វិស័យទេសចរណ៍សម្រេចបានជិត ៥០% នៃគោលដៅទទួលភ្ញៀវអន្តរជាតិនៅក្នុងឆ្នាំ ២០២៦

យោងតាមអគ្គនាយកដ្ឋានស្ថិតិ នៅក្នុងខែមិថុនាឆ្នាំ ២០២៦ ភ្ញៀវអន្តរជាតិមកដល់ប្រទេសយើងត្រូវបានប៉ាន់ស្មានសម្រេចបាន ១.៦៨ លានវេនមនុស្ស ថយចុះ ៥.៧% បើប្រៀបធៀបជាមួយនិងខែមុន កើនឡើង ១៤.៧% បើប្រៀបធៀបជាមួយនិងរយៈពេលដូចគ្នាកាលពីឆ្នាំមុន ត្រីមាសទី ២ ឆ្នាំ ២០២៦ ត្រូវបានប៉ាន់ស្មានសម្រេចបាន ៥.៤៩ លានវេនភ្ញៀវ ថយចុះ ១៨.៨% បើប្រៀបធៀបជាមួយនិងត្រីមាសមុននិងកើនឡើង ១៨.២% បើប្រៀបធៀបជាមួយនិងរយៈពេលដូចគ្នាកាលពីឆ្នាំមុន។ គិតជារួមប្រាំមួយខែដើមឆ្នាំ ២០២៦ ភ្ញៀវអន្តរជាតិមកដល់វៀតណាមសម្រេចបាន ១២.៣ លានវេនមនុស្ស កើនឡើង ១៤.៩% បើប្រៀបធៀបជាមួយនិង...

កម្លាំងទាក់ទាញនៃគោលដៅវៀតណាមកាន់តែមានលក្ខណៈចីរភាពឡើងពីមួយថ្ងៃទៅមួយថ្ងៃ

លទ្ធផលខាងលើនេះសម្រេចបាននៅក្នុងបរិបទដែលខែមិថុនាបន្តជារយៈពេលរដូវធ្លាក់ចុះនៃទីផ្សារភ្ញៀវអន្តរជាតិ ទន្ទឹមនឹងនោះក៏ជារំលងពេលដែលទេសចរណ៍ក្នុងស្រុកកំពុងស្ថិតក្នុងរដូវកាលកើនឡើងខ្ពស់។ រឿងនោះបានបង្ហាញឱ្យឃើញថា ការដែលនៅតែរក្សាបានបរិមាណភ្ញៀវអន្តរជាតិស្ថិតក្នុងកម្រិតជិត ១.៧ លានវេន រួមជាមួយនិងល្បឿនកំណើនចំនួនពីរខ្ទង់បានបង្ហាញឱ្យឃើញថាកម្លាំងទាក់ទាញនៃគោលដៅវៀតណាមកាន់តែមានលក្ខណៈចីរភាពឡើងពីមួយថ្ងៃទៅមួយថ្ងៃ។

ក្នុងនោះ ភ្ញៀវមកដល់តាមផ្លូវអាកាសសម្រេចបាន ១០.១ លានវេនមនុស្ស ក្តោបក្តាប់ ៨២.៦% នៃបរិមាណភ្ញៀវអន្តរជាតិមកដល់និងកើនឡើង ១១.៤% បើប្រៀបធៀបជាមួយនិងរយៈពេលដូចគ្នាកាលពីឆ្នាំមុន តាមផ្លូវគោកសម្រេចបាន ១.៩ លានវេនមនុស្ស ក្តោបក្តាប់ ១៥.៧% និងកើនឡើង ៣៧.៥% តាមផ្លូវសមុទ្រសម្រេចបាន ២០៩.០ ពាន់វេនមនុស្ស ក្តោបក្តាប់ ១.៧% និងកើនឡើង ១៥.២%។

