ដាឡាត ជាទីក្រុងរបស់ខេត្ត ឡឹមដុង ស្ថិតនៅលើខ្ពង់រាប ឡឹមវៀន ក្នុងតំបន់ខ្ពង់រាប តីង្វៀន។ ទីក្រុង ដាឡាត់ (Da Lat) ជាល្បីដោយមានអាកាសធាតុត្រជាក់ ស្រស់បំស្អាត និងរ៉ូម៉ែនទិចដូចជាកញ្ញាម្នាក់ ប៉ុន្មានខែចុងឆ្នាំគឺជារដូវប្រាំងនៅ ដាឡាត (ខេត្ត ឡឹមដុង) បានជាធាតុអាកាសសមស្របយ៉ាងខ្លាំងសម្រាប់ការធ្វើដំណើរទេសចរណ៍ សម្រាកលម្ហែកាយ។
 ផ្ការាប់ពាន់ផ្ការីកមុនពេលបើកពិធីបុណ្យផ្កា Da Lat |
 ផ្ទាំងគំនូរជាបន្តបន្ទាប់នៅលើច្រាំងថ្ម Taluy តុបតែងក្រុង Da Lat |
ដោយមានសម្រស់ដ៏សែនមនោរម្យ លក្ខណៈមនោសញ្ចេតនាដ៏លន្លង់លន្លោចដោយមានព្រៃស្រល់ដ៏ក្រាស់ក្រៃ ដើមម៉ាក់ខៃជាជួរៗ ដ៏ស្រស់ឆើតឆាយជាមួយនឹងវត្តមាននៃរាប់រយវត្តអារាម ព្រះវិហារ មណ្ឌលសាសនា។ល។ បានបង្កើតទៅជា ដាឡាត ដ៏ដាច់ដោយឡែកមួយ។
 |
| ក្រុងតំបន់ភ្នំ ដាឡាត នៅមានវីឡាជាច្រើនជាស្ថាបត្យកម្ម បារាំង ដ៏បរមបុរាណ បង្កើតទៅជាចំណុចលេចធ្លោសម្រាប់ "ទីក្រុងបេតិកភណ្ឌ ដាឡាត" |
អញ្ជើញមកកាន់ ដាឡាត អ្នកមានគោលដៅទសចរណ៍ជាច្រើនត្រូវការរុករកស្វែងយល់។ ពីមណ្ឌលសមាធិ ទុ្រកឡឹម និវេសនដ្ឋាន បាវដាយ ទីលាន ឡឹមវៀន ជ្រលងស្នេហ៍ រហូតដល់ បឹង ស៊ន់ហឿង បឹង ថានធើ ល្បាក់ទឹកធ្លាក់ កាមលី ភ្នំ ឡាងប៊ីអាង ផ្សាររាត្រី ដាឡាត ជាដើម។
 |
| ដាឡាត ក៏ត្រូវបានប្រសិទ្ធនាមថាជាទីក្រុងនៅក្នុងព្រៃ ព្រៃនៅក្នុងទីក្រុងដោយមានសណ្ឋានដីមានកូនភ្នំតូចធំតជាប់ៗ គ្នា |
នៅទីនេះ អ្នកអាចទិញផលិតផលពិសេសប្រចាំតំបន់ ដាឡាត សម្រាប់ធ្វើជាអំណោយជូនដល់សាច់ញាតិ មិត្តភ័ក្តិ។ អំណោយពេញនិយមមួយចំនួនគឺផលិតផលកែច្នៃពីផ្លែស្ត្របឺរី ទន្លាប់ ផ្ញៀវ ស្វាយ ខ្នុរ អាទីសូចម្រាញ់ តែអាទីសូ ស្រាទំពាំងបាយជូរ កាហ្វេ ម៉ូកា គៅដឹត សម្ភារៈពីសំពត់សង្កិម សម្ភារៈពីសំពត់ឡែន។ល។
 |
| បឹង ស៊ន់ហឿង - បេះដូងរបស់ ដាឡាត ជារមណីយដ្ឋានដ៏ល្បីឈ្មោះ ទាក់ទាញភ្ញៀវទេសចរដោយមានសម្រស់ដ៏ស្រទន់ រ៉ូម៉ែនទិច |
អញ្ជើញឆៀងចូលទស្សនា ដាឡាត នាឱកាសនេះ អ្នកក៏បានគន់មើលសម្រស់ផ្កាឈូករ័ត្ន ម៉ិកស៊ិក ដ៏ស្រស់បំព្រង កូនភ្នំមានស្មៅពណ៌ផ្កាឈូកស្រស់ស្អាតប្រៀបដូចក្នុងរឿងព្រេងនិទាន។ល។ អំឡុងពេលនេះក៏ជារដូវស្លឹកម៉េផលក្រហម (Acer rubrum) ប្តូរពណ៌បន្តិចម្តងៗ ចាប់ពីពណ៌បៃតងប្តូរទៅជាពណ៌លឿងទុំ រួចប្រែទៅពណ៌ក្រហមទុំបន្តិចម្តងៗ ពេញផ្ទៃមេឃមួយជ្រុង លេចធ្លោនៅកណ្តាលព្រៃបៃតងត្រជាក់ដ៏ស្រស់ត្រកាល សមសម្រាប់អ្នកអញ្ជើញមកនិងទស្សនាកម្សាន្តណាស់៕
មតិពីមិត្តអ្នកអាន