ប្រធានរដ្ឋវៀតណាម អញ្ជើញទទួលជួបជាមួយថ្នាក់ដឹកនាំនិងកម្មាភិបាលនៃស្ថាប័នតំណាងវៀតណាមនៅសហរដ្ឋអាមេរិក

ខេត្ត Kom Tum (វៀតណាម) បំផុសចលនាប្រឡងប្រណាំង បំពេញភារកិច្ចល្អសម្រាប់ត្រៀមរៀបចំជំនួបប្រាស្រ័យមិត្ដភាពការពារជាតិព្រំដែនវៀតណាម ឡាវ និងកម្ពុជា

ម្ហូបវៀតណាមកំពុងពេញនិយមនៅឯពិព័រណ៍សប្បុរសធម៌ WIC ៥៤

ប្រធានរដ្ឋវៀតណាម អញ្ជើញទទួលជួបជាមួយថ្នាក់ដឹកនាំនិងកម្មាភិបាលនៃស្ថាប័នតំណាងវៀតណាមនៅសហរដ្ឋអាមេរិក

ក្នុងជំនួបទាំងនេះ ប្រធានរដ្ឋលោក Vo Van Thuong បានចាត់ទុកថា នាពេលថ្មីៗនេះ សកម្មភាពកិច្ចការបរទេសរបស់វៀតណាមប្រព្រឹត្តទៅយ៉ាងរស់រវើកនិងមានប្រសិទ្ធភាព លើកកំពស់តួនាទី ឋានៈ និងកិត្យានុភាពរបស់វៀតណាមនៅលើឆាកអន្តរជាតិ រួមចំណែកយ៉ាងសំខាន់ក្នុងការជំរុញការអភិវឌ្ឍប្រទេសជាតិ។ សមិទ្ធិផលទាំងនោះមានការរួមវិភាគទានសំខាន់ៗពីវិស័យការទូត ក្នុងនោះមានស្ថាប័នតំណាងការទូតវៀតណាមប្រចាំនៅសហរដ្ឋអាមេរិកផងដែរ។ ដោយសង្កត់ធ្ងន់លើការតភ្ជាប់រវាងធុរកិច្ចនិងមូលដ្ឋានដែលជាកត្តារួមចំណែកដល់ការសម្រេចបានរាល់ការប្តេជ្ញាចិត្ត ប្រធានរដ្ឋលោក Vo Van Thuong បានមានប្រសាសន៍ថា៖

“ការលើកកម្ពស់ទំនាក់ទំនងវៀតណាម-អាមេរិកទៅជាភាពជាដៃគូយុទ្ធសាស្ត្រលើគ្រប់ជ្រុងជ្រោយនាំមកនូវឱកាសដ៏ធំធេងសម្រាប់កិច្ចសហប្រតិបត្តិការរវាងប្រទេសទាំងពីរលើវិស័យសេដ្ឋកិច្ច ពាណិជ្ជកម្ម វិនិយោគ អប់រំ វិទ្យាសាស្ត្រ ផលិតកម្ម និងការចូលរួមក្នុងខ្សែសង្វាក់ផ្គត់ផ្គង់ទំនិញគុណភាពខ្ពស់។ យ៉ាងណាមិញ ពីការប្តេជ្ញាចិត្តទៅដល់ការអនុវត្តជាក់ស្តែង គឺត្រូវឆ្លងកាត់ដំណើរការមួយដែរ។ អាស្រ័យហេតុនេះ លោកប្រធានរដ្ឋសង្ឃឹមថា ស្ថានទូត និងស្ថាប័នតំណាងវៀតណាមប្រចាំនៅសហរដ្ឋអាមេរិកនឹងខិតខំប្រឹងប្រែងដើម្បីសម្រេចបាននូវកិច្ចព្រមព្រៀងសហប្រតិបត្តិការនាពេលឆាប់ៗនេះ”។

ប្រធានរដ្ឋ Vo Van Thuong បានស្នើថា គណៈប្រតិភូអចិន្ត្រៃយ៍វៀតណាមប្រចាំអង្គការសហប្រជាជាតិ បន្តពង្រីកទំនាក់ទំនងរបស់វៀតណាមជាមួយសហគមន៍អន្តរជាតិ ពង្រឹងការបង្កើតដៃគូសហប្រតិបត្តិការ និងលើកកំពស់គោលជំហរ និងកិត្យានុភាពអន្តរជាតិរបស់វៀតណាម។ លោកប្រធានរដ្ឋក៏បានស្នើឲ្យអគ្គកុងស៊ុលជម្រុញកិច្ចសហប្រតិបត្តិការរវាងមូលដ្ឋានវៀតណាម និងមូលដ្ឋានអាមេរិក ជម្រុញអាណិកជនវៀតណាមមកបណ្តាក់ទុននៅស្រុកកំណើត។ សម្រាប់កិច្ចការជនវៀតណាមនៅអាមេរិក ត្រូវខិតខំប្រឹងប្រែងផ្សព្វផ្សាយ និងផ្លាស់ប្តូរមតិដើម្បីឱ្យប្រជាជនវៀតណាមនៅអាមេរិកយល់ច្បាស់ និងត្រឹមត្រូវអំពីស្ថានភាពជាក់ស្តែងនៅវៀតណាម និងបញ្ហាសុខដុមរមនាជាតិនៅវៀតណាម នាពេលបច្ចុប្បន្ន ផងដែរ៕