យុគសម័យ - ក្រុងព្យុងយ៉ាងបានជំរុញឱ្យក្រុងវ៉ាស៊ីនតោនប្រកាសជាឯកច្ឆន្ទនូវការបញ្ចប់សង្គ្រាមកូរ៉េ យុគសម័យ - ប្រទេសកូរ៉េខាងជើងជាថ្មីម្តងទៀតបានស្នើឱ្យសហរដ្ឋអាមេរិកប្រកាសជាឯកច្ឆន្ទ បញ្ចប់សង្គ្រាមកូរ៉េ ពីឆ្នាំ ១៩៥០ដល់ឆ្នាំ ១៩៥៣ ព្រមទាំងសង្កត់ធ្ងន់ថា ប្រការនេះនឹងនាំមកសន្តិភាពនិងការទុកចិត្តគ្នាទៅវិញទៅមក។
ក្រុងព្យុងយ៉ាងបានជំរុញឱ្យក្រុងវ៉ាស៊ីនតោនប្រកាសជាឯកច្ឆន្ទនូវការបញ្ចប់សង្គ្រាមកូរ៉េ (រូបថតៈ AFP )
អត្ថបទមួយដែលបានចុះផ្សាយនៅលើទំព័រ Rodong Sinmun ជាស្ថាប័នបញ្ចេញមតិរបស់គណៈបក្សពលកម្មកូរ៉េខាងជើង ដោយចែងថា “សេចក្តីប្រកាសបញ្ចប់សង្គ្រាមកូរ៉េគឺជាតម្រូវការ នៃសម័យកាល នឹងជាជំហានដំបូងឆ្ពោះទៅកាន់យុគសម័យថ្មីមួយប្រកប ដោយ សន្តិភាពនិងសន្តិសុខ”។
សូមគូសបញ្ជាក់ថា ក្នុងកិច្ចប្រជុំកំពូលកាលពីខែមេសាកន្លងមកនេះ ប្រធានាធិបតីកូរ៉េខាងត្បូង លោក Moon Jae-in និងថ្នាក់ដឹកនាំកូរ៉េខាងជើង លោក Kim Jong-un បានឯកភាពបញ្ចប់សង្គ្រាមក្នុងឆ្នាំនេះ តាមរយៈកិច្ចប្រជុំត្រីភាគី រួមមានកូរ៉េទាំងពីរនិងអាមេរិក ឬការពិភាក្សារវាងភាគីទាំងបួន រួមមានកូរ៉េទាំងពីរ អាមេរិកនិងចិន។
ប្រទេសកូរ៉េខាងជើងចង់ធានាសន្តិសុខសម្រាប់ប្រទេសជាតិ ខណៈដែលសហរដ្ឋអាមេរិកនៅតែមានការប្រុងប្រយ័ត្ននិងចង់ឃើញការរីកចម្រើនរបស់ទីក្រុងព្យុងយ៉ាងលើការលុបបំបាត់អាវុធនុយក្លេអ៊ែរមុនសិន។ ការបញ្ចប់សង្រ្គាមសំខាន់មួយនេះ ត្រូវបានគេចាត់ទុកដូចជាបុព្វហេតុដើម្បីជំនួសឲ្យកិច្ចព្រមព្រៀងបញ្ចប់សង្គ្រាមបច្ចុប្បន្នតាមរយៈកិច្ចព្រមព្រៀងសន្តិភាពមួយនេះ៕
(សរុបព័ត៌មាន ដោយ ស្រីព្រេជ)
មតិពីមិត្តអ្នកអាន