ភ្ញៀវអន្តរជាតិទិញសំបុត្រចូលទស្សនាកេរដំណែលផ្ទះគុក Hoa Lo។

យោងតាមមជ្ឈមណ្ឌលព័ត៌មានទេសចរណ៍ (អគ្គនាយកដ្ឋានទេសចរណ៍ជាតិវៀតណាម) នៅក្នុងបរិបទដែលសេដ្ឋកិច្ចពិភពលោកនៅតែមានការលំបាកជាច្រើន ជម្លោះភូមិសាស្ត្រនយោបាយបន្តមានការវិវត្តន៍យ៉ាងស្មុគស្មាញព្រមទាំងនិន្នាការទេសចរណ៍អន្តរជាតិមានការផ្លាស់ប្តូរជាច្រើន វៀតណាមបន្តត្រូវបានវាយតម្លៃថាជាគោលដៅប្រកបដោយសុវត្ថិភាព ស្ថិរភាព សម្បូរបែបទៅដោយអត្តសញ្ញាណវប្បធម៌ មានការចំណាយប្រកួតប្រជែងព្រមទាំងគុណភាពសេវាកម្មកាន់តែត្រូវបានលើកកម្ពស់ឡើងពីមួយថ្ងៃទៅមួយថ្ងៃ។

សកម្មភាពទេសចរណ៍បន្តរក្សាបាននូវសន្ទុះកំណើនវិជ្ជមាន ដោយសារតែគោលនយោបាយទិដ្ឋាការប្រកបដោយភាពងាយស្រួល ការងារជំរុញនិងផ្សព្វផ្សាយត្រូវបានបង្កើនល្បឿនព្រមទាំងការធ្វើឱ្យមានភាពសម្បូរបែបនៃផលិតផល ការពង្រីកទីផ្សារភ្ញៀវអន្តរជាតិ។ អាស្រ័យដោយហេតុនោះ បរិមាណភ្ញៀវអន្តរជាតិមកដល់វៀតណាមបន្តកើនឡើងបើប្រៀបធៀបជាមួយនិងរយៈពេលដូចគ្នាកាលពីឆ្នាំមុន។

ចិនបន្តជាទីផ្សារបញ្ជូនភ្ញៀវធំបំផុត

អំពីទ្រង់ទ្រាយទីផ្សារ ចិនបន្តជាទីផ្សារបញ្ជូនភ្ញៀវធំបំផុតដោយសម្រេចបាន ២.៧ លានវេន បន្ទាប់មកទៀតគឺកូរ៉េខាងត្បូងដោយសម្រេចបាន ២.១៦ លានវេន។ ទីផ្សារទាំងពីរនេះនៅតែគ្របដណ្តប់ប្រហែល ៤០% នៃបរិមាណភ្ញៀវអន្តរជាតិសរុបមកដល់វៀតណាម។

យោងតាមមជ្ឈមណ្ឌលព័ត៌មានទេសចរណ៍ ទីផ្សាររុស្ស៊ីបន្តរក្សាបាននូវសន្ទុះកំណើនខ្ពស់នៅពេលសម្រេចបាន ៧៤២.៧ ពាន់វេនភ្ញៀវ កើនឡើង ១៥.% បើប្រៀបធៀបជាមួយនិងរយៈពេលដូចគ្នាកាលពីឆ្នាំមុន ឆ្លងតាមរយៈនោះរក្សាបានយ៉ាងរឹងមាំនូវទីតាំងជាទីផ្សារធំលំដាប់ទីបីនៃទេសចរណ៍វៀតណាម។

ប្រវត្តិសាស្ត្រនិងវប្បធម៌វៀតណាមតែងតែមានកម្លាំងទាក់ទាញយ៉ាងពិសេសជាមួយនិងភ្ញៀវទេសចរអន្តរជាតិ។

បណ្តាទីផ្សារធំៗបន្ទាប់ទៀតគឺតៃវ៉ាន់ (ចិន) សម្រេចបានជាង ៦៣៨ ពាន់វេន សហរដ្ឋអាមេរិកសម្រេចបានជិត ៥៣០ ពាន់វេន កម្ពុជាសម្រេចបានជាង ៥០៩ ពាន់វេន ឥណ្ឌាសម្រេចបានជាង ៤៩១ ពាន់វេននិងជប៉ុនសម្រេចបាន ៤៤២ ពាន់វេន។

ក្នុងចំណោមបណ្តាទីផ្សារនៅអាស៊ីអាគ្នេយ៍ ហ្វីលីពីននាំមុខគេអំពីល្បឿនកំណើនដោយមានកម្រិតកើនឡើង ៦៧.៦% រក្សាបាននូវទីតាំងនៅក្នុងក្រុមទីផ្សារបញ្ជូនភ្ញៀវធំបំផុតទាំង ១០ កម្ពុជាកើនឡើង ៤១.២% សិង្ហបុរីកើនឡើង ២៩.៤% ឥណ្ឌូនេស៊ីកើនឡើង ២៦.5% ម៉ាឡេស៊ីកើនឡើង ២៣.៤% ក្នុងពេលដែលថៃកើនឡើង ១០.០%។

