យុគសម័យ - បន្តសម័យប្រជុំលើកទី ៩ នៃរដ្ឋសភានីតិកាលទី XIV តំណាងរាស្ត្រនឹងឈានចូលដល់សប្តាហ៍ធ្វើការតាមអនឡាញលើកទី ២ (ចាប់ពីថ្ងៃទី ២៥ ដល់ថ្ងៃទី ២៨ ខែឧសភា) ដោយមានខ្លឹមសារគួរឱ្យចាប់អារម្មណ៍ជាច្រើន។
ទិដ្ឋភាពនៃសម័យប្រជុំ
ខ្លឹមសារសំខាន់ៗក្នុងសប្តាហ៍ធ្វើការតាមអនឡាញលើកទី ២ នៃសម័យប្រជុំលើកទី ៩ នៃរដ្ឋសភានីតិកាលទី XIV ដែលប្រព្រឹត្តទៅ ចាប់ពីថ្ងៃទី ២៥ ដល់ថ្ងៃទី ២៨ ខែឧសភា ដោយផ្តោតសំខាន់លើកិច្ចការកសាងច្បាប់។
ក្នុងសប្តាហ៍ធ្វើការនេះ រដ្ឋសភានឹងស្តាប់សេចក្តីព្រាងច្បាប់ស្តីពីការការពារបរិស្ថាន (ធ្វើវិសោធនកម្ម) និងពិភាក្សានិងផ្តល់យោបល់លើគំរោងនានាដូចជា៖ ច្បាប់ស្តីពីការសំរបសំរួល ការសន្ទនានៅឯតុលាការ; ច្បាប់យុវជន (ធ្វើវិសោធនកម្ម) ច្បាប់ធ្វើវិសោធនកម្មនិងបំពេញបន្ថែមមាត្រាមួយចំនួននៃច្បាប់ស្តីពីការរៀបចំរដ្ឋសភា; ច្បាប់វិនិយោគ (ធ្វើវិសោធនកម្ម) ច្បាប់វិនិយោគដោយភាពជាដៃគូឯកជនសាធារណៈ (PPP); ច្បាប់ធ្វើវិសោធនកម្មនិងបំពេញបន្ថែមមាត្រាមួយចំនួននៃច្បាប់ស្តីពីការបង្ការនិងប្រឆាំងគ្រោះធម្មជាតិ និងច្បាប់ស្តីពីទំនប់។
ក្រៅពីនេះតំណាងរាស្ត្រនឹងចំណាយពេលវេលាពិចារណាលើខ្លឹមសារសំខាន់ៗជាច្រើន។
ពេញមួយថ្ងៃទី ២៧ ខែឧសភា រដ្ឋសភានឹងពិភាក្សាលើប្រព័ន្ធអនឡាញស្តីពីរបាយការណ៍របស់គណៈប្រតិភូត្រួតពិនិត្យនៃរដ្ឋសភាលើការអនុវត្តគោលនយោបាយនិងច្បាប់ស្តីពីការការពារនិងប្រឆាំងនឹងការរំលោភបំពានលើកុមារ។ សម័យប្រជុំសំខាន់នេះ ត្រូវបានផ្សាយផ្ទាល់ដើម្បីអ្នកបោះឆ្នោតនិងប្រជាជនទូទាំងប្រទេសអាចតាមដានបាន។
លើសពីនេះទៅទៀត រដ្ឋសភាបានស្តាប់និងផ្តល់យោបល់លើសេចក្តីវាយការណ៍និងរបាយការណ៍ស៊ើបអង្កេតស្តីពីកម្មវិធីគោលដៅជាតិស្តីពីការអភិវឌ្ឍសេដ្ឋកិច្ច-សង្គមនៅក្នុងតំបន់ជនជាតិភាគតិចនិងតំបន់ភ្នំនៅក្នុងរយៈពេល ២០២១-២០៣០; សេចក្តីវាយការណ៍បានដាក់ជូនរដ្ឋសភាដើម្បីអនុម័តលើការទូទាត់ថវិការដ្ឋក្នុងឆ្នាំ ២០១៨ ។
របាយការណ៍សវនកម្មថវិកាជាតិឆ្នាំ ២០១៨ និងរបាយការណ៍ស៊ើបអង្កេតគណនីថវិកាជាតិឆ្នាំ ២០១៨ ក៏នឹងត្រូវស្តាប់ ពិភាក្សានិងផ្តល់យោបល់ដោយតំណាងរាស្ត្រផងដែរ៕
(បកប្រែដោយសាមេត)
(ប្រភពព័ត៌មាន: thoidai.com.vn)
មតិពីមិត្តអ្នកអាន