យុគសម័យ - នេះជាការលើកឡើងរបស់លោក Park Hang-seo អតីតគ្រូបង្វឹកក្រុមបាល់ទាត់ជម្រើសជាតិវៀតណាម ពេលដែលលោកទទួលបានមេដាយ “ដើម្បីសន្តិភាព និងមិត្តភាពក្នុងចំណោមប្រជាជាតិ” ដែលគឺជា ពានរង្វាន់ខ្ពស់បំផុតរបស់សហភាពអង្គការមិត្តភាពវៀតណាម (VUFO) នាថ្ងៃទី ៩ ឧសភា នៅទីក្រុងហាណូយ។ ពានរង្វាន់នេះគឺដើម្បីគោរពការយកចិត្តទុកដាក់របស់លោកចំពោះវិស័យបាល់ទាត់វៀតណាម និងចំណងមិត្តភាព និងកិច្ចសហប្រតិបត្តិការរវាងប្រជាជនវៀតណាម និងកូរ៉េ។
 អ្នកអាចផឹកកាហ្វេបណ្តើរមើលព្រះអាទិត្យលិចបណ្តើរ នៅផាក កាហ្វេ (Park Café) ខេត្តកំពត |
 ព្រៃឬស្សីពក Na Hang Tua Chu ដែលជាគោដៅទេសចថ្មីនៅពេលមកដល់ទីរួមស្រុក Mu Cang Chai |
 |
| ប្រធាន VUFO Nguyen Phuong Nga ប្រគល់មេដាយ “ដើម្បីសន្តិភាព និងមិត្តភាពក្នុងចំណោមប្រជាជាតិ” ជូនលោក Park Hang-seo |
តាមលោក Park Hang-seo នេះគឺជាព្រឹត្តិការណ៍ដ៏មានអត្ថន័យជ្រាលជ្រៅដើម្បីរឹតចំណងមិត្តភាពរវាងវៀតណាមនិងកូរ៉េឱ្យកាន់តែរឹងមាំថែមទៀត។
ពេលទទួលតួនាទីជាគ្រូបង្វឹកក្រុមបាល់ទាត់ជម្រើសជាតិវៀតណាម គាត់គ្រាន់តែគិតថា ការងារទាំងអស់កើតចេញពីក្តីស្រលាញ់បាល់ទាត់ ហើយក៏ជាកាតព្វកិច្ចដែលត្រូវអនុវត្តផងដែរ។ ការទទួលបានមេដាយ "ដើម្បីសន្តិភាព និងមិត្តភាពក្នុងចំណោមប្រជាជាតិ" គាត់ពិតជាមានកិត្តិយស និងមោទនភាពខ្លាំងណាស់។
ថ្លែងមតិក្នុងពិធីប្រគល់រង្វាន់ ឯកអគ្គរដ្ឋទូត Nguyen Phuong Nga ប្រធាន VUFO បានឲ្យដឹងថា ទំនាក់ទំនងមិត្តភាព និងកិច្ចសហប្រតិបត្តិការរវាងវៀតណាម និងកូរ៉េមានការរីកចម្រើនយ៉ាងខ្លាំងក្លាក្នុងប៉ុន្មានឆ្នាំថ្មីៗនេះ។ ប្រទេសទាំងពីរទើបតែបានប្រារព្ធខួបលើកទី ៣០ នៃការបង្កើតទំនាក់ទំនងការទូត ហើយក្នុងដំណើរទស្សនកិច្ចនៅកូរ៉េរបស់ប្រធានាធិបតីវៀតណាមក្នុងខែធ្នូ ឆ្នាំ ២០២២ ទំនាក់ទំនងរវាងប្រទេសទាំងពីរត្រូវបានលើកកំពស់ទៅជាភាពជាដៃគូយុទ្ធសាស្ត្រគ្រប់ជ្រុងជ្រោយ។
ទំនាក់ទំនងវៀតណាម-កូរ៉េបានក្លាយទៅជាគំរូជោគជ័យ ដោយផ្អែកលើភាពស្មោះត្រង់ និងទំនុកចិត្តនយោបាយ; ថាមវន្តក្នុងកិច្ចសហប្រតិបត្តិការសេដ្ឋកិច្ច និងការភ្ជាប់ទំនាក់ទំនងយ៉ាងស៊ីជម្រៅក្នុងការផ្លាស់ប្តូរប្រជាជនទៅប្រជាជន។ កត្តាសំខាន់មួយដែលបង្កើតបានជាសមិទ្ធិផលទាំងនេះ គឺការរួមចំណែកដ៏សំខាន់របស់អង្គការ និងបុគ្គលនៃប្រទេសទាំងពីរ រួមទាំងលោក Park Hang-seo ផងដែរ។
ប្រធាន VUFO បានសម្តែងក្តីសង្ឃឹមថា លោក Park Hang-seo នឹងបន្តរួមចំណែកក្នុងការពង្រឹង និងអភិវឌ្ឍន៍ទំនាក់ទំនងមិត្តភាព និងកិច្ចសហប្រតិបត្តិការល្អរវាងវៀតណាម និងកូរ៉េ៕
Thoidai.com.vn
មតិពីមិត្តអ្នកអាន