ចក្រភពអង់គ្លេសបានក្លាយជាប្រទេសដំបូងគេនៅលើពិភពលោក ក្នុងការអនុម័តវ៉ាក់សាំងការពារជំងឺ COVID-19 របស់ក្រុមហ៊ុន Pfizer / BioNTech សម្រាប់ការប្រើប្រាស់ជាទូទៅ។
នាថ្ងៃទី ២ ខែធ្នូ ចក្រភពអង់គ្លេសបានក្លាយជាប្រទេសដំបូងបង្អស់នៅលើពិភពលោក ដែលបានអនុម័តការចាក់វ៉ាក់សាំងបង្ការ ជំងឺកូវីដ១៩។
រូបថតឧទាហរណ៍( ប្រភព៖ REUTERS)
រដ្ឋាភិបាល អង់គ្លេសបានបញ្ជាក់ពីការឯកភាពលើសំណើរបស់ស្ថាប័នគ្រប់គ្រងឱសថនិងផលិតផលវេជ្ជសាស្ត្រអង់គ្លេស (MHRA) ដោយអនុម័តលើការប្រើប្រាស់វ៉ាក់សាំង COVID-19 ដែលត្រូវបានផ្សំឡើងដោយក្រុមហ៊ុនឱសថអាមេរិក Pfizer និង BioNTech របស់អាល្លឺម៉ង់។
ហេតុដូច្នេះ វ៉ាក់សាំងនឹងត្រូវប្រើប្រាស់នៅចក្រភពអង់គ្លេសចាប់ពីសប្តាហ៍ក្រោយ។ អង់គ្លេសបានបញ្ជាទិញវ៉ាក់សាំងនេះចំនួន ៤០លានដូស រួចមកហើយ ដែលគ្រប់គ្រាន់ក្នុងការចាក់វ៉ាក់សាំងលើប្រជាជន ២០លាននាក់។រដ្ឋមន្រ្តីក្រសួងសុខាភិបាលចក្រភពអង់គ្លេស លោក Matt Hancock បានឲ្យដឹងថាមន្ទីរពេទ្យនានាក្នុងប្រទេសនេះបានត្រៀមខ្លួនទទួលវ៉ាក់សាំងនេះរួចជាស្រេចហើយ។ ទោះបីជាការចាក់វ៉ាក់សាំងអាចចាប់ផ្តើមក៏ដោយ មនុស្សនៅតែត្រូវការការប្រុងប្រយ័ត្ន និងអនុវត្តតាមច្បាប់នៃជំងឺឆ្លងដើម្បីបញ្ឈប់ការរាលដាល./.
រូបថតឧទាហរណ៍( ប្រភព៖ REUTERS)
（បូកសរុបដោយឌីណា）
មតិពីមិត្តអ្នកអាន