ការបំពេញឱ្យពេញលេញនូវរបៀងគតិយុត្ត ដើម្បីអភិវឌ្ឍន៍សេដ្ឋកិច្ចសមុទ្រប្រកបដោយចីរភាព

យោងតាមសេចក្តីថ្លែងហេតុរបស់ក្រសួងកសិកម្ម និងបរិស្ថាន ការកសាងច្បាប់ស្តីពីធនធាន បរិស្ថានសមុទ្រ និងកោះ (វិសោធនកម្ម) គឺសំដៅបង្កើនភាពពេញលេញនៃគោលនយោបាយ និងច្បាប់ស្តីពីការគ្រប់គ្រងធនធានបែបសរុប ការការពារបរិស្ថាន ការគ្រប់គ្រង និងការប្រើប្រាស់លំហសមុទ្រ; លើកកម្ពស់ប្រសិទ្ធភាពនៃការទាញយក និងប្រើប្រាស់ធនធាន; ជំរុញការអភិវឌ្ឍសេដ្ឋកិច្ចសមុទ្រតាមទិសដៅទំនើប ព្រមៗគ្នា និងមានភាពអាចអនុវត្តបាន។ គម្រោងច្បាប់នេះ ក៏រួមចំណែកធ្វើស្ថាប័ននីយកម្មនូវរាល់គោលការណ៍របស់បក្ស គោលនយោបាយរបស់រដ្ឋ និងធ្វើនីត្យានុកូលកម្មផ្ទៃក្នុងនូវរាល់ការសន្យាអន្តរជាតិអំពីសមុទ្រ និងមហាសមុទ្រ សំដៅទៅរកគោលដៅធ្វើឱ្យវៀតណាមក្លាយជាប្រទេសខ្លាំងខាងសមុទ្រ និងមានបានពីសមុទ្រ។

ការវិសោធនកម្មច្បាប់នេះ ក៏សំដៅបង្កើតនូវរបៀងគតិយុត្តឱ្យបានពេញលេញ និងឯកភាពជាមួយនឹងប្រព័ន្ធច្បាប់នាពេលបច្ចុប្បន្ន; កែសម្រួលស្ថានភាពត្រួតស៊ីគ្នា ជម្លោះ និងការស្ទួនគ្នារវាងបណ្តាបទបញ្ញត្តិ; លុបបំបាត់រាល់របាំងផ្នែកស្ថាប័ន និងបំពេញបន្ថែមនូវចន្លោះប្រហោងគតិយុត្តដែលនៅសេសសល់។ តាមរយៈនោះ ធានាបាននូវការគ្រប់គ្រង ការទាញយក និងការប្រើប្រាស់ធនធានសមុទ្រប្រកបដោយសមហេតុផល ប្រសិទ្ធភាព និងចីរភាព; លើកកម្ពស់សមត្ថភាពអភិបាលកិច្ចមហាសមុទ្រ និងការត្រួតពិនិត្យហានិភ័យបរិស្ថានសមុទ្រក្នុងរយៈពេលវែង។

ទន្ទឹមនឹងនោះ គម្រោងច្បាប់នេះឆ្ពោះទៅរកការបង្កើនការការពារបរិស្ថាន ការអភិរក្សជីវចម្រុះ និងប្រព័ន្ធអេកូឡូស៊ីសមុទ្រ និងកោះ; ម្ចាស់ការបន្សាំទៅនឹងការប្រែប្រួលអាកាសធាតុ និងការឡើងកម្ពស់ទឹកសមុទ្រ; កសាងបរិស្ថានគតិយុត្តប្រកបដោយតម្លាភាព ស្ថិរភាព និងអំណោយផលសម្រាប់ប្រជាពលរដ្ឋ សហគ្រាស និងបណ្តាអង្គភាពដែលចូលរួមក្នុងការទាញយក និងប្រើប្រាស់លំហសមុទ្រ។

