យុគសម័យ - នារសៀលថ្ងៃទី ២៣ ខែមិថុនា អនុរដ្ឋមន្រ្តីក្រសួងការបរទេសវៀតណាមលោក Dang Minh Khoi បានធ្វើកិច្ចសន្ទនាតាមទូរស័ព្ទជាមួយអនុរដ្ឋមន្រ្តីក្រសួងការបរទេសតួកគីលោក Sedat Unal ដើម្បីសាក់សួរសុខទុក្ខនិងពិភាក្សាអំពីវិធានការនានាដើម្បីជំរុញទំនាក់ទំនងទ្វេភាគីក្នុងបរិបទនៃការរីករាលដាលនៃជំងឺរាតត្បាត COVID-19។
អនុរដ្ឋមន្រ្តីក្រសួងការបរទេស Dang Minh Khoi បានធ្វើកិច្ចសន្ទនាតាមទូរស័ព្ទជាមួយអនុរដ្ឋមន្រ្តីក្រសួងការបរទេសតួកគីលោក Sedat Unal ដើម្បីសាក់សួរសុខទុក្ខនិងពិភាក្សាអំពីវិធានការនានាដើម្បីជំរុញទំនាក់ទំនងទ្វេភាគីក្នុងបរិបទនៃការរីករាលដាលនៃជំងឺរាតត្បាត COVID-19។
ក្នុងកិច្ចសន្ទនាតាមទូរស័ព្ទនេះ លោកអនុរដ្ឋមន្រ្តី Dang Minh Khoi បានវាយតម្លៃខ្ពស់ចំពោះកិច្ចខិតខំប្រឹងប្រែងនិងវិធានការដ៏ទូលំទូលាយរបស់រដ្ឋាភិបាលតួកគីក្នុងការរិញទៅវិញការឆ្លងរាលដាលនៃជំងឺរាតត្បាត COVID-19 និងកាត់បន្ថយផលប៉ះពាល់អវិជ្ជមានអំពីសេដ្ឋកិច្ច-សង្គម។ លោកអនុរដ្ឋមន្រ្តីបានអះអាងថា ប្រទេសវៀតណាមបានត្រៀមខ្លួនជាស្រេចដើម្បីចែករំលែកបទពិសោធន៍របស់ខ្លួនក្នុងការឆ្លើយតបទៅនឹងការឆ្លងរាលដាលនៃជំងឺរាតត្បាត COVID-19 ហើយបានបង្ហាញជំនឿថា ប្រទេសតួកគីនឹង គ្រប់គ្រងជំងឺនេះឱ្យបានឆាប់។
រីឯខ្លួនវិញ លោកអនុរដ្ឋមន្រ្តី Sedat Unal បានសម្តែងការចាប់អារម្មណ៍ចំពោះការជោគជ័យរបស់វៀតណាមក្នុងការបង្ការទប់ស្កាត់នឹងការឆ្លងរាលដាលនៃជំងឺរាតត្បាត COVID-19 ព្រមជាមួយគ្នានេះបានថ្លែងអំណរគុណដល់រដ្ឋាភិបាលនិងប្រជាជនវៀតណាមដែលបានចែករំលែកការលំបាករបស់តួកគី។ លោកអនុរដ្ឋមន្ត្រី Sedat Unal បានជូនពរប្រទេសវៀតណាមដែលទទួលបានជោគជ័យក្នុងនាមជាប្រធានអាស៊ាន ២០២០ ហើយបានអះអាងថា ប្រទេសតួកគីមានបំណងចង់ជំរុញកិច្ចសហប្រតិបត្តិការជាមួយវៀតណាមនៅវេទិកាអន្តរជាតិនិងតំបន់។
ភាគីទាំងពីរមានសេចក្តីរីករាយដោយឃើញថា កិច្ចសហប្រតិបត្តិការពហុភាគីរវាងប្រទេសទាំងពីរក្នុងរយៈពេលកន្លងមក ជាពិសេសផ្នែកសេដ្ឋកិច្ច មានការរីកចម្រើនវិជ្ជមាន។ ទន្ទឹមនឹងនេះ ប្រទេសទាំងពីរឯកភាពគ្នាបង្កើនប្រសិទ្ធភាពនៃកិច្ចសហប្រតិបត្តិការបន្ថែមទៀតលើវិស័យដូចជា៖ នយោបាយ-ការទូត ពាណិជ្ជកម្ម-វិនិយោគ វប្បធម៌-ទេសចរណ៍ អប់រំ-បណ្តុះបណ្តាលជាដើម។
ក្នុងស្មារតីនេះ ភាគីទាំងពីរបានសង្កត់ធ្ងន់ទៅលើអាទិភាពនៃការជំរុញធ្វើដំណើរទស្សនកិច្ចនៅវៀតណាមរបស់ប្រធានាធិបតីតួកគីលោក Recep Tayyip Erdogan; សម័យប្រជុំលើកទី ៨ នៃគណៈកម្មការចម្រុះនិងកិច្ចប្រជុំពិគ្រោះយោបល់នយោបាយលើកទី ៤ រវាងក្រសួងការបរទេសទាំងពី; បញ្ជាក់ពីភាពចាំបាច់ក្នុងការបង្កើតលក្ខខណ្ឌនិងទម្រង់សមស្របសម្រាប់សហគ្រាសនៃភាគីទាំងពីរដើម្បីជួបនិងស្វែងរកឱកាសសហប្រតិបត្តិការអាជីវកម្មនិងវិនិយោគសំដៅរក្សានិងជំរុញសន្ទុះនៃកិច្ចសហប្រតិបត្តិការសេដ្ឋកិច្ចក្នុងអំឡុងពេលនិងភ្លាមៗបន្ទាប់ពីការរីករាលដាល COVID-19 ត្រូវបានគ្រប់គ្រង។
ទិដ្ឋភាពនៃកិច្ចសន្ទនាតាមទូរស័ព្ទ
លោកអនុរដ្ឋមន្រ្តី Dang Minh Khoi បានថ្លែងអំណរគុណនិងស្នើឱ្យរដ្ឋាភិបាលតួកគីបន្តយកចិត្តទុកដាក់ បង្កលក្ខណៈងាយស្រួលសម្រាប់ពលរដ្ឋវៀតណាមដែលកំពុងរស់នៅ ធ្វើការនិងសិក្សាដោយសុវត្ថិភាពនៅតួកគីក្នុងបរិបទនៃការឆ្លងរាលដាលនៃជំងឺ COVID-19 នៅតែមានភាពស្មុគស្មាញ៕(បកប្រែដោយសាមេត)
(ប្រភពព័ត៌មាន: baoquocte.vn)
មតិពីមិត្តអ្នកអាន