យុគសម័យ - នាយកដ្ឋានគយកូរ៉េខាងត្បូងបានរៀបចំកិច្ចប្រជុំទ្វេភាគីដាច់ដោយឡែកជាមួយមន្ត្រីឥណ្ឌូណេស៊ី ហ្វីលីពីននិងវៀតណាមនៅខាងក្រៅសន្និសិទប្រចាំឆ្នាំរវាងកូរ៉េខាងត្បូងនិងអាស៊ាននៅក្នុងប្រទេសឡាវ។
ប្រទេសកូរ៉េខាងត្បូងនិងអាស៊ានបានជំរុញការចុះហត្ថលេខាលើកិច្ចព្រមព្រៀងផ្នែកគយ
ប្រទេសកូរ៉េខាងត្បូងកំពុងជំរុញយ៉ាងខ្លាំងក្លាការចុះហត្ថលេខាលើកិច្ចព្រមព្រៀងផ្នែកគយដើម្បីបង្កលក្ខខណ្ឌងាយស្រូលសម្រាប់ពាណិជ្ជកម្មទ្វេភាគីជាមួយដៃគូរបស់ខ្លួនដែលជាសមាជិកនៃសមាគមប្រជាជាតិអាស៊ីអាគ្នេយ៍ (អាស៊ាន) រួមមានប្រទេសឥណ្ឌូណេស៊ី ហ្វីលីពីននិងវៀតណាម។
យោងតាមការប្រកាសរបស់ការិយាល័យគយកូរ៉េខាងត្បូង (KCS) កាលពីថ្ងៃទី ១២ ខែមិថុនាបានឲ្យដឹងថាមេដឹកនាំរបស់ទីភ្នាក់ងារនេះគឺលោក Kim Yung-moon បានជួបប្រជុំទ្វេភាគីដាច់ដោយឡែកជាមួយមន្រ្តីនៃដៃគូទាំងបីបាននិយាយខាងលើ នៅខាងក្រៅសន្និសីទប្រចាំឆ្នាំរវាងកូរ៉េខាងត្បូងនិងអាស៊ាននៅក្នុងប្រទេសឡាវ។
យោងតាម KCS ភាគីនានាបានពិភាក្សាពីកិច្ចព្រមព្រៀងអ្នកប្រតិបត្តិករសេដ្ឋកិច្ចដែលបានអនុញ្ញាត (AEO) និងកិច្ចព្រមព្រៀងទទួលស្គាល់គ្នាទៅវិញទៅមក (MRA) ។នាពេលបច្ចុប្បន្ន ប្រទេសកូរ៉េខាងត្បូងបានចុះហត្ថលេខាលើ MRA ជាមួយប្រទេសចំនួន ២០ ក្នុងនោះមានអាមេរិក ចិននិងជប៉ុន។
ការនាំចេញរបស់កូរ៉េខាងត្បូងទៅកាន់អាស៊ានបានកើនឡើងពី ១០,៤% ក្នុងឆ្នាំ ២០០៧ ដល់ ១៦,៦% នៅឆ្នាំ ២០១៧ ដោយសារការកើនឡើងនៃការលក់គ្រឿងអេឡិចត្រូនិកអ្នកត្រួតពិនិត្យនិងទំនិញប្រើប្រាស់ផ្សេងៗទៀត។
ប្រទេសកូរ៉េខាងត្បូងមានបំណងបង្កើនទំហំពាណិជ្ជកម្មជាមួយវិស័យសេដ្ឋកិច្ចក្នុងតំបន់អាស៊ានបានឈានដល់ជាង ២០០ ពាន់លានដុល្លារនៅត្រឹមឆ្នាំ ២០២០៕
(ប្រែសម្រូលដោយវិច្ឆិកា)
មតិពីមិត្តអ្នកអាន