បណ្តាគោលនយោបាយដែលបានកសាងឡើង គឺផ្តោតលើគោលដៅសំខាន់ៗមួយចំនួនដូចជា៖ បំពេញឱ្យពេញលេញនូវស្ថាប័នគ្រប់គ្រងធនធាន បរិស្ថានសមុទ្រ និងកោះ; បង្កើតមូលដ្ឋានគ្រឹះគតិយុត្តដែលព្រមៗគ្នាសម្រាប់អភិវឌ្ឍន៍សេដ្ឋកិច្ចសមុទ្រប្រកបដោយចីរភាព; កសាងយន្តការផ្តល់អាទិភាព និងការគាំទ្រពិសេសដែលមានលក្ខណៈទម្លាយភាពទាល់ច្រក ដើម្បីជំរុញសកម្មភាពសេដ្ឋកិច្ចសមុទ្រ។ គម្រោងច្បាប់នេះបានដាក់ចេញនូវតម្រូវការឱ្យមានការផ្សារភ្ជាប់ការទាញយក និងប្រើប្រាស់ធនធាន ជាមួយនឹងការការពារ ការអភិរក្ស និងការស្តារឡើងវិញនូវប្រព័ន្ធអេកូឡូស៊ី; ការប្រើប្រាស់លំហសមុទ្រមានប្រសិទ្ធភាព; លើកកម្ពស់សមត្ថភាពប្រកួតប្រជែងជាតិ ផ្សារភ្ជាប់នឹងការធានាការពារជាតិ សន្តិសុខ និងផលប្រយោជន៍ជាតិនៅលើសមុទ្រ។

ខ្លឹមសារមួយដែលគួរឱ្យកត់សម្គាល់នោះគឺ គម្រោងច្បាប់នេះតម្រង់ទិសផ្លាស់ប្តូរយ៉ាងខ្លាំងក្លាពីទស្សនទាន "ការដោះស្រាយការបំពុល" ទៅជា "ការម្ចាស់ការបង្ការ និងគ្រប់គ្រងហានិភ័យ"។ យោងតាមនោះ បណ្តាបទបញ្ញត្តិគឺផ្តោតលើការលើកកម្ពស់ប្រសិទ្ធភាពការពារបរិស្ថានសមុទ្រ; បង្កើនការបង្ការ ត្រួតពិនិត្យ និងកែសម្រួលការបំពុល; ការអភិរក្សជីវចម្រុះ និងប្រព័ន្ធអេកូឡូស៊ីតំបន់ឆ្នេរដែលងាយរងគ្រោះ។

គម្រោងច្បាប់នេះ ក៏ឆ្ពោះទៅរកការជំរុញកំណែទម្រង់នីតិវិធីរដ្ឋបាល កាត់បន្ថយរាល់បទបញ្ញត្តិដែលមិនចាំបាច់ បង្កើនការតភ្ជាប់នីតិវិធីក្នុងវិស័យសមុទ្រ និងកោះ ដើម្បីបង្កលក្ខណៈងាយស្រួលដល់ប្រជាពលរដ្ឋ និងសហគ្រាស។

នៅក្នុងកិច្ចប្រជុំ បណ្តាតំណាងបានផ្តោតលើការផ្តល់មតិដើម្បីបំពេញឱ្យពេញលេញនូវក្រុមគោលនយោបាយធំៗចំនួន ៤ រួមមាន៖ បំពេញឱ្យពេញលេញនូវបទបញ្ញត្តិស្តីពីការគ្រប់គ្រង និងការប្រើប្រាស់លំហសមុទ្រ ផ្សារភ្ជាប់នឹងការបែងចែកការទទួលខុសត្រូវឱ្យបានច្បាស់លាស់ និងធានាការពារជាតិ សន្តិសុខ; បំពេញឱ្យពេញលេញនូវបទបញ្ញត្តិស្តីពីសិទ្ធិ និងកាតព្វកិច្ចរបស់អង្គការ និងបុគ្គលដែលប្រើប្រាស់តំបន់សមុទ្រ; បង្កើនការត្រួតពិនិត្យការបំពុលបរិស្ថានសមុទ្រ និងកោះ; កសាងយន្តការផ្តល់អាទិភាព និងការគាំទ្រពិសេស ដើម្បីជំរុញការអភិវឌ្ឍសេដ្ឋកិច្ចសមុទ្រ។

