យុគសម័យ - នាព្រឹកថ្ងៃទី ៣ ខែកញ្ញា នៅសង្កាត់ Ha Tien គណៈកម្មាធិការដឹកនាំ 515 ខេត្ត An Giang បានចាត់តាំងពិធីចេញដំណើរ ប្រគល់ភារកិច្ចជូនក្រុម K92 និងក្រុម K93 ទៅកាន់កម្ពុជា ដើម្បីស្វែងរក ប្រមូលផ្តុំអដ្ឋិធាតុយុទ្ធជនពលីកងទ័ពស្ម័គ្រចិត្ត និងអ្នកជំនាញការវៀតណាម ដែលបានពលីជីវិតក្នុងសម័យសង្គ្រាមនានា ដំណាក់កាលទី XXVI រដូវប្រាំង ២០២៦ - ២០២៧។
| ឯកអគ្គរដ្ឋទូត Nguyen Minh Vu៖ ទាញយកផលប្រយោជន៍ពីគ្រប់កាលានុវត្តភាពដើម្បីនាំយុទ្ធជនពលីវិលត្រឡប់មកកាន់មាតុភូមិ ក្រុម K52 ស្វែងរក និងប្រមូលផ្តុំបានអដ្ឋិធាតុយុទ្ធជនពលីវៀតណាមចំនួន ៣ រូប នៅកម្ពុជា |
អញ្ជើញចូលរួមក្នុងពិធីនេះ មានឧត្តមសេនីយ៍ត្រី Huynh Van Ngon សមាជិកគណៈអចិន្ត្រៃយ៍នៃគណៈកម្មាធិការបក្ស អនុស្នងការនយោបាយយោធភូមិភាគទី ៩ ប្រធានគណៈកម្មាធិការដឹកនាំ 515 យោធភូមិភាគទី ៩ លោក Le Van Phuoc អនុប្រធានគណៈកម្មាធិការប្រជាជនខេត្ត ប្រធានគណៈកម្មាធិការដឹកនាំ 515 ខេត្ត An Giang ព្រមទាំងតំណាងបណ្តាស្ថាប័ន អង្គភាពពាក់ព័ន្ធ។
នៅក្នុងពិធីនេះ គណៈចាត់តាំងបានប្រកាសសេចក្តីសម្រេចចាត់តាំងកម្មាភិបាល យុទ្ធជនក្រុម K92 និងក្រុម K93 ទៅកាន់ព្រះរាជាណាចក្រកម្ពុជា ដើម្បីបំពេញភារកិច្ច ព្រមទាំងរាយការណ៍អំពីលទ្ធផលការងារត្រៀមរៀបចំ និងប្រគល់ភារកិច្ចជាក់ស្តែងជូនក្រុមទាំងពីរ មុនពេលចេញដំណើរ។
 |
| បញ្ជាការដ្ឋានយោធាខេត្ត An Giang ជូនអំណោយដល់ក្រុម K92 និង K93។ |
ថ្លែងមតិនៅក្នុងពិធីចេញដំណើរ អនុប្រធានគណៈកម្មាធិការប្រជាជនខេត្ត An Giang លោក Le Van Phuoc ប្រធានគណៈកម្មាធិការដឹកនាំ 515 ខេត្ត បានកត់សម្គាល់ និងកោតសរសើរចំពោះលទ្ធផលដែលក្រុម K92 និងក្រុម K93 សម្រេចបានក្នុងរយៈពេលកន្លងមក។
លោកបានសង្កត់ធ្ងន់ថា ការស្វែងរក ប្រមូលផ្តុំ និងធ្វើមាតុភូមិនិវត្តន៍អដ្ឋិធាតុយុទ្ធជនពលី គឺជាភារកិច្ចនយោបាយដ៏មានសារៈសំខាន់ពិសេស មានអត្ថន័យមនុស្សធម៌យ៉ាងជ្រាលជ្រៅ ស្តែងចេញនូវសីលធម៌ «ផឹកទឹកនឹកដល់ប្រភពដើម» «តបស្នងសងគុណ» របស់ប្រជាជាតិ។
