យុគសម័យ- លោក Do Cao Bao សមាជិកនៃក្រុមប្រឹក្សាភិបាលនៃក្រុមហ៊ុន FPT បានមានប្រសាសន៍ថា ក្រុមហ៊ុន Samsung គ្រុបនឹងមិនចាកចេញពីប្រទេសវៀតណាម ដើម្បីផ្លាស់ប្តូរទៅប្រទេសឥណ្ឌាទេ ហើយឱកាសសម្រាប់ប្រទេសវៀតណាម ដើម្បីក្លាយជាមូលដ្ឋានផលិតកម្មរបស់ក្រុមហ៊ុន Apple នៅតែមានច្រើន។
លោកDo Cao Bao សមាជិកនៃក្រុមប្រឹក្សាភិបាលនៃក្រុមហ៊ុន FPT ។ (រូបថត៖ Thoi bao kinh te)
ថ្មីៗនេះ ទីផ្សារបានលេចចេញនូវព័ត៌មានមួយចំនួន ដូចជា“Apple មិនជ្រើសរើសវៀតណាមទេ ក្រុមហ៊ុននេះបានជ្រើសរើសប្រទេសឥណ្ឌា នៅពេលដកផលិតកម្មចេញពីប្រទេសចិន” ឬ“ក្រុមហ៊ុន Samsung គ្រុបបានផ្ទេរផ្នែកមួយនៃការផលិតទូរស័ព្ទពីប្រទេសវៀតណាមទៅកាន់ប្រទេសឥណ្ឌា” ។ ព័ត៌មាននេះបានបង្កឱ្យមានការជ្រួលជ្រើម ពីព្រោះមុននោះអ្នកជំនាញជាច្រើនបានចាត់ទុកថា ប្រទេសវៀតណាមជាគោលដៅឈាមមុខគេមួយសម្រាប់ការផ្លាស់ប្តូរការវិនិយោគ។
ទោះយ៉ាងណាបើយោងតាមលោក Do Cao Bao និយាយឲ្យដឹងថា “ការដែល Apple បោះចោលការជ្រើសរើសប្រទេសវៀតណាមឬ Samsungបានផ្ទេរផ្នែកមួយនៃការផលិតទៅកាន់ប្រទេសឥណ្ឌា ” ពិតជាមិនត្រឹមត្រូវទេ។
លោក Do Cao Bao បានមានប្រសាសន៍ថា យុទ្ធសាស្ត្ររបស់ Apple មិនមែនជាការសាងសង់រោងចក្រផលិត ដូចជាក្រុមហ៊ុនSamsung និង ក្រុមហ៊ុន LG នោះទេ។ ប៉ុន្តែក្រុមហ៊ុន Apple បានជួលសហគ្រាសផ្សេងទៀត ដើម្បីផ្គត់ផ្គង់គ្រឿងបន្លាស ។ ក្រុមហ៊ុនផ្គត់ផ្គង់គ្រឿងបន្លាស ធំបំផុតចំនួនពីរសម្រាប់ Apple សព្វថ្ងៃគឺ Foxconn (តៃវ៉ាន់) និង Luxshare (ចិន) ។
ការកសាររោងចក្រផលិត នៅប្រទេសចិនវៀតណាម ឥណ្ឌា ឥណ្ឌូនេស៊ី ឬប្រទេសផ្សេងទៀតត្រូវបានសំរេចដោយក្រុមហ៊ុន Foxconn និង Luxshare ក្រុមហ៊ុន Apple មិនជ្រៀតជ្រែកនៅឡើយ។ Apple តម្រូវឱ្យក្រុមហ៊ុនផលិតគោរពតាមតម្រូវការបច្ចេកវិទ្យា គុណភាពដំណើរការផលិតកម្ម ក៏ដូចជាស្ថានភាពការងារនិងជីវភាពរស់នៅរបស់កម្មករ។
យោងតាមលោក Bao តាមពិត សារព័ត៌មានអន្តរជាតិមិនប្រើពាក្យ“ Apple បដិសេធប្រទេសវៀតណាមទេ” គ្រាន់តែប្រើពាក្យ“ Apple រង់ចាំក្រុមហ៊ុន Luxshare កែលំអរលក្ខខណ្ឌរស់នៅរបស់កម្មករ មុនពេលពង្រីកផលិតកម្មទូរស័ព្ទដៃ iPhone នៅវៀតណាម” ("Apple waiting ") ។
នោះមានន័យថាការផលិតទូរស័ព្ទ iPhone នៅប្រទេសវៀតណាមនៅតែស្ថិតក្នុងផែនការរបស់ក្រុមហ៊ុន Luxshare និង Apple ដែលកំពុងស្ថិតក្នុងដំណើរការយឺត ដោយសាររង់ចាំក្រុមហ៊ុន Luxshare បញ្ចប់ការសាងសង់ផ្ទះសម្រាប់កម្មករ។