ការបំពេញឱ្យពេញលេញនូវរបៀងគតិយុត្ត ដើម្បីអភិវឌ្ឍន៍សេដ្ឋកិច្ចសមុទ្រប្រកបដោយចីរភាព

ការជំរុញវិមជ្ឈការ និងកំណែទម្រង់នីតិវិធីក្នុងគ្រប់គ្រងសមុទ្រ

ថ្លែងមតិបូកសរុបកិច្ចប្រជុំ អនុរដ្ឋមន្ត្រី លោក Nguyen Thanh Tu បានស្នើឱ្យបន្តពិនិត្យមើលវិសាលភាពនៃបទបញ្ញត្តិ ធានាឱ្យមានភាពឯកភាពនៃបច្ចេកសព្ទរវាងឈ្មោះច្បាប់ និងខ្លឹមសារគោលនយោបាយ ដើម្បីជៀសវាងការត្រួតស៊ីគ្នា ឬការចន្លោះប្រហោងបទបញ្ញត្តិ។ អនុរដ្ឋមន្ត្រីបានសង្កត់ធ្ងន់ថា សេចក្តីព្រាងច្បាប់ត្រូវតែប្រកាន់ខ្ជាប់នូវបណ្តាសេចក្តីសម្រេចចិត្ត និងសេចក្តីសន្និដ្ឋានរបស់មជ្ឈិម; បញ្ជាក់ឱ្យច្បាស់នូវការផ្ទេរសិទ្ធិ (វិមជ្ឈការ) រវាងថ្នាក់មជ្ឈិម និងមូលដ្ឋាន ក្នុងការគ្រប់គ្រងលំហសមុទ្រ និងការត្រួតពិនិត្យការបំពុល; ទន្ទឹមនឹងនោះ ត្រូវបង្ហាញឱ្យឃើញច្បាស់នូវតម្រូវការកំណែទម្រង់នីតិវិធីរដ្ឋបាល កាត់បន្ថយលក្ខខណ្ឌវិនិយោគអាជីវកម្ម ដើម្បីដោះស្រាយការលំបាកជូនដល់សហគ្រាស។

ចំពោះបណ្តាយន្តការផ្តល់អាទិភាព និងការគាំទ្រពិសេស អនុរដ្ឋមន្ត្រីយល់ឃើញថា នេះគឺជាខ្លឹមសារដែលមានលក្ខណៈទម្លាយភាពទាល់ច្រក ប៉ុន្តែការរៀបចំគោលនយោបាយត្រូវតែធានាឱ្យស្របតាមក្របខ័ណ្ឌច្បាប់នាពេលបច្ចុប្បន្ន ជាពិសេសគឺក្នុងវិស័យពន្ធដារ និងថវិកា។ ក្នុងករណីស្នើឡើងនូវយន្តការដែលលើសពីសមត្ថកិច្ច គឺត្រូវរាយការណ៍ជូនថ្នាក់មានសមត្ថកិច្ចដើម្បីពិនិត្យ និងសម្រេច។

ស្ដីពីភាពឯកភាពនៃច្បាប់ និងភាពស៊ីសង្វាក់ជាមួយអន្តរជាតិ សេចក្តីព្រាងច្បាប់ត្រូវតែមានភាពព្រមៗគ្នាជាមួយបណ្តាច្បាប់ពាក់ព័ន្ធ ដូចជា៖ ច្បាប់ព្រំដែនជាតិ, ច្បាប់ការពារបរិស្ថាន, ច្បាប់ភូមិបាល, ច្បាប់ជលផល, ច្បាប់ថវិការដ្ឋ និងបណ្តាច្បាប់ពន្ធដារ; ព្រមទាំងធានានូវការអនុវត្តតាមអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS 1982 )។

ពាក់ព័ន្ធនឹងវិស័យការពារជាតិ សន្តិសុខ និងប្រភពធនធានអនុវត្ត អនុរដ្ឋមន្ត្រីបានតម្រូវឱ្យបញ្ជាក់ច្បាស់នូវសិទ្ធិ និងកាតព្វកិច្ចរបស់បណ្តាអង្គភាពដែលចូលរួមក្នុងការទាញយក និងប្រើប្រាស់លំហសមុទ្រ ដោយធានាមិនឱ្យប៉ះពាល់ដល់អធិបតេយ្យភាពជាតិ; ព្រមទាំងវាយតម្លៃឱ្យបានគ្រប់ជ្រុងជ្រោយនូវផលប៉ះពាល់លើកម្លាំងពលកម្ម និងហិរញ្ញវត្ថុ ជាពិសេសក្នុងបរិបទនៃការអភិវឌ្ឍបណ្តាវិស័យសេដ្ឋកិច្ចសមុទ្រថ្មីៗ។