ឈានចូលដំណាក់កាលទី XXVI រដូវប្រាំង ២០២៦ - ២០២៧ ថ្នាក់ដឹកនាំគណៈកម្មាធិការដឹកនាំ 515 ខេត្ត បានតម្រូវឱ្យកម្មាភិបាល យុទ្ធជននៃក្រុមទាំងពីរបន្តលើកកម្ពស់ភាពអង់អាច បទពិសោធ ស្មារតីសាមគ្គីភាព និងម្ចាស់ការជម្នះការលំបាកក្នុងដំណើរការអនុវត្តភារកិច្ច។
កងកម្លាំងនានាត្រូវតែគោរពយ៉ាងម៉ឺងម៉ាត់នូវវិន័យកងទ័ព ច្បាប់របស់រដ្ឋ និងបណ្តាបទប្បញ្ញត្តិរបស់កម្ពុជា ជាពិសេសធានាសុវត្ថិភាពដាច់ខាតអំពីមនុស្ស មធ្យោបាយ អាវុធ គ្រឿងបំពាក់ក្នុងអំឡុងពេលបំពេញភារកិច្ចទាំងមូល។
ទន្ទឹមនឹងការងារជំនាញ ក្រុម K92 និងក្រុម K93 ត្រូវបានតម្រូវឱ្យបន្តសម្របសម្រួលយ៉ាងជិតស្និទ្ធជាមួយអាជ្ញាធរ កងកម្លាំងមានសមត្ថកិច្ច និងប្រជាជនកម្ពុជា ព្រមទាំងបង្កើនការឃោសនា ចលនាប្រជាជនឱ្យផ្តល់ព័ត៌មានអំពីទីតាំងផ្នូរយុទ្ធជនពលីនានា។
ក្រុមទាំងពីរក៏ចាំបាច់ត្រូវធ្វើឱ្យបានល្អនូវការងារចលនាមហាជន កិច្ចការបរទេសយោធា ឆ្លងតាមនោះរួមចំណែកពង្រឹង និងពូនជ្រំចំណងសាមគ្គីភាព មិត្តភាពរវាងប្រជាជននៃប្រទេសទាំងពីរ វៀតណាម - កម្ពុជា។
វរសេនីយ៍ទោ Nguyen Thanh Hung ប្រធានក្រុម K92 បានអះអាងថា កម្មាភិបាល យុទ្ធជននៃក្រុមទាំងពីរ K92 និង K93 នឹងបន្តលើកកម្ពស់ស្មារតីទទួលខុសត្រូវ សាមគ្គីភាព ម្ចាស់ការជម្នះការលំបាក គោរពយ៉ាងម៉ឺងម៉ាត់នូវវិន័យ រក្សាឱ្យបានរឹងមាំនូវគុណធម៌ និងរូបភាពកងទ័ពលោកពូ Ho ដោយប្តេជ្ញាចិត្តបំពេញឱ្យបានល្អនូវភារកិច្ចដែលត្រូវបានប្រគល់ជូន។
យោងតាមផែនការ ក្រុម K92 នឹងអនុវត្តភារកិច្ចនៅបណ្តាខេត្ត Kampot, Kep, Preah Sihanouk និង Koh Kong រីឯក្រុម K93 បំពេញភារកិច្ចនៅ Takeo និង Kampong Speu។
ភារកិច្ចក្នុងរដូវប្រាំងឆ្នាំនេះ បន្តផ្សារភ្ជាប់ជាមួយ «យុទ្ធនាការ ៥០០ ថ្ងៃយប់ ជំរុញខ្លាំងការអនុវត្តការស្វែងរក ប្រមូលផ្តុំ និងកំណត់អត្តសញ្ញាណអដ្ឋិធាតុយុទ្ធជនពលី» ឆ្ពោះទៅកាន់ការរំលឹកខួបលើកទី ៨០ ទិវាយុទ្ធជនពិការ និងយុទ្ធជនពលី (ថ្ងៃទី ២៧ ខែកក្កដា ឆ្នាំ ១៩៤៧ - ថ្ងៃទី ២៧ ខែកក្កដា ឆ្នាំ ២០២៧)។
 |
| កម្មាភិបាល យុទ្ធជនក្រុម K92 និងក្រុម K93 ខេត្ត An Giang ចេញដំណើរ ឡើងផ្លូវទៅកាន់កម្ពុជា បន្តដំណើរស្វែងរក ប្រមូលផ្តុំ និងនាំយកអដ្ឋិធាតុបណ្តាយុទ្ធជនពលីវិលត្រឡប់មកកាន់មាតុភូមិកំណើតវិញ។ |
