ខេត្តព្រះសីហនុ៖ អបអរសាទរខួបលើកទី៧៨ នៃទិវាបុណ្យឯករាជ្យជាតិវៀតណាម

កម្ពុជាវាយតម្លៃខ្ពស់ចំពោះសមិទ្ធផលក្នុងការអភិវឌ្ឍរបស់វៀតណាម និងទំនាក់ទំនងមិត្តភាពទ្វេភាគី

ក្រសួងទេសចរណ៍កំពុងសិក្សាបង្កើត សួនទេសចរណ៍តេជោ Westerdam នៅខេត្តព្រះសីហនុ

លោក Lai Xuan Chien អគ្គកុងស៊ុលវៀតណាមប្រចាំខេត្តព្រះសីហនុ។

អញ្ជើញចូលរួមក្នុងពិធីនេះ មានតំណាងអាជ្ញាធរបណ្តា​ខេត្តនៅតំបន់កុងស៊ុល កងកម្លាំងប្រដាប់អាវុធដែលឈរជើងនៅតំបន់ តំណាងប្រជាជនដើមកំណើតវៀតណាម អង្គភាពអាជីវកម្ម និងមិត្តភ័ក្តិកម្ពុជា និងវៀតណាមជាច្រើននាក់ ដែលមានទំនាក់ទំនងយ៉ាងជិតស្និទ្ធអស់រយៈពេលជាច្រើនឆ្នាំ។

ថ្លែងមតិក្នុងពិធីនេះ លោក Lai Xuan Chien អគ្គកុងស៊ុលវៀតណាមប្រចាំខេត្តព្រះសីហនុបានលើកឡើងអំពីសារៈសំខាន់ជាប្រវត្តិសាស្ត្រនៃព្រឹត្តិការណ៍ថ្ងៃទី ២ ខែកញ្ញា ឆ្នាំ ១៩៤៥ នៅពេលដែលលោកប្រធានហូជីមិញបានអានសេចក្តីប្រកាសឯករាជ្យ ចាប់បដិសន្ធិសាធារណរដ្ឋប្រជាធិបតេយ្យវៀតណាម ដែលបច្ចុប្បន្នជាសាធារណរដ្ឋសង្គមនិយមវៀតណាម។

លោក គួច ចំរើន អភិបាលខេត្តព្រះសីហនុ ថ្លែងសុន្ទរកថាអបអរសាទរទិវាបុណ្យឯករាជ្យជាតិវៀតណាម។

“ក្នុងរយៈពេល ៧៨ ឆ្នាំកន្លងមក ក្រោមការដឹកនាំរបស់បក្សកុម្មុយនិស្តវៀតណាម ប្រជាជនវៀតណាមសម្រេចបានសមិទ្ធិផលធំៗជាច្រើន ជានិច្ចកាលប្រកាន់ខ្ជាប់នូវគោលមាគ៌ាឯករាជ្យ ស្វ័យភាព សន្តិភាព មិត្តភាព កិច្ចសហប្រតិបត្តិការ និងការអភិវឌ្ឍ ពហុភាគី ពិពិធកម្ម សមាហរណកម្មយ៉ាងស៊ីជម្រៅទៅក្នុងតំបន់ និងពិភពលោក។ បច្ចុប្បន្ននេះ វៀតណាមគឺជាគោលដៅដែលត្រូវបានចាប់អារម្មណ៍យ៉ាងខ្លាំងពីសំណាក់អ្នកវិនិយោគ និងភ្ញៀវទេសចរមកពីប្រទេសជាច្រើន”។

លោក គួច ចំរើន អភិបាលខេត្តព្រះសីហនុ អញ្ជើញជូនផ្កាអបអរទិវា បុណ្យឯករាជ្យជាតិវៀតណាម

ទាក់ទិននឹងទំនាក់ទំនងរវាងវៀតណាម និងកម្ពុជា លោក Lai Xuan Chien បានមានប្រសាសន៍ថា ក្នុងរយៈពេលកន្លងមក ប្រទេសទាំងពីរតែងតែរក្សាទំនាក់ទំនងសហប្រតិបត្តិការយ៉ាងជិតស្និទ្ធ រួមដៃគ្នាជំនះរាល់ការលំបាកក្នុងបរិបទនៃស្ថានភាពពិភពលោក និងតំបន់ជាមួយនឹងការអភិវឌ្ឍន៍ស្មុគស្មាញជាច្រើន។

ជាការឆ្លើយតប តាងនាមអាជ្ញាធរ កងកម្លាំងប្រដាប់អាវុធ និងប្រជាពលរដ្ឋក្នុងមូលដ្ឋាន លោក គួច ចំរើន អភិបាលខេត្តព្រះសីហនុ បានសម្តែងការអបអរសាទរ និងផ្ញើសារជូនពរចំពោះថ្នាក់ដឹកនាំបក្ស រដ្ឋ កងកម្លាំងប្រដាប់អាវុធ និងប្រជាជនវៀតណាម ជូនពរសុខភាពល្អ និងជោគជ័យក្នុងឱកាសខួប​លើកទី៧៨ នៃទិវាបុណ្យឯករាជ្យជាតិវៀត​ណាម ។

លោក គួច ចំរើន បានសម្តែងនូវសេចក្តីរីករាយ និងមោទនភាពចំពោះប្រពៃណីនៃសាមគ្គីភាព និងការជួយគ្នាទៅវិញទៅមករវាងប្រជាជនទាំងពីរ។ អាស្រ័យលើនោះ ទំនាក់ទំនង “ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការលើគ្រប់ជ្រុងជ្រោយ ស្ថិរភាពយូរអង្វែង” បាននាំមកនូវផលប្រយោជន៍ជាក់ស្តែងដល់ប្រជាជនកម្ពុជា និងវៀតណាម៕

យោងតាមកាសែតកងទ័ពប្រជាជន