សន្និសីទរដ្ឋមន្ត្រីការបរទេសវៀតណាម – អូស្ត្រាលី ជំរុញការអនុវត្តទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយ

រដ្ឋមន្ត្រីក្រសួងការបរទេស លោក Le Hoai Trung និងរដ្ឋមន្ត្រីក្រសួងការបរទេសអូស្ត្រាលី លោកស្រី Penny Wong។

សន្និសីទនេះត្រូវបានរៀបចំឡើងនៅក្នុងក្របខ័ណ្ឌនៃដំណើរទស្សនកិច្ចផ្លូវរដ្ឋនៅប្រទេសអូស្ត្រាលី របស់អគ្គលេខាបក្ស ប្រធានរដ្ឋ To Lam។

អញ្ជើញចូលរួមក្នុងសន្និសីទ មានសមាជិកការិយាល័យនយោបាយ រដ្ឋមន្ត្រីក្រសួងការបរទេស លោក Le Hoai Trung ព្រមទាំងគណៈប្រតិភូវៀតណាម; រដ្ឋមន្ត្រីក្រសួងការបរទេស លោកស្រី Penny Wong ព្រមទាំងគណៈប្រតិភូអូស្ត្រាលី។

នៅក្នុងសន្និសីទ រដ្ឋមន្ត្រីក្រសួងការបរទេស លោក Le Hoai Trung និងរដ្ឋមន្ត្រីក្រសួងការបរទេសអូស្ត្រាលី លោកស្រី Penny Wong បានរួមគ្នាធ្វើជាសហប្រធានដឹកនាំខ្លឹមសារការងាររវាងគណៈប្រតិភូទាំងពីរ។

នេះគឺជាកិច្ចប្រជុំលើកទី ៨ នៃយន្តការសន្និសីទរដ្ឋមន្ត្រីការបរទេសប្រចាំឆ្នាំរវាងប្រទេសទាំងពីរ។ កិច្ចប្រជុំលើកទី ៧ ត្រូវបានរៀបចំឡើងនៅទីក្រុងហាណូយ នាថ្ងៃទី ២០ ខែសីហា ឆ្នាំ ២០២៥ ដោយបានផ្តោតលើការត្រួតពិនិត្យឡើងវិញនូវការអនុវត្តទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយ វៀតណាម – អូស្ត្រាលី និងផ្លាស់ប្តូរយោបល់អំពីបញ្ហាតំបន់ និងអន្តរជាតិដែលជាកង្វល់រួម។

នៅក្នុងកិច្ចប្រជុំកាលពីឆ្នាំ ២០២៥ ភាគីទាំងពីរបានវាយតម្លៃថា ទំនាក់ទំនងទ្វេភាគីត្រូវបានអនុវត្តយ៉ាងគ្រប់ជ្រុងជ្រោយ និងមានប្រសិទ្ធភាពលើសសរស្តម្ភទាំង ៦ រួមមាន៖ កិច្ចសហប្រតិបត្តិការនយោបាយ ការពារជាតិ សន្តិសុខ និងយុត្តិធម៌; ការតភ្ជាប់សេដ្ឋកិច្ច; ការផ្លាស់ប្តូរប្រជាជន; អាកាសធាតុ បរិស្ថាន និងថាមពល; វិទ្យាសាស្ត្រ បច្ចេកវិទ្យា នវានុវត្តន៍ និងការផ្លាស់ប្តូរឌីជីថល; កិច្ចសហប្រតិបត្តិការនៅវេទិកាតំបន់ និងអន្តរជាតិ។

មុនពេលសន្និសីទរដ្ឋមន្ត្រីការបរទេសលើកទី ៨ នាថ្ងៃទី ២២ ខែកក្កដា ឆ្នាំ ២០២៦ នៅក្រៅកិច្ចប្រជុំរដ្ឋមន្ត្រីការបរទេសអាស៊ានលើកទី ៥៩ នៅប្រទេសហ្វីលីពីន រដ្ឋមន្ត្រី Le Hoai Trung បានជួបប្រាស្រ័យទ្វេភាគីជាមួយរដ្ឋមន្ត្រី Penny Wong។ ភាគីទាំងពីរបានផ្លាស់ប្តូរយោបល់អំពីបណ្តាវិស័យសហប្រតិបត្តិការអាទិភាព ក្នុងនោះមានសេដ្ឋកិច្ច បច្ចេកវិទ្យា និងសន្តិសុខ។