ជាមួយក្រុមហ៊ុន Foxconn លោក Bao បានមានប្រសាសន៍ថា ប្រហែលជាអាជីវកម្មនេះក៏មិនអាចអនុញ្ញាតឱ្យដៃគូប្រកួតប្រជែងគឺក្រុមហ៊ុន Luxshare ទទួលបានអត្ថប្រយោជន៍ប្រកួតប្រជែងដែរ។ ក្រុមហ៊ុន Foxconn កំពុងស្នើសុំឱ្យរដ្ឋាភិបាលវៀតណាមផ្តល់ការអនុញ្ញាតឱ្យវិនិយោគទឹកប្រាក់ចំនួន ៣២៥ លានដុល្លារក្នុងការសាងសង់ផ្ទះសម្រាប់កម្មករ នៅរោងចក្រ Foxconn ចំនួន ៣ នៅស្រុក Que Vo (ខេត្ត Bac Ninh), ស្រុក Viet Yen (ខេត្ត Bac Giang) និង ស្រុក Binh Xuyen (ខេត្តVinh Phuc) ។ ) ។ លើសពីនេះទៀត ក្រុមហ៊ុន Foxconn ក៏កំពុងស្នើ វិនិយោគបន្ថែមចូលនៅក្នុងតំបន់ឧស្សាហកម្មដែលមានទំហំ ៦០០ ហិកតា ទៀតនៅខេត្ត Bac Giang ។
"យើងគាំទ្រក្រុមហ៊ុន Foxconn និង ក្រុមហ៊ុន Luxshare យ៉ាងល្អក្នុងការកសាងរោងចក្រ ផ្ទះសម្រាប់កម្មករនិងគាំទ្រពលកម្មដែលមានគុណភាពផងដែរ។ ហេតុដូច្នេះការដែល ក្រុមហ៊ុន Foxconn និង ក្រុមហ៊ុន Luxshare នឹងផលិត iPhone, iPad, iPos, Macbook នៅប្រទេសវៀតណាម ដែលធ្វើឡើង នាពេលខាងមុខឆាប់ៗនេះ។ " លោក Bao បានមានប្រសាសន៍។
ទាក់ទងនឹងព័ត៌មានដែលថា ក្រុមហ៊ុន Samsung នឹងផ្ទេរផ្នែកមួយនៃការផលិតទូរស័ព្ទពីប្រទេសវៀតណាមទៅកាន់ប្រទេសឥណ្ឌា លោក Bao បាននិយាយថា នៅពេលដែលមានព័ត៌មានខាងលើនេះ ក្រុមហ៊ុន Samsung បានធកែតម្រូវជាផ្លូវការថា“ Samsung មិនមានផែនការផ្ទេរផ្នែកណាមួយនៃផលិតកម្ម ទូរស័ព្ទពីប្រទេសវៀតណាមទៅកាន់ប្រទេសឥណ្ឌាទេ”។
យោងតាមលោក Bao តាមពិតអស់រយៈពេលជាច្រើនឆ្នាំមកហើយក្រុមហ៊ុន Samsung បានជ្រើសរើសប្រទេសវៀតណាមជាមជ្ឈមណ្ឌលផលិតនិងស្រាវជ្រាវរបស់ Samsung នៅទូទាំងពិភពលោក។ នៅវៀតណាម ក្រុមហ៊ុនមានរោងចក្រចំនួន ៤ ដែលស្មើនឹង ៣៦% នៃផលិតផលនិងការលក់របស់ Samsung ក្នុងនោះ Samsung Thai Nguyen Samsung Bac Ninh គឺជាក្រុមហ៊ុនផលិតទូរស័ព្ទដៃធំបំផុតនៃក្រុមហ៊ុន Samsung គ្រុប លើពិភពលោក។ ប្រាក់ចំណូលរបស់ Samsung Thai Nguyen ច្រើនជាង៧ ដងនៃប្រាក់ចំណូលរបស់ Samsung នៅឥណ្ឌា និងច្រើនជាង ១២ ដងនៃប្រាក់ចំណូលរបស់ Samsung ថៃ។
ហើយកាលពីដើមឆ្នាំនេះ ក្រុមហ៊ុន Samsung គ្រុបក៏បានចាប់ផ្តើមសាងសង់មជ្ឈមណ្ឌលស្រាវជ្រាវនិងអភិវឌ្ឍន៍ នៅខាងលិចនៃបឹង Ho Tay ដែលមានតម្លៃ ២២០ លានដុល្លារ ដែល ជា កន្លែងគ្រប់គ្រាន់សម្រាប់អ្នកជំនាញស្រាវជ្រាវជាង ៣.០០០ នាក់ ដើម្បីធ្វើការ ហើយនេះក៏ជាមូលដ្ឋានស្រាវជ្រាវធំបំផុតសម្រាប់ការស្រាវជ្រាវ នៅបរទេស។ ដូច្នេះវាមិនមានមូលដ្ឋានទាល់តែសោះសម្រាប់ក្រុមហ៊ុន Samsung គុ្រប ក្នុងការផ្លាស់ប្តូរផ្នែកផលិតកម្មចេញពីប្រទេសវៀតណាមទេ./.
(បកប្រែដោយឌីណា)
មតិពីមិត្តអ្នកអាន