួបនេះលោកផាមប៊ិញមិញបានបំពាក់គ្រឿងឥស្សរិយយសមិត្តភាពរបស់ប្រធានរដ្ឋវៀតណាមជូនលោក Huang Qun អតីតប្រធាននាយកដ្ឋានកិច្ចការបរទេសនៃគណៈកម្មាធិការមជ្ឈិមបក្សកុម្មុយនិស្តចិន អតីតប្រធានការិយាល័យកិច្ចការបរទេសក្វាងទុង អតីតប្រធានគណៈកម្មាធិការកិច្ចការបរទេសសន្និបាទតំណាងរាស្រ្តខេត្តក្វាងទុង ចំពោះការចូលរួមចំណែកវិជ្ជមានរបស់គាត់ក្នុងការពង្រឹងនិងបង្កើនចំណងមិត្តភាពនិងកិច្ចសហប្រតិបត្តិការរវាងប្រជាជនវៀតណាមនិងចិន។
កន្លងមកចាប់ពីថ្ងៃទី ២៥-២៨ ខែធ្នូ ឆ្នាំ ២០១៩ ភាគីទាំងពីរបានសម្របសម្រួលរៀបចំវេទិកាប្រជាជនវៀតណាម - ចិនលើកទី ១១ ប្រកបដោយជោគជ័យនៅខេត្ត Nghe An៕
（ប្រែសម្រូលដោយវិច្ឆិកា）
មតិពីមិត្តអ្នកអាន