យុគសម័យ - ការតាំងពិព័រណ៍ "ភាជន៍បុរាណបានរកឃើញពីបណ្តានាវាលិចដែលស្ថិតក្នុងតំបន់ដែនសមុទ្ររបស់ប្រទេសវៀតណាម"។ នេះ គឺជាឱកាសសម្រាប់ប្រជាជននិងភ្ញៀវទេសចរអាចមកទស្សនានិងស្វែងយល់អំពីភាជន៍បុរាណ នៅលើនាវាលិច។
ភាជន៍នៃសម័យកាល Yongzheng (នៃប្រទេសចិន) មានអាយុកាលតាំងពីសតវត្សទី ១៨។ ភាជន៍នេះត្រូវបានគេរកឃើញនៅក្នុងតំបន់សមុទ្រ Ca Mau នៅឆ្នាំ ១៩៩៨-១៩៩៩
ការតាំងពិព័រណ៍“ភាជន៍បុរាណបានរកឃើញពីបណ្តានាវាលិចដែលស្ថិតក្នុងតំបន់ដែនសមុទ្ររបស់ប្រទេសវៀតណាម” នៅសារមន្ទីរទីក្រុង Da Nang ដែលបានដាក់តាំងភាជន៍បុរាណ ដូចជា៖ពែង ចាន ថូផ្កា រូបសំណាក់ ... ត្រូវបានគេរកឃើញនៅលើនាវាលិច ដែលមានអាយុកាល ចាប់ពីសតវត្សទី ១៥ ដល់សតវត្សទី ១៦ ក្នុងតំបន់ដែនសមុទ្ររបស់វៀតណាម។
កាក់បុរាណត្រូវបានគេរកឃើញ នៅក្នុងតំបន់ដែនសមុទ្រ Binh Chau ខេត្ត Quang Ngai កាលពីឆ្នាំ ២០១៣ វត្ថុតាងដែលបានដាក់តាំងក្នុងការតាំងពិព័រណ៍“ភាជន៍បុរាណបានរកឃើញពីបណ្តានាវាលិចដែលស្ថិតក្នុងតំបន់ដែនសមុទ្ររបស់ប្រទេសវៀតណាម” របស់អ្នកប្រមូលវត្ថុបុរាណ Lam Du Xenh (ស្រុក Binh Son ខេត្ត Quang Ngai) ។
ជាពិសេស ការតាំងពិព័រណ៍នេះក៏ដាក់តាំងពាងស្រារបស់ភូមិភាជន៍ Go Sanh ( ខេត្ត Binh Dinh នៃប្រទេសវៀតណាម) ដែលមានអាយុ តាំងពីសតវត្សរ៍ទី ១៥ ។ នេះគឺជាវត្ថុតាងមួយនៃប្រវត្តិសាស្ត្រពាណិជ្ជកម្មរបស់វៀតណាម តាំងពីច្រើនសតវត្សរ៍មុន។
កម្រងភាជន៍ មានតាំងពីសម័យកាល Tangchao (នៃប្រទេសចិន) ត្រូវបានរកឃើញនៅក្នុងដែនសមុទ្រនៃស្រុក Binh Chau ខេត្ត Quang Ngai កាលពីឆ្នាំ ២០១៣ ។ វត្ថុតាំងទាំងនោះមានតាំងពីសតវត្សទី ១០ ។ មិនត្រឹមតែមានភាជន៍បុរាណប៉ុណ្ណោះទេ ប៉ុន្តែការតាំងពិព័រណ៍នេះបានដាក់តាំងកាក់បុរាណមួយចំនួនដែលត្រូវបានរកឃើញ នៅលើនាវាបុរាណដែលលិចនៅក្នុងដែនសមុទ្រនៃប្រទេសវៀតណាម។
ភាជន៍បុរាណមានតាំងពីសម័យកាល Mingchao (នៃប្រទេសចិន) ដែលមានអាយុកាលចាប់ពីសតវត្សទី ១៤ ដល់សតវត្សទី១៥ ត្រូវបានគេរកឃើញនៅក្នុងដែនសមុទ្រស្រុក Binh Chau ខេត្ត Quang Ngai កាលពីឆ្នាំ ២០១៣ ។
ការតាំងពិព័រណ៍នេះធ្វើឡើង ចាប់ពីថ្ងៃទី ៥-១០ ដល់ ២៥-១១-២០២០ នៅឯសារមន្ទីរទីក្រុង Da Nang (លេខ ២៤ ផ្លូវ Tran Phu ខណ្ឌ Hai Chau ខេត្ត Da Nang ) ។ ម៉ោងបើកទ្វារ គឺចាប់ពីម៉ោង ៨ ព្រឹកដល់ម៉ោង ១៧ ជារៀងរាល់ថ្ងៃ./.
មតិពីមិត្តអ្នកអាន