ក្រុមប្រឹក្សាសន្តិសុខពិភាក្សាអំពីបញ្ហាប្រឈមខាងសន្តិសុខដែលកំពុងកើនឡើងនៅភាគខាងកើតនៃសាធារណរដ្ឋប្រជាធិបតេយ្យកុងហ្គោ

ក្រុមប្រឹក្សាសន្តិសុខពិភាក្សាអំពីបញ្ហាប្រឈមខាងសន្តិសុខដែលកំពុងកើនឡើងនៅភាគខាងកើតនៃសាធារណរដ្ឋប្រជាធិបតេយ្យកុងហ្គោ (រូបថត៖ UN)

នៅក្នុងកិច្ចប្រជុំនេះតំណាងពិសេសរបស់អគ្គលេខាធិការអង្គការសហប្រជាជាតិនិងជាប្រមុខបេសកកម្មអង្គការសហប្រជាជាតិប្រចាំសាធារណរដ្ឋប្រជាធិបតេយ្យកុងហ្គោបានមានប្រសាសន៍ថាស្ថានភាពនយោបាយមានស្ថេរភាពបង្គួរហើយសាធារណរដ្ឋប្រជាធិបតេយ្យកុងហ្គោកំពុងបង្ហាញនូវការខិតខំប្រឹងប្រែងយ៉ាងខ្លាំងក្នុងការបង្កើនកិច្ចសន្ទនានិងស្ថិរភាពប្រទេសជាតិ។

ទោះយ៉ាងណាតំណាង MONUSCO ក៏បានសម្តែងការព្រួយបារម្ភជាពិសេសអំពីស្ថានភាពសន្តិសុខដែលកំពុងបង្ហាញសញ្ញាកាន់តែយ៉ាប់យ៉ឺននៅភាគខាងកើតនៃប្រតេសកុងហ្គោដោយសារតែសកម្មភាពរបស់ក្រុមប្រដាប់អាវុធអំពើហឹង្សាអន្តរសហគមន៍ផងដែរ។

ថ្លែងមតិនៅក្នុងកិច្ចប្រជុំនេះ លោកឯកអគ្គរដ្ឋទូត Pham Hai Anh អនុប្រធានស្ថានបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិ បានចែករំលែកការយកចិត្តទុកដាក់របស់អង្គប្រជុំនានាអំពីស្ថានភាពសន្តិសុខនៅតំបន់ភាគខាងកើតនៃសាធារណរដ្ឋប្រជាធិបតេយ្យកុងហ្គោ រួមទាំងការប៉ះពាល់ដល់ស្ថានភាពមនុស្សធម៌របស់ប្រជាជនស៊ីវិលរាប់លាននាក់ផងដែរ ។

លោកឯកអគ្គរដ្ឋទូត Pham Hai Anh បានអះអាងថាត្រូវចាំបាច់ស្វែងរកដំណោះស្រាយក្នុងរយៈពេលវែងដើម្បីដោះស្រាយអស្ថិរភាពនៅសាធារណរដ្ឋប្រជាធិបតេយ្យកុងហ្គោដោយសង្កត់ធ្ងន់លើតួនាទីនៃការសន្ទនានិងការផ្សះផ្សាជាតិ ព្រមទាំងបង្កើនតួនាទីរបស់រដ្ឋាភិបាលនៅមូលដ្ឋានផងដែរ។ទន្ទឹមនឹងនេះលោក លោកឯកអគ្គរដ្ឋទូត Pham Hai Anh ក៏បានអំពាវនាវដល់សហគមន៍អន្តរជាតិឲ្យបង្កើនការជួយឧបត្ថម្ភគាំទ្រដល់សាធារណរដ្ឋប្រជាធិបតេយ្យកុងហ្គោ និងគាំទ្រការចូលរួមចំណែករបស់ក្រុមបេសកកម្មអង្គការសហប្រជាជាតិប្រចាំនៅសាធារណរដ្ឋប្រជាធិបតេយ្យកុងហ្គោចំពោះការថែរក្សាសន្តិសុខនិងស្ថិរភាពនៅក្នុងប្រទេសនេះផងដែរ៕

（បកប្រែដោយ ហេងវុធ្ធី）

（ប្រភពព័ត៌មាន: baoquocte.vn）

（បកប្រែដោយ ហេងវុធ្ធី）