យោងតាមគណៈកម្មាធិការដឹកនាំ 515 ខេត្ត An Giang ចាប់ពីឆ្នាំ ២០០១ មកទល់ពេលនេះ កម្មាភិបាល យុទ្ធជនក្រុម K92 និងក្រុម K93 បានស្វែងរក ប្រមូលផ្តុំបានអដ្ឋិធាតុយុទ្ធជនពលីចំនួន ៦.៨៧១ អដ្ឋិធាតុ។
នៅក្នុងចំនួននេះ អដ្ឋិធាតុចំនួន ៤.៤១៤ ត្រូវបានស្វែងរក ប្រមូលផ្តុំនៅកម្ពុជា និងអដ្ឋិធាតុចំនួន ២.៤៥៧ ត្រូវបានរកឃើញនៅលើភូមិសាស្ត្រក្នុងប្រទេស។
ដោយឡែកនៅក្នុងដំណាក់កាលទី XXV រដូវប្រាំង ២០២៥ - ២០២៦ ក្រុមទាំងពីរបានស្វែងរក ប្រមូលផ្តុំបានអដ្ឋិធាតុយុទ្ធជនពលីចំនួន ១៧០ អដ្ឋិធាតុ។
លទ្ធផលទាំងនេះ គឺជាមូលដ្ឋានដើម្បីឱ្យក្រុមទាំងពីរបន្តអនុវត្តភារកិច្ចនៅក្នុងដំណាក់កាលថ្មី ក្នុងលក្ខខណ្ឌដែលការកំណត់ព័ត៌មានអំពីផ្នូរយុទ្ធជនពលីកាន់តែទាមទារនូវការខិតខំប្រឹងប្រែង ការសម្របសម្រួល និងស្មារតីទទួលខុសត្រូវកាន់តែច្រើន។
ក្នុងឱកាសនេះ គណៈកម្មាធិការដឹកនាំ 515 យោធភូមិភាគទី ៩ គណៈកម្មាធិការដឹកនាំ 515 ខេត្ត An Giang បញ្ជាការដ្ឋានយោធាខេត្ត An Giang ព្រមទាំងបណ្តាស្ថាប័ន អង្គភាព សហគ្រាស និងបុគ្គលនានា បានជូនអំណោយ លើកទឹកចិត្តកម្មាភិបាល យុទ្ធជនក្រុម K92 និងក្រុម K93 មុនពេលចេញដំណើរទៅបំពេញភារកិច្ច៕
 យុទ្ធនាការ ៥០០ ថ្ងៃយប់៖ បន្ទាន់អនុវត្តការធ្វើឌីជីថលភាវូបនីយកម្មព័ត៌មានយុទ្ធជនពលី យុគសម័យ - ខេត្ត Lam Dong កំពុងអនុវត្តយុទ្ធនាការយកគំរូ ធ្វើឌីជីថលភាវូបនីយកម្ម និងកសាងមូលដ្ឋានទិន្នន័យ ADN ចំពោះអដ្ឋិធាតុយុទ្ធជនពលីរាប់ពាន់រូបដែលមិនទាន់កំណត់បានព័ត៌មាន នៅតាមវាលកប់ខ្មោចយុទ្ធជនពលីនានានៅលើភូមិសាស្ត្រខេត្ត។ |
 សេចក្តីសន្និដ្ឋានលេខ ៥៧-KL/TW៖ ផ្តល់អាទិភាពប្រភពធនធានខ្ពស់បំផុតសម្រាប់ការងារស្វែងរក និងប្រមូលផ្តុំអដ្ឋិធាតុយុទ្ធជនពលី យុគសម័យ - តាងនាមគណៈលេខាធិការ សមមិត្ត Tran Cam Tu សមាជិកការិយាល័យនយោបាយ និងជាសមាជិកប្រចាំការនៃគណៈលេខាធិការ បានចុះហត្ថលេខាប្រកាសផ្សាយសេចក្តីសន្និដ្ឋានលេខ ៥៧-KL/TW ចុះថ្ងៃទី ២៤ ខែមិថុនា ឆ្នាំ ២០២៦ ស្តីពីការរៀបចំចាត់តាំងបណ្តាសកម្មភាពឆ្ពោះទៅរកការរំលឹកខួបលើកទី ៨០ នៃទិវាយុទ្ធជនពិការ និងយុទ្ធជនពលី (ថ្ងៃទី ២៧ ខែកក្កដា ឆ្នាំ ១៩៤៧ - ថ្ងៃទី ២៧ ខែកក្កដា ឆ្នាំ ២០២៧)។ |
មតិពីមិត្តអ្នកអាន