កម្ពុជាប្រារព្ធពិធីសម្ពោធដាក់ឲ្យប្រើប្រាស់ជាផ្លូវការស្តូបមិត្តភាពវៀតណាម - កម្ពុជានៅខេត្តរតនគីរី

ស្តូបមិត្តភាពវៀតណាម - កម្ពុជា នៅខេត្តរតនគីរី (រូបថតៈ TTXVN)

យោងតាមអ្នកយកព័ត៌មាននៃទីភ្នាក់ងារសារព័ត៌មានវៀតណាមប្រចាំនៅកម្ពុជាថា អញ្ជើញចូលរួមក្នុងពិធីមានវត្តមានអនុប្រធានអចិន្ត្រៃយ៍និងជាអគ្គលេខាធិការក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា លោក ញ៉ែម វ៉ាលី។ ពិធីនេះក៏មានការចូលរួមរបស់លោក Nguyen Anh Dung ប្រធានការិយាល័យអនុព័ន្ធយោធាវៀតណាមប្រចាំកម្ពុជា; លោក ថង សាវុន អភិបាលខេត្តរតនគិរី រួមទាំងសមាជិកក្រុមប្រឹក្សាខេត្ត; កងកម្លាំងប្រដាប់អាវុធទាំង៣ប្រភេទ, យាយជីតាជី យុវជន យុវជនកាកបាទក្រហម សិស្សានុសិស្ស និងប្រជាពលរដ្ឋសរុបប្រមាណជាង១០០០នាក់។​

ទិដ្ឋភាពនៃពិធី (រូបថតៈ FRESH NEWS)

អញ្ជើញថ្លែងនៅក្នុងពិធីនេះ អភិបាលខេត្តរតនគិរីលោកថង សាវុន បានផ្ញើរនូវអំណរគុណយ៉ាងជ្រាលជ្រៅ ដល់បក្ស រដ្ឋាភិបាលនិងប្រជាជនវៀតណាម រួមទាំងយុទ្ធជននៃកងទ័ពស្ម័គ្រចិត្តវៀតណាម ដែលបានលះបង់សាច់ស្រស់ឈាមស្រស់ដើម្បីរំដោះប្រទេស ប្រជាជនកម្ពុជារួចផុតពីរបបប្រល័យពូជសាសន៍ប៉ុលពត ដែលនាំមកនូវការរស់រានមានជីវិតឡើងវិញនិងការអភិវឌ្ឍន៍សម្រាប់ប្រទេសកម្ពុជាដូចសព្វថ្ងៃ។

ប្រធានការិយាល័យអនុព័ន្ធយោធាវៀតណាមប្រចាំកម្ពុជា លោក Nguyen Anh Dung អញ្ជើញថ្លែងមតិក្នុងពិធី (រូបថតៈ TTXVN)

នៅក្នុងពិធី ប្រធានការិយាល័យអនុព័ន្ធយោធាវៀតណាមប្រចាំកម្ពុជា លោក Nguyen Anh Dung បានសង្កត់ធ្ងន់ថា ស្តូបមិត្តភាពវៀតណាម-កម្ពុជានៅខេត្ត រតនគីរី ត្រូវបានប្រារព្ធសម្ពោធឲ្យប្រើប្រាស់ជាផ្លូវការនាពេលនេះ គឺជាព្រឹត្តិការណ៍មួយដែលបង្ហាញពីមិត្តភាពនិងសាមគ្គីភាពរវាងប្រទេសទាំងពីរដែលត្រូវបានកសាងដោយជំនាន់ជាច្រើន ហើយបង្ហាញពីការដឹងគុណចំពោះអ្នកដែលបានលះបង់សាច់ស្រស់ឈាមស្រស់សម្រាប់ប្រជាជននៃប្រទេសទាំងពីរវៀតណាមនិងកម្ពុជា។

តំណាងដែលចូលរួមក្នុងពិធី (រូបថត៖ FRSEH NEWS)

លោក Nguyen Anh Dung ក៏បានថ្លែងអំណរគុណចំពោះថ្នាក់ដឹកនាំនៃរណសិរ្សមាតុភូមិកម្ពុជា អាជ្ញាធតខេត្ត កងកម្លាំងប្រដាប់អាវុធនិងប្រជាជនខេត្តរតនគីរីដែលបានខិតខំប្រឹងប្រែងយ៉ាងខ្លាំងដើម្បីកសាងសំណង់ប្រវត្តិសាស្រ្តដ៏មានតម្លៃមួយនេះ ព្រមទាំងសម្តែងការជឿជាក់ថាចំណងមិត្តភាពនិងសាមគ្គីភាពរវាងប្រជាជាតិ រវាងប្រជាជននិងរវាងកងយោធានៃប្រទេសទាំងពីរនឹងបន្តការអភិវឌ្ឍប្រកបដោយនិរន្តរភាព។

គួរបញ្ជាក់ថា ស្តូបមិត្តភាពកម្ពុជា-វៀតណាម ដែលបានសាងសង់លើផ្ទៃដី១០៥ម៉ែត្រ គុណនឹង៨៥ម៉ែត្រ ដោយធ្វើការជួសជុលនិងកែលំម្អ ស្តូបទាំង២សួនច្បារ រៀបការ៉ូឡា ប្រព័ន្ធទឹកភ្លើង និងចំណាយថវិកាអស់ចំនួន ៥៤៧,៨៩៧ដុល្លារអាមេរិក៕

（សរុបព័ត៌មាន ដោយ ស្រីព្រេជ）

（សរុបព័ត៌មាន ដោយ ស្រីព្រេជ）