យុគសម័យ - នារសៀលថ្ងៃទី២០ ខែឧសភា ឧត្តមសេនីយ៍ត្រី Le Nhu Duc អនុប្រធាននយោបាយនៃកងទ័ពការពារព្រំដែន បានធ្វើជាអធិបតីនៃកិច្ចប្រជុំជាមួយការិយាល័យនិងគណកម្មការនានា នៃស្នងការនយោបាយកងទ័ពការ ពារព្រំដែន ស្តីពីការងារត្រៀមរៀបចំនូវខ្លឹមសារសម្រាប់កម្មវិធីជួបប្រាស្រ័យមិត្តភាពតាមព្រំដែន វៀតណាម-កម្ពុជា នៅខេត្ត An Giang និងការជួបប្រាស្រ័យមិត្តភាពតាមព្រំដែនថ្នាក់ខេត្ត រវាងបញ្ជាការដ្ឋានកង ទ័ពការពារព្រំដែនខេត្ត Quang Tri (វៀតណាម) ជាមួយបញ្ជាការដ្ឋានយោធានិងមន្ទីនគរបាលខេត្ត Savabnakhet និង Salavan (ឡាវ)
ទិដ្ឋភាពនៃជំនួបធ្វើការ (រូបថត៖ Ha Thu)
យោងតាមរបាយការណ៍នៅឯកិច្ចប្រជុំ រហូតមកដល់ពេលនេះ ការិយាល័យនានានិងគណកម្មការនៃស្នងការនយោបាយនៃកងទ័ពការពារព្រំដែន បានរួមសហការជាមួយអង្គភាពពាក់ព័ន្ធ ដើម្បីអនុវតន៍ការត្រួតពិនិត្យទីកន្លែងសម្រាប់រៀបចំនូវកម្មវិធីទាំងពីរពោលខាងលើ។ ចំពោះកម្មវិធីជួបប្រាស្រ័យមិត្តភាពតាមព្រំដែន នៅខេត្ត Quang Tri ការិយាល័យ គណកម្មការនានានៃស្នងការនយោបាយនៃកងទ័ពការពារព្រំដែន បន្តដាក់ចេញសំណើរក៏ដូចជាណែនាំឲ្យកងទ័ពការពារព្រំដែនបង្ហើយសេណារីយូនិងខ្លឹមសានៃកម្មវិធី។ សម្រាប់កម្មវិធីជួបប្រាស្រ័យមិត្តភាពតាមព្រំដែននៅខេត្ត An Giang ការិយាល័យ គណកម្មការនៃស្នងការនយោបាយ កំពុងចងក្រង់នូវខ្លឹមសារសេណារីយូនៃសកម្មភាពក្នុងក្របខ័ណ្ឌការជួបប្រាស្រ័យនេះផងដែរ។
ធ្វើការសន្និដ្ឋាននៃកិច្ចប្រជុំនេះ ឧត្តមសេនីយ៍ត្រី Le Nhu Duc បានប្រគល់ភារកិច្ច ឲ្យការិយាល័យនិងគណកម្មការនានាដើម្បីត្រៀមនូវខ្លឹមសារជាក់លាក់។ ទន្ទឹមជាមួយគ្នានោះ លោក Le Nhu Duc បានស្នើឲ្យការិយាល័យនិងគណកម្មការ បន្តណែនាំដើម្បីកងទ័ពការពារព្រំដែនខេត្ត Quang Tri រៀបចំផែនការជួបប្រាស្រ័យតាមព្រំដែនថ្នាក់ខេត្ត រវាងបញ្ជាការដ្ឋានយោធានៃកងទ័ពការពារព្រំដែនវៀតណាម ជាមួយបញ្ជាការដ្ឋានយោធានិងមន្ទីនគរបាលខេត្ត Savannakhet និង Salavan របស់ឡាវ។
តាមគម្រោង កម្មវិធីជួបប្រាស្រ័យមិត្តភាពតាមព្រំដែន វៀតណាម-កម្ពុជានៅខេត្ត An Giang នឹងបានរៀបចំឡើងនាចុងខែសីហាឆ្នាំ២០១៩; ការជួបប្រាស្រ័យមិត្តភាពតាមព្រំដែនថ្នាក់ខេត្ត រវាងបញ្ជាការដ្ឋានយោធាខេត្ត Quang Tri របស់វៀតណាម ជាមួយបញ្ជាការដ្ឋានយោធា និងមន្ទីនគរបាលខេត្ត Savannakhet និង Salavan របស់ឡាវ នឹងបានប្រព្រឹត្តទៅនាចុងខែកក្កដា ឆ្នាំ ២០១៩ខាងមុខ៕
（យោងតាម baobienphong បកប្រែដោយ សមុទ្រ）
មតិពីមិត្តអ្នកអាន