ក្រុមប្រឹក្សាវាយតម្លៃបានឯកភាពនឹងរាយការណ៍ជូនរដ្ឋាភិបាល បន្ទាប់ពីស្ថាប័នរៀបចំសេចក្តីព្រាងច្បាប់បានទទួលយកមតិ និងបំពេញសំណុំឯកសារឱ្យបានពេញលេញ។ ចំណុចផ្តោតនៃការកែសម្រួលរួមមាន៖ បំពេញឱ្យពេញលេញនូវវិសាលភាពនៃបទបញ្ញត្តិផ្សារភ្ជាប់នឹងគំរូអភិបាលកិច្ចទំនើប; ធានាឱ្យស្របតាមគោលការណ៍វិមជ្ឈការ និងកំណែទម្រង់នីតិវិធីរដ្ឋបាល; ធានាភាពឯកភាពនៃប្រព័ន្ធច្បាប់ ជាពិសេសក្នុងវិស័យហិរញ្ញវត្ថុ; ដោះស្រាយរាល់បញ្ហាកកស្ទះក្នុងអនុវត្តជាក់ស្តែង; និងបំពេញសំណុំឯកសារជាមួយនឹងទិន្នន័យ និងមូលដ្ឋានគតិយុត្តឱ្យបានគ្រប់គ្រាន់ និងត្រឹមត្រូវ។

នៅពេលបញ្ចប់កិច្ចប្រជុំ អនុរដ្ឋមន្ត្រី លោក Nguyen Thanh Tu បានស្នើឱ្យស្ថាប័នរៀបចំសេចក្តីព្រាងច្បាប់ ទទួលយកមតិចូលរួមយ៉ាងម៉ឺងម៉ាត់ សម្របសម្រួលយ៉ាងជិតស្និទ្ធជាមួយបណ្តាក្រសួង ស្ថាប័ន និងអ្នកជំនាញ ដើម្បីបន្តបំពេញឱ្យពេញលេញនូវគម្រោងច្បាប់នេះ ធានាបាននូវភាពអាចអនុវត្តបាន ភាពព្រមៗគ្នា និងប្រសិទ្ធភាពនៅពេលត្រូវបានដាក់ចេញឱ្យប្រើប្រាស់ជាផ្លូវការ៕

វៀតណាមមានយុទ្ធសាស្ត្រជាតិស្តីពីការបង្កើតថ្មីប្រកបដោយការច្នៃប្រឌិត ជាលើកដំបូង យុគសម័យ - រដ្ឋាភិបាលទើបតែបានចេញផ្សាយសេចក្តីសម្រេចលេខ ៨៦/NQ-CP ស្តីពីយុទ្ធសាស្ត្រជាតិស្តីពីការបង្កើតថ្មីប្រកបដោយការច្នៃប្រឌិត។ យោងតាមក្រសួងវិទ្យាសាស្ត្រ និងបច្ចេកវិទ្យា នេះគឺជាលើកដំបូងហើយដែលវៀតណាមបានចេញផ្សាយយុទ្ធសាស្ត្រជាតិដាច់ដោយឡែកមួយ ស្តីពីការបង្កើតថ្មីប្រកបដោយការច្នៃប្រឌិត។

ការតភ្ជាប់ពាណិជ្ជកម្មរវាងសហគ្រាសទេសចរណ៍វៀតណាម និងអន្តរជាតិ យុគសម័យ - នាថ្ងៃទី៩ ខែមេសា នៅទីក្រុងហាណូយ សមាគមទេសចរណ៍វៀតណាម បានរៀបចំពិធីបើកកម្មវិធីតភ្ជាប់ពាណិជ្ជកម្មរវាងសហគ្រាសទេសចរណ៍វៀតណាម និងអន្តរជាតិ (B2B)។ នេះគឺជាព្រឹត្តិការណ៍ដ៏សំខាន់មួយ ស្ថិតក្នុងខ្សែសង្វាក់នៃសកម្មភាពនៃពិព័រណ៍ទេសចរណ៍អន្តរជាតិ VITM 2026 ដែលជាពិព័រណ៍ទេសចរណ៍អន្តរជាតិលើកទី១៥ រៀបចំឡើងដោយសមាគមទេសចរណ៍វៀតណាម។

ឌឹកអាញ់

thoidai.com.vn