សន្និសីទលើកនេះក៏បានប្រព្រឹត្តទៅ បន្ទាប់ពីថ្នាក់ដឹកនាំជាន់ខ្ពស់វៀតណាម និងអូស្ត្រាលី បានឯកភាពគ្នាបន្តធ្វើឱ្យកាន់តែស៊ីជម្រៅនូវទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយ។ ក្នុងដំណើរទស្សនកិច្ចនេះ ប្រទេសទាំងពីរបានផ្លាស់ប្តូរបណ្តាសេចក្តីថ្លែងការណ៍រួម ស្តីពីការពង្រឹងការតភ្ជាប់វិទ្យាសាស្ត្រ បច្ចេកវិទ្យា និងនវានុវត្តន៍; ការលើកកម្ពស់ភាពធន់ សមត្ថភាពបន្ស៊ាំ និងការស្តារសេដ្ឋកិច្ចឡើងវិញ។

យោងតាមសេចក្តីថ្លែងការណ៍រួម ស្តីពីការពង្រឹងការតភ្ជាប់វិទ្យាសាស្ត្រ បច្ចេកវិទ្យា និងនវានុវត្តន៍ ភាគីទាំងពីរបានសម្តែងការស្វាគមន៍ចំពោះការអនុវត្តដំណាក់កាលទី ២ នៃមជ្ឈមណ្ឌលបច្ចេកវិទ្យាយុទ្ធសាស្ត្រវៀតណាម – អូស្ត្រាលី ដែលចំពោះមុខគឺផ្តោតលើកម្មវិធីអនុវត្តរបកគំហើញនៃបច្ចេកវិទ្យា 5G និងបណ្តាបច្ចេកវិទ្យាគ្រឹះពាក់ព័ន្ធនានា។ ប្រទេសទាំងពីរក៏បានកត់សម្គាល់នូវតួនាទីនៃបណ្តាកម្មវិធីសហប្រតិបត្តិការបណ្តុះបណ្តាលថ្នាក់បណ្ឌិត ក្នុងការអភិវឌ្ឍធនធានមនុស្ស និងការពង្រឹងការផ្សារភ្ជាប់គ្នារវាងសាកលវិទ្យាល័យ និងអង្គការស្រាវជ្រាវនានា។

ទំនាក់ទំនងវៀតណាម – អូស្ត្រាលី ត្រូវបានលើកកម្ពស់កម្រិតទៅជាភាពជាដៃគូយុទ្ធសាស្ត្រគ្រប់ជ្រុងជ្រោយ កាលពីខែមីនា ឆ្នាំ ២០២៤។ បន្ទាប់មក ប្រទេសទាំងពីរបានចុះហត្ថលេខាលើកម្មវិធីសកម្មភាពដំណាក់កាល ២០២៤ – ២០២៧ សំដៅធ្វើឱ្យជាក់ស្តែងនូវបណ្តាទិសដៅសហប្រតិបត្តិការលើសសរស្តម្ភទាំង ៦។

ការរក្សាសន្និសីទរដ្ឋមន្ត្រីការបរទេសប្រចាំឆ្នាំ បានបង្កើតយន្តការដើម្បីឱ្យភាគីទាំងពីរត្រួតពិនិត្យឡើងវិញនូវវឌ្ឍនភាពនៃការអនុវត្តកិច្ចព្រមព្រៀងនានា ការសម្របសម្រួលរវាងក្រសួងការបរទេសទាំងពីរ និងផ្លាស់ប្តូរយោបល់អំពីបញ្ហាទ្វេភាគី តំបន់ និងអន្តរជាតិដែលជាកង្វល់រួម៕

នាយករដ្ឋមន្ត្រីវៀតណាមអញ្ជើញជួបពិភាក្សាការងារជាមួយសមាគមបញ្ញវន្ត និងអ្នកជំនាញជនជាតិវៀតណាមនៅអូស្ត្រាលី បន្តកម្មវិធីបំពេញទស្សនកិច្ចជាផ្លូវការនៅអូស្ត្រាលី នាព្រឹកថ្ងៃទី៩ ខែមីនា នៅទីក្រុង Canberra (អូស្ត្រាលី) លោក Pham Minh Chinh នាយករដ្ឋមន្ត្រីវៀតណាមបានអញ្ជើញជួបពិភាក្សាការងារជាមួយថ្នាក់ដឹកនាំ និងតំណាងសមាគមបញ្ញវន្ត និងអ្នកជំនាញជនជាតិវៀតណាមនៅអូស្ត្រាលី (VASEA)។

អណិកជនវៀតណាមនៅអូស្ត្រាលី Lam Chi Thien ៖ សុភមង្គលពេលចែករំលែកជាមួយសហគមន៍ យុគសម័យ - លោក Lam Chi Thien អណិកជនវៀតណាមនៅអូស្ត្រាលីបានចែករំលែកនៅក្នុងសន្និសីទបូកសរុបការងារសម្រាប់ប្រជាជនវៀតណាមនៅបរទេសនៅទីក្រុងហូជីមិញឆ្នាំ ២០២៣ និងការអនុវត្តទិសដៅនិងភារកិច្ចឆ្នាំ ២០២៤ នាថ្ងៃទី ៦ មិនា នៅទីក្រុងហូជីមិញ។

សុវណ្ណ

thoidai.com.vn