វៀតណាម - ម៉ូរីតានីជម្រុញកិច្ចសហប្រតិបត្តិការកសិកម្ម ទូរគមនាគមន៍ព្រមទាំងការធ្វើអាជីវកម្មរ៉ែ

នៅឯជំនួបសម្តែងការគួរសម រដ្ឋមន្ត្រីការបរទេស លោក Le Hoai Trung បានសម្តែងការអបអរសាទរចំពោះបណ្តាស្នាដៃដែលម៉ូរីតានីសម្រេចបាននាពេលកន្លងមក ជាពិសេសគឺក្នុងការធ្វើឱ្យមានភាពសម្បូរបែបនៃសេដ្ឋកិច្ច លើកកម្ពស់ជីវភាពរស់នៅរបស់ប្រជាជនព្រមទាំងទទួលរ៉ាប់រងដោយជោគជ័យនូវតួនាទីជាប្រធានសហភាពអាហ្វ្រិកនាអាណត្តិ ២០២៤-២០២៥។

សមាជិកការិយាល័យនយោបាយព្រមទាំងជារដ្ឋមន្ត្រីការបរទេស លោក Le Hoai Trung ទទួលស្វាគមន៍រដ្ឋមន្ត្រីព្រមទាំងជាអគ្គលេខាធិការរដ្ឋាភិបាលម៉ូរីតានី លោក Moctar Al Housseynou Lam ដែលកំពុងមានដំណើរទស្សនកិច្ចផ្លូវការជាលើកដំបូងបំផុតមកកាន់វៀតណាម។

អះអាងថាវៀតណាមតែងតែចាត់ទុកជាសំខាន់ទំនាក់ទំនងមិត្តភាពប្រពៃណីជាមួយនិងបណ្តាប្រទេសនៅអាហ្វ្រិក នៅក្នុងនោះមានម៉ូរីតានី រដ្ឋមន្ត្រី លោក Le Hoai Trung បានស្នើឱ្យប្រទេសទាំងពីរបង្កើនការផ្លាស់ប្តូរគណៈប្រតិភូគ្រប់ជាន់ថ្នាក់ ជាពិសេសគឺថ្នាក់ជាន់ខ្ពស់ ទន្ទឹមនឹងនោះបង្កើតយន្តការពិគ្រោះយោបល់នយោបាយរវាងក្រសួងការបរទេសទាំងពីរ ចេញពីទីនោះបង្កើតបន្ថែមជាកម្លាំងចលករជម្រុញទំនាក់ទំនងទ្វេភាគី។

អំពីកិច្ចសហប្រតិបត្តិការនៅក្នុងបណ្តាវិស័យជាក់ស្តែង រដ្ឋមន្ត្រី លោក Le Hoai Trung បានឱ្យដឹងថា វៀតណាមមានក្រុមអ្នកជំនាញការសម្បូរទៅដោយបទពិសោធន៍នៅក្នុងវិស័យកសិកម្ម ការអប់រំព្រមទាំងសុខាភិបាល។ បណ្តាសហគ្រាសវៀតណាមក៏មានបទពិសោធន៍វិនិយោគនៅក្នុងបណ្តាវិស័យធ្វើអាជីវកម្មរ៉ែ ទូរគមនាគមន៍ព្រមទាំងការធ្វើអាជីវកម្មប្រេងកាតនៅឯអាហ្វ្រិកផងដែរ។ នេះគឺជាបណ្តាប្រៀបខ្លាំងដែលភាគីទាំងពីរអាចទាញយកផលក្នុងគោលបំណងពង្រីកកិច្ចសហប្រតិបត្តិការព្រមទាំងនាំមកនូវបណ្តាលទ្ធផលជាក់ស្តែង។

សម្តែងនូវក្តីរីករាយនៅក្នុងលើកដំបូងបំផុតដែលបានមកបំពេញទស្សនកិច្ចនៅវៀតណាម រដ្ឋមន្ត្រីព្រមទាំងជាអគ្គលេខាធិការរដ្ឋាភិបាលម៉ូរីតានី លោក Moctar Al Housseynou Lam បានពាំនាំសាររបស់ប្រធានាធិបតីម៉ូរីតានី លោក Mohamed Ould Ghazouani ជូនចំពោះអគ្គលេខាធិការនិងជាប្រធានរដ្ឋ លោក To Lam ទន្ទឹមនឹងនោះបានថ្លែងអំណរគុណចំពោះការទទួលស្វាគមន៍យ៉ាងសមរម្យ យ៉ាងជិតស្និទ្ធពីភាគីវៀតណាម។

សមាជិកការិយាល័យនយោបាយព្រមទាំងជារដ្ឋមន្ត្រីការបរទេស លោក Le Hoai Trung ខាងស្តាំ ទទួលស្វាគមន៍រដ្ឋមន្ត្រីព្រមទាំងជាអគ្គលេខាធិការរដ្ឋាភិបាលម៉ូរីតានី លោក Moctar Al Housseynou Lam។

