Trending now

អាមេរិក - ចិនចាប់ផ្តើមដំណើរការចរចារពាណិជ្ជកម្មឡើងវិញនៅសប្តាហ៍ក្រោយ

21:41 | 04/07/2019 (ហេង វុធ្ធី)

យុគសម័យ - ទីប្រឹក្សាសេដ្ឋកិច្ចរបស់សេតវិមានលោក Larry Kudlow បានឲ្យដឹងថាអ្នកតំណាងពាណិជ្ជកម្មអាមេរិក និងចិននឹងជួបជុំគ្នានៅសប្តាហ៍ក្រោយ ដើម្បីចាប់ផ្តើមធ្វើកិច្ចចរចារពាណិជ្ជកម្មឡើងវិញរវាងប្រទេសទាំងពីរ ដែលធ្លាប់ត្រូវបានផ្អាកចាប់តាំងពីខែឧសភាកន្លងទៅ។

ប្រធានាធិបតីអាមេរិក លោក Donald Trump និងប្រធានរដ្ឋចិនលោក ស៊ីជីនពីង នៅកិច្ចប្រជុំកំពូល G20 (រូបថត៖vnexpress.net)

ប្រការនេះនឹងគូសសញ្ញាអំពីការចាប់ផ្តើមឡើងវិញនៃការចរចាពាណិជ្ជកម្មរវាងប្រទេសទាំងពីរជាលើកដំបូងចាប់តាំងពីដើមខែឧសភា ដោយយោងតាមសេចក្តីថ្លែងការណ៍ស្តីពីការចាប់ផ្តើមឡើងវិញនូវការចរចាដែលត្រូវបានផ្អាករវាងប្រធានាធិបតីអាមេរិក លោក Donald Trump និងប្រធានរដ្ឋចិនលោក ស៊ីជីនពីង នៅឯក្នុងកិច្ចប្រជុំកំពូល G20 នៅប្រទេសជប៉ុនកាលពីចុងសប្តាហ៍កន្លងទៅ។ មុននេះ លោក Donald Trump និង លោកស៊ីជីនពីង បានមានជំនួបទ្វេភាគីនៅខាងក្រៅកិច្ចប្រជុំកំពូល G20 នៅទីក្រុង Osaka ប្រទេសជប៉ុន។ នៅឯកិច្ចប្រជុំនោះ លោក Trump បានយល់ព្រមបញ្ឈប់ការដំឡើងពន្ធសម្រាប់ទំនិញនៅសេសសល់ដោយមានទឹកប្រាក់ចំនួន ៣០០ ពាន់លានដុល្លារអាមេរិករបស់ប្រទេសចិន ហើយព្រមទាំងបន្ធូរបន្ថយការហាមប្រាមចំពោះក្រុមហ៊ុនបច្ចេកវិទ្យាចិន Huawei ។ ទីភ្នាក់ងារព័ត៌មានស៊ីនហួបានអះអាងថាលទ្ធផលនៃកិច្ចប្រជុំនេះគឺថ្នាក់ដឹកនាំទាំងពីរបានឯកភាពគ្នាចាប់ផ្តើមដំណើរការពិគ្រោះយោបល់លើវិស័យពាណិជ្ជកម្មរវាងប្រទេសទាំងពីរដោយឈរលើមូលដ្ឋានសមភាពនិងការគោរពគ្នាទៅវិញទៅមកផងដែរ៕

(ហេង វុធ្ធី)

(ហេង វុធ្ធី)

មតិពីមិត្តអ្នកអាន

ព័ត៌មានថ្មីៗ

ពិធីបំពាក់គ្រឿងជូននាយទាហាន និងកម្មាភិបាលថ្នាក់ដឹកនាំ ដែលបានចូលរួមវិភាគទានដ៏សំខាន់ក្នុងសកម្មភាពសហការស្វែងរក ជីកគាស់ និងធ្វើមាតុភូមិនិវត្តន៍អដ្ឋិធាតុកងទ
វៀតណាម៖ សកម្មភាពសួរសុខទុក្ខ និងប្រគល់អំណោយជូន​អតីតថ្នាក់ដឹកនាំនៃអគ្គស្នងការដ្ឋាននយោបាយក្នុងឱកាសរំលឹកខួបលើកទី ៧០ នៃទិវាជ័យជំនះ Dien Bien Phu
វៀតណាមជានិច្ចកាលដាក់មនុស្សជាមជ្ឈភាព កម្មវត្ថុ និងនិងគោលដៅនៃការអភិវឌ្ឍ
ប្រព័ន្ធផ្សព្វផ្សាយអាហ្សង់ទីនរំលេចអត្ថន័យដ៏ ធំធេងនៃជ័យជំនះជាប្រវត្តិសាស្ត្ររបស់វៀតណាម
សម្ព័ន្ធបណ្ដាអង្គការមិត្តភាពទីក្រុងហូជីមិញបានរៀបចំពិធីរំលឹកឡើងវិញនូវប្រពៃណីវីរភាពនិងសម្ដែងការដឹងគុណចំពោះមិត្តភក្តិអន្តរជាតិ