យុគសម័យ - ឧបនាយករដ្ឋមន្រ្តី រដ្ឋមន្រ្តីក្រសួងការបរទេសលោក Pham Binh Minh បានអញ្ជើញធ្វើកិច្ចសន្ទនាតាមទូរស័ព្ទជាមួយរដ្ឋមន្រ្តីក្រសួងការបរទេសកូរ៉េខាងត្បូងលោកស្រី Kang Kyung Wha ។
លោក Pham Binh Minh បានអញ្ជើញធ្វើកិច្ចសន្ទនាតាមទរស័ព្ទជាមួយ រដ្ឋមន្រ្តីក្រសួងការបរទេសកូរ៉េខាងត្បូងលោកស្រី Kang Kyung Wha។ (ប្រភព៖ VOV)
កិច្ចសន្ទនាតាមទូរស័ព្ទនៅថ្ងៃ ២៣ ខែកក្កដា គឺដើម្បីពិភាក្សាអំពីបញ្ហានៃកិច្ចសហប្រតិបត្តិការក្នុងការដោះស្រាយនឺងជំងឺកូវិដ១៩និងស្តារសេដ្ឋកិច្ចទ្វេភាគីឡើងវិញ។
ភាគីទាំងពីរបានចែករំលែកបទពិសោធន៍ស្តីពីការគ្រប់គ្រងនឹងកូវិដ១៩ នៅក្នុងប្រទេសនីមួយៗ ដោយបញ្ជាក់ពីសារៈសំខាន់នៃការពង្រឹងកិច្ចសហប្រតិបត្តិការលើគ្រប់វិស័យជាពិសេសកិច្ចសហប្រតិបត្តិការសេដ្ឋកិច្ច ឯកភាពលើការអនុវត្តវិធានការណ៍សមស្របនឹងស្ថានភាពថ្មី។
ឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេសលោក Pham Binh Minh បានប្រកាសថាប្រទេសវៀតណាមកំពុងពិចារណាបើកជើងហោះឡើងវិញជាមួយប្រទេសមួយចំនួនរួមមានប្រទេសកូរ៉េខាងត្បូង។ លោកក៏បានស្នើឱ្យប្រទេសកូរ៉េពង្រឹងកិច្ចសហប្រតិបត្តិការក្នុងក្របខ័ណ្ឌអាស៊ាន - កូរ៉េខាងត្បូង មេគង្គ - កូរ៉េខាងត្បូង ដូចជាការគាំទ្រចូលរួមក្នុងគម្រោងសាកល្បងរួមចំណែកដល់ការអភិវឌ្ឍប្រកបដោយចីរភាពនៃអនុតំបន់មេគង្គ។
រដ្ឋមន្ត្រីការបរទេសលោកស្រី Kang Kyung Wha បានវាយតម្លៃខ្ពស់ចំពោះការខិតខំប្រឹងប្រែងនិងសមិទ្ធិផលរបស់វៀតណាមក្នុងការដោះស្រាយនឹងជំងឺកូវិដ១៩ ហើយបានព្រមព្រៀងបន្តចាត់វិធានការនានាដើម្បីគាំទ្រដល់អាជីវកម្មជម្រុញអាជីវកម្មនិងការវិនិយោគនៅវៀតណាម។
រដ្ឋមន្រ្តីក្រសួងការបរទេសកូរ៉េខាងត្បូង ក៏បានថ្លែងអំណរគុណដល់ភាគីវៀតណាមដែលបានបង្កើតលក្ខខណ្ឌអំណោយផលសម្រាប់ពាណិជ្ជករនិងអ្នកជំនាញកូរ៉េខាងត្បូងចូលមកប្រទេសវៀតណាមដោយអះអាងថាពួកគេនឹងចូលរួមយ៉ាងសកម្មក្នុងសកម្មភាពសហប្រតិបត្តិការក្នុងយន្តការអាស៊ាននិងអនុតំបន់មេគង្គនាពេលខាងមុខនេះ៕
(ប្រែសម្រូលដោយវិច្ឆិកា)
មតិពីមិត្តអ្នកអាន