យុគសម័យ - នាយសេនាធិការកងទ័ពការពារអាកាសអាមេរិកលោក David Goldfein បានបញ្ជាក់ជាថ្មីៗនេះ ពីការប្តេជ្ញាចិត្តរបស់រដ្ឋអំណាចវ៉ាស៊ីនតោន ដែលនឹបញ្ជូននាវាចម្បាំងឬុយន្តហោះយាមល្បាតទៅតំបន់ណាមួយឬគ្រប់ពេលក្នុងសមុទ្រខាងកើត។
យន្តហោះចម្បាំងអាមេរិកបានធ្វើសកម្មភាពយាមល្បាតនៅសមុទ្រខាងកើត (ប្រភព៖ AP)
មន្ត្រីមន្ទីរបញ្ចកោណរូបនេះ បានប្រកាស់ថាកងទ័ពអាមេរិកនឹងរក្សាសកម្មភាពយាមល្បាតនៅក្នុងសមុទ្រខាងកើតដើម្បីធានាសន្តិសុខនិងសេរីភាពនាវាចរណ៍ក្នុងតំបន់នេះ។
ក្នុងពេលឆ្លើយតបទៅនឹងសារព័ត៌មានហ្វីលីពីនក្នុងដំណើរទស្សនកិច្ចទៅកាន់ទីក្រុងម៉ានីលកាលពីថ្ងៃទី ១៦ ខែសីហា នោះ នាយសេនាធិការកងទ័ពការពារអាកាសអាមេរិកលោក David Goldfein បានបញ្ជាក់ជាថ្មី នូវការប្តេជ្ញាចិត្តរបស់ក្រុងវ៉ាស៊ីនតោនថា៖ "រក្សានូវការត្រៀមខ្លូនជាស្រេចនិងសមត្ថភាពបញ្ជូននាវាចម្បាំងឬុយន្តហោះយាមល្បាតទៅតំបន់ណាមួយឬគ្រប់ពេលក្នុងសមុទ្រខាងកើត"។
នាយសេនាធិការកងទ័ពការពារដែនអាកាសអាមេរិកលោក David Goldfein (រូបថត៖ Duong Ngoc)
មុននោះ នាថ្ងៃទី ៩ ខែសីហា ឧត្តមនាវីឯក Karl Thomas មេបញ្ជាការក្រុមប្រតិបត្តិការលេខ ៧០ នៃនាវា USS Ronald Reagan ក៏បានបញ្ជាក់ផងដែរថា កងនាវាចរអាមេរិកនឹងបន្តវត្តមាននៅក្នុងសមុទ្រខាងកើតដើម្បីធានាសន្តិសុខនិងសេរីភាពនាវាចរណ៍។
ការប្រកាស់របស់មន្ត្រីមន្ទីរបញ្ចកោណរូបនេះ បានធ្វើឡើងបន្ទាប់ពីរដ្ឋមន្ត្រីការពារជាតិអាមេរិកលោក Mark Esper បានសម្តែងការរិះគន់ចំពោះសកម្មភាពរបស់ចិននៅសមុទ្រខាងកើត ដោយលើកឡើងថា ឥរិយាបថនេះនិងគោលនយោ បាយសេដ្ឋកិច្ចរបស់ទីក្រុងប៉េកាំង កំពុងបង្កអស្ថិរភាពសម្រាប់តំបន់អាស៊ីប៉ាស៊ីហ្វិក។ មុនពេលនេះ មន្ត្រីអាមេរិកក៏បានសម្តែងការព្រួយបារម្ភអំពីសកម្មភាពរបស់ចិននៅសមុទ្រខាងកើតផងដែរ។
យោងតាមលោក Morgan Ortagus អ្នកនាំពាក្យក្រសួងការបរទេសអាមេរិកបានអោយដឹងថា ធ្វើកំណែទម្រង់និងធ្វើឱ្យទៅតាមបែបផែនយោធាយោធានៅសមុទ្រខាងកើត រួមជាមួយសកម្មភាពផ្សេងទៀតដើម្បីបញ្ជាក់ពីការទាមទារខុសច្បាប់របស់ទីក្រុងប៉េកាំងនៅតំបន់សមុទ្រនេះ។ នេះរួមទាំងការប្រើប្រាស់យោធានៅតាមសមុទ្រដើម្បីគំរាមកំហែងដល់ប្រទេសដទៃទៀតគឺជាសកម្មភាពនៃការបំផ្លាញសន្តិភាពនិងសន្តិសុខតំបន់។
សកម្មភាពទាំងនេះកំពុងជ្រៀតជ្រែកក្នុងការរុករកនិងផលិតប្រេងនិងឧស្ម័នដែលប្រទេសនៅក្នុងតំបន់នេះបានអនុវត្តអស់រយៈពេលហើយ ជាពិសេសប្រទេសវៀតណាម៕
（ប្រែសម្រូលដោយវិច្ឆិកា）
មតិពីមិត្តអ្នកអាន