យុគសម័យ- នាព្រឹកថ្ងៃទី ២៥ ខែឧសភា ឆ្នាំ២០១៩ នៅទីស្នាក់ការនៃប៉ូស្តិ៍ការពារព្រំដែន Xa Mat បញ្ជាការដ្ឋានកងទ័ពការពារព្រំដែនខេត្តតៃនិញ បានរៀបចំពិធីជួបជុំ និងជូនប្រេងសាំងចំនួន ១០០០ លីត្រ ដល់ស្នងការដ្ឋាននគរបាលខេត្តត្បូងឃ្មុំនៃប្រទេសកម្ពុជា។
ដើម្បីពង្រឹង និងពង្រីកទំនាក់ទំនងសាមគ្គីភាព និងមិត្តភាពរវាងបញ្ជាការដ្ឋានកងទ័ពការពារព្រំដែនខេត្តតៃនិញ វៀតណាម ជាមួយស្នងការដ្ឋាននគរបាលខេត្តត្បូងឃ្មុំ កម្ពុជា ក្នុងការបំពេញភារកិច្ចបង្ការ ទប់ទល់ និងប្រឆាំងរាល់បទល្មើសលើតំបន់ជាប់ព្រំដែននៃខេត្តទាំងពីរ។
លោកវរសេនីយ៌ឯក Le Hong Vuong បញ្ជាការដ្ឋានកងទ័ពការពារព្រំដែនខេត្តតៃនិញ និងលោកឧត្តមសេនីយ៌ត្រី សាន សំណាង ស្នងការរងនៃស្នងការដ្ឋាននគរបាលខេត្ត ត្បូងឃ្មុំ នៅក្នុងពិធី
នៅក្នុងជំនួប លោកវរសេនីយ៌ឯក Le Hong Vuong មេបញ្ជាការដ្ឋានកងទ័ពការពារព្រំដែនខេត្តតៃនិញ សង្ឃឹមថា អំណោយនេះនឹងរួមវិភាគទានជួយឧបត្ថម្ភឲ្យភាគីមិត្តកម្ពុជា ដោះស្រាយការលំបាកក្នុងការធានាផ្គត់ផ្គង់វត្ថុធាតុដើម ដើម្បីបំរើឲ្យបណ្តាមធ្យបាយធ្វើដំណើររបស់អង្គភាព។
តំណាងនៃអង្គភាពទាំងពីរក៏បានផ្លាស់ប្តូរ ឯកភាពលើទិសដៅ វិធានការក្នុងការដោះស្រាយរឿងរ៉ាវមួយចំនួនដែលកើតឡើងនាពេលថ្មីៗនេះនៅតំបន់ជាប់ព្រំដែនរវាងខេត្តទាំងពីរ និងលើកយកបណ្តាវិធានការ ទិសដៅដើម្បីសហការគ្នាយ៉ាងល្អប្រសើរក្នុងអំឡុងពេលខាងមុខ។
លោកឧត្តមសេនីយ៌ត្រី សាន សំណាង ស្នងការរងនៃស្នងការដ្ឋាននគរបាលខេត្តត្បូងឃ្មុំ សម្តែងការថ្លែងអំណរគុណការជួយឧបត្ថម្ភទាន់ពេលវេលារបស់បញ្ជាការដ្ឋានកងទ័ពការពារព្រំដែនខេត្តតៃនិញ។ លោកឧត្តមសេនីយ៌ត្រី សាន សំណាង ក៏សង្ឃឹមថា ស្នងការដ្ឋាននគរបាលខេត្តត្បូងឃ្មុំ នឹងបន្តទទួលការយកចិត្តទុកដាក់ ការជួយឧបត្ថម្ភរបស់អាជ្ញាធរ កងកម្លាំងប្រដាប់អាវុធខេត្តទតៃនិញ ដើម្បីធានាឲ្យបានល្អប្រសើរអំពីមធ្យមបាយធ្វើដំណើរ និងសំភារៈដើម្បីឆ្លើយតបនឹងភារកិច្ចក្នុងពេលបំពេញការងារនាពេលបច្ចុប្បន្ន ព្រមទាំងឆ្លុះបញ្ចាំងពីទំនាក់ទំនងសាមគ្គីភាព មិត្តភាពរវាងស្នងការដ្ឋាននគរបាលខេត្តត្បូងឃ្មុំ ជាមួយបញ្ជាការដ្ឋានកងទ័ពការពារព្រំដែនខេត្តតៃនិញ នឹងកាន់តែអភិវឌ្ឍន៍ និងជិតស្និទ្ធបន្ថែមទៀត។
（ប្រភព៖ bienphong.com.vn បកប្រែដោយសំណាង）
មតិពីមិត្តអ្នកអាន