យុគសម័យ - នាថ្ងៃទី ១៥ ឧសភានៅទីក្រុងហាណូយអនុប្រធានគណៈកម្មាធិការជាតិ ទទួលបន្ទុក កិច្ចការប្រជាជនវៀតណាមនៅបរិទេស (ក្រសួងការបរទេសវៀតណាម) លោក Luong Thanh Nghi បានប្រគល់អំណោយជាទឹកប្រាក់ជាង ២៣២ លានដុងពីសមាគមសហគ្រិនវៀតណាមជូន ដល់នាយកដ្ឋានរក្សាសន្តិភាពវៀតណាម។
ទិដ្ឋភាពនៃពិធីនេះ
លោក Luong Thanh Nghi បានមានប្រសាសន៍ថានេះជាថវិការដែលបានរៃអង្គាសដោយ សហគមន៍សហគ្រិនវៀតណាមនៅក្រៅប្រទេសតាមរយៈសមាគម ហើយអំណោយនេះគឺជាទឹកចិត្តក្នុងការបញ្ជូនទៅកម្មាភិបាលនិងយុទ្ធជននៃកងទ័ពប្រជាជន វៀតណាមដែលកំពុងបំពេញកាតព្វកិច្ចការពារសន្តិភាពអង្គការសហប្រជាជាតិរបស់វៀតណាមនៅឯប្រទេសស៊ូដង់ខាងត្បូងនិងសាធារណរដ្ឋអាហ្វ្រិកកណ្តាល។ លោក Luong Thanh Nghi បានបញ្ជាក់បន្ថែមថា សកម្មភាពគាំទ្ររបស់ សមាគមនេះពិតជាមានអត្ថន័យហើយក៏ជាសកម្មភាពដំបូងរបស់សហគមន៍វៀតណាមនៅឯបរទេសឆ្ពោះទៅកម្លាំងរក្សាសន្តិភាពរអង្គការសហប្រជាជាតិរបស់វៀតណាម។
តាងនាមយុទ្ធជនដែលកំពុងបំពេញបេសកកម្មថែរក្សាសន្តិភាពអង្គការសហប្រជាជាតិរបស់ វៀតណាមនៅស៊ូដង់ខាងត្បូងនិងសាធារណរដ្ឋអាហ្វ្រិកកណ្តាល ប្រធាននាយកដ្ឋានរក្សាសន្តិភាព វៀតណាម លោកឧត្តមសេនីយ៍ត្រី Hoang Kim Phung បានទទួលអំណោយជំនួយនេះហើយបាន សង្កត់ធ្ងន់ផងដែរថានេះជាលើកទីដំបូង ដែលយុទ្ធជននៃនាយកដ្ឋាន ទទួលបានការយកចិត្តទុក ដាក់និងលើកទឹកចិត្តពីប្រជាជនវៀតណាមនៅឯបរទេសព្រមទាំងថ្លែងអំណរគុណយ៉ាងខ្លាំងនិង សន្យាថានឹងបំពេញភារកិច្ចដែលបានចាត់តាំងដែលបក្ស រដ្ឋ និងប្រជាជនប្រគល់ជូនក្នុងការរក្សា សន្តិភាពអន្តរជាតិដែលសក្តិសមនឹងគំរូកងទ័ពលោក អ៊ុំហូផងដែរ៕
（បកប្រែដោយ ហេង វុធ្ធី）
（ប្រភពព័ត៌មាន: thoidai.com.vn）
មតិពីមិត្តអ្នកអាន