លោក Moctar Al Housseynou Lam បានសម្តែងនូវការចាប់អារម្មណ៍យ៉ាងជ្រាលជ្រៅចំពោះមុខបណ្តាស្នាដៃអភិវឌ្ឍន៍សេដ្ឋកិច្ច - សង្គមរបស់វៀតណាម វាយតម្លៃខ្ពស់ការសម្របសម្រួលរវាងប្រទេសទាំងពីរនៅឯបណ្តាវេទិកាពហុភាគីព្រមទាំងបានអះអាងថា ម៉ូរីតានីតែងតែចាត់ទុកជាសំខាន់ទំនាក់ទំនងជាមួយនិងវៀតណាម។ លោកជឿជាក់យ៉ាងមុតមាំថា ដំណើរទស្សនកិច្ចលើកនេះនឹងរួមចំណែកបើកចេញនូវដំណាក់កាលអភិវឌ្ឍន៍ថ្មីនៅក្នុងទំនាក់ទំនងទ្វេភាគី។

ឯកភាពជាមួយនិងបណ្តាសំណើរបស់រដ្ឋមន្ត្រី លោក Le Hoai Trung រដ្ឋមន្ត្រីព្រមទាំងជាអគ្គលេខាធិការរដ្ឋាភិបាលម៉ូរីតានីបានឱ្យដឹងថា នឹងផ្លាស់ប្តូរមតិជាមួយនិងបណ្តាក្រសួង ស្ថាប័នពាក់ព័ន្ធ ជាពិសេសគឺក្រសួងការបរទេសម៉ូរីតានី ក្នុងគោលបំណងបង្កើនការសម្របសម្រួលជាមួយនិងភាគីវៀតណាម ឆ្ពោះទៅរកបណ្តាលទ្ធផលសហប្រតិបត្តិការជាក់ស្តែង។

ចេញពីចំណុចដូចគ្នានៅពេលដែលវៀតណាមព្រមទាំងម៉ូរីតានីសុទ្ធសឹងតែជាបណ្តាប្រទេសដែលមានខ្សែឆ្នេរសមុទ្រវែង លោក Moctar Al Housseynou Lam បានស្នើឱ្យភាគីទាំងពីរស្រាវជ្រាវលទ្ធភាពសហប្រតិបត្តិការអភិវឌ្ឍន៍ការចិញ្ចឹមវារីវប្បកម្មទៅតាមទិសដៅប្រកបដោយចីរភាព។

ភាគីទាំងពីរ៏បានឯកភាពបន្តបង្កើនការសម្របសម្រួលនៅឯបណ្តាវេទិកាពហុភាគី នៅក្នុងនោះមានសហគមន៍ប្រើប្រាស់ភាសាបារាំង ជម្រុញកិច្ចសហប្រតិបត្តិការជាមួយនិងបណ្តាអង្គការតំបន់ដូចជាអាស៊ានព្រមទាំងសហភាពអាហ្វ្រិក AU ចេញពីទីនោះរួមចំណែកចូលទៅក្នុងសន្តិភាព ស្ថិតស្ថេរភាពព្រមទាំងការអភិវឌ្ឍន៍នៅឯតំបន់នីមួយៗក៏ដូចជាជុំវិញពិភពលោក៕

វៀតណាមស្វែងរកឱកាសដើម្បីបង្កើនការនាំចូលផលិតផលកសិកម្ម ព្រៃឈើ និងនេសាទពីសហរដ្ឋអាមេរិក យុគសម័យ - ចាប់ពីថ្ងៃទី ២ ដល់ថ្ងៃទី ៧ ខែមិថុនា រដ្ឋមន្ត្រីក្រសួងកសិកម្ម និងបរិស្ថាន លោក Do Duc Duy បានដឹកនាំគណៈប្រតិភូស្ថាប័ន សហគ្រាស និងសមាគមជិត ៥០ នៃកសិផលវៀតណាមទៅទស្សនា ធ្វើការ និងស្វែងរកឱកាសជំរុញពាណិជ្ជកម្ម និងនាំចូលផលិតផលកសិកម្ម រុក្ខាប្រមាញ់ និងនេសាទពីសហរដ្ឋអាមេរិក។

វៀតណាមនៅក្រៅប្រទេសរួមចំណែកជំរុញការនាំចេញកសិផលរបស់វៀតណាម យុគសម័យ - នៅព្រឹកថ្ងៃទី២៧ ខែមេសា នៅខេត្តខាញ់ហ័រ បានរៀបចំសន្និសីទបូកសរុបរយៈពេល៥ឆ្នាំនៃការអនុវត្តគម្រោង “កៀងគរប្រជាជនវៀតណាមនៅក្រៅប្រទេស ចូលរួមការណែនាំ ប្រើប្រាស់ផលិតផល និងបណ្តាញចែកចាយទំនិញវៀតណាមនៅក្រៅប្រទេស ដំណាក់កាល២០២០-២០២៤” យោងតាមសេចក្តីសម្រេចលេខ ១៧៩៧/QD-១៩ ចុះថ្ងៃទី២០ ខែធ្នូ របស់នាយករដ្ឋមន្ត្រី។ សន្និសីទនេះត្រូវបានរៀបចំឡើងដោយគណៈកម្មាធិការរដ្ឋទទួលបន្ទុកជនវៀតណាមនៅឯបរទេស ក្រសួងការបរទេស និងគណៈកម្មាធិការប្រជាជនខេត្តខាញ់ហ័រ ដោយមានការចូលរួមពីគណៈប្រតិភូជិត២៥០នាក់ ទាំងផ្ទាល់ និងតាមអ៊ីនធឺណិត។

ឌឹកអាញ់

thoidai.com.vn