យុគសម័យ - នាថ្ងៃទី ២៣ ខែវិច្ឆិកាក្នុងក្របខ័ណ្ឌកិច្ចប្រជុំរដ្ឋមន្ត្រីការបរទេសនៃប្រទេសដែលមានសេដ្ឋកិច្ចកំពុងអភិវឌ្ឍន៍និងសេដ្ឋកិច្ចរីកលូតលាស់ថ្មីឈានមុខគេលើពិភពលោក (G២០) រដ្ឋមន្ត្រីការបរទេស G២០ និងសេដ្ឋកិច្ចភ្ញៀវចំនួន ៩ ប្រទេស រួមទាំងវៀតណាមផងដែរ បានប្រជុំគ្នានៅទីក្រុង Nagoya រដ្ឋធានីនៃ Aichi នៃប្រទេសជប៉ុន ។ គណៈប្រតិភូវៀតណាមដឹកនាំដោយអនុរដ្ឋមន្ត្រីអចិន្ត្រៃយ៍ក្រសួងការបរទេសលោក Bui Thanh Son ។
អនុរដ្ឋមន្ត្រីអចិន្ត្រៃយ៍ក្រសួងការបរទេសលោក Bui Thanh Son។ (ប្រភព៖ TTXVN)
ថ្លែងនៅក្នុងសិក្ខាសាលាចំនួន ២ ស្តីពីអភិបាលកិច្ចពិភពលោកពាណិជ្ជកម្មសេរីនិងការអភិវឌ្ឍប្រកបដោយចីរភាព អនុរដ្ឋមន្រ្តីក្រសួងការបរទេសលោក Bui Thanh Son បានសង្កត់ធ្ងន់លើសារសំខាន់នៃការគោរពនិងអនុលោមតាមច្បាប់អន្តរជាតិ។ នៅទីនេះ លោកអនុរដ្ឋមន្ត្រីការបរទេសបានស្នើអោយបណ្តាប្រទេស លើកកម្ពស់ការកែទម្រង់អភិបាលកិច្ចពិភពលោក បន្តជំរុញពហុភាគីនិយមនាំមុខក្នុងការអនុវត្តយ៉ាងពេញលេញនូវការប្តេជ្ញាចិត្តអន្តរជាតិនិងចូលរួមប្រកបដោយទំនួលខុសត្រូវក្នុងការជំរុញសណ្តាប់ធ្នាប់ពិភពលោកដែលផ្អែកលើច្បាប់សមភាពយុត្តិធម៌និងចីរភាព។
អនុរដ្ឋមន្រ្តីលោក Bui Thanh Son បានអះអាងថា វៀតណាមក្នុងនាមជាប្រធានសមាគមប្រជាជាតិអាស៊ីអាគ្នេយ៍ (អាស៊ាន) ២០២០ និងជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិសម្រាប់អាណត្តិ ២០២០-២០២១ នឹងចូលរួមជាមួយសហគមន៍ជាតិដើម្បី ពង្រឹងកិច្ចសហប្រតិបត្តិការនិងការបំពេញបន្ថែមរវាងស្ថាប័នពិភពលោកនិងអង្គការក្នុងតំបន់ដើម្បីរួមចំណែកដល់ការខិតខំរួមគ្នាដើម្បីបង្រួបបង្រួមសន្តិភាពស្ថិរភាពនិងការអភិវឌ្ឍប្រកបដោយចីរភាព៕
(ប្រែសម្រូលដោយវិច្ឆិកា)
មតិពីមិត្តអ្នកអាន