លទ្ធផលនេះបានបង្ហាញឱ្យឃើញពីនិន្នាការកើនឡើងនៃបណ្តាដំណើរទេសចរណ៍នៅក្នុងផ្ទៃក្នុងប្លុក ASEAN រួមជាមួយនិងប្រៀបខ្លាំងអំពីចម្ងាយភូមិសាស្ត្រជិតស្និទ្ធ បណ្តាញផ្លូវហោះហើរក្រាស់ឃ្មឹកព្រមទាំងបណ្តាគោលនយោបាយបង្កើតភាពងាយស្រួលក្នុងការធ្វើដំណើរគឺកំពុងរួមចំណែកនាំយកអាស៊ីអាគ្នេយ៍ក្លាយទៅជាតំបន់កំណើនប្រកបដោយភាពស្ថិរភាពនិងចីរភាពនៃទេសចរណ៍វៀតណាម។

នៅឯតំបន់អាស៊ីខាងត្បូង ឥណ្ឌាបន្តលេចធ្លោឡើងដោយមានកម្រិតកើនឡើង ៤៥.៦% អះអាងនូវសក្តានុពលដ៏ធំធេងណាស់នៃទីផ្សារដែលមានប្រជាជនជាង ១.៤ ប៊ីលីននាក់នេះ។

អឺរ៉ុបគឺជាតំបន់ដែលមានល្បឿនកំណើនខ្ពស់បំផុតនៅក្នុងរយៈពេលប្រាំclientមួយខែដើមឆ្នាំដោយមានកម្រិតកើនឡើង ៥៦.១%។ នៅខាងក្បែរទីផ្សាររុស្ស៊ី ទីផ្សារអឺរ៉ុបខាងលិចនិងអឺរ៉ុបខាងជើងជាច្រើនបន្តរក្សាបាននូវសន្ទុះកំណើនប្រកបដោយភាពវិជ្ជមានដូចជា៖ ប៉ូឡូញ (+៥២.១%) សាធារណរដ្ឋឆែក (+៣០.១%) ស្វីស (+២៥.៧%) ស៊ុយអែត (+២៣.៨%) ដាណឺម៉ាក (+១៨.៦%) អាល្លឺម៉ង់ (+១៦.១%) បារាំង (+១៣.៨%) ចក្រភពអង់គ្លេស (+១០.៧%) អ៊ីតាលី (+១០.៥%)។ នេះគឺជាបណ្តាទីផ្សារដែលទទួលបានការអនុគ្រោះពីគោលនយោបាយលើកលែងទិដ្ឋាការរបស់វៀតណាមព្រមទាំងមានកម្រិតចំណាយជាមធ្យមខ្ពស់ រយៈពេលស្នាក់នៅយូរអង្វែង រួមចំណែកយ៉ាងសកម្មទៅក្នុងការលើកកម្ពស់គុណភាពកំណើននៃវិស័យទេសចរណ៍។

បណ្តាទីផ្សារដូចជាសហរដ្ឋអាមេរិកកើនឡើង ១៨.០% កាណាដាកើនឡើង ២៧.៦% ក្នុងពេលដែលអូស្ត្រាលីកើនឡើង ២២.០% និងនូវែលសេឡង់កើនឡើង ២២.៦%... បន្តរក្សាបាននូវនិន្នាការវិជ្ជមាន។

ជាមួយនិងលទ្ធផលសម្រេចបាននៅក្នុងរយៈពេលប្រាំមួយខែដើមឆ្នាំគឺបានបង្កើតគ្រឹះស្ថានយ៉ាងរឹងមាំដើម្បីឱ្យវិស័យទេសចរណ៍ឆ្ពោះទៅរកគោលដៅទទួលភ្ញៀវអន្តរជាតិចំនួន ២៥ លានវេនមនុស្សនៅក្នុងឆ្នាំ ២០២៦៕

ចំណុចថ្មីៗនៃអនុក្រឹត្យលេខ ២០០/២០២៦/NĐ-CP ដែលសហគ្រាសបោះផ្សាយសញ្ញាបណ្ណត្រូវយកចិត្តទុកដាក់ យុគសម័យ - រដ្ឋាភិបាលទើបតែបានប្រកាសដាក់ឱ្យប្រើប្រាស់នូវអនុក្រឹត្យលេខ ២០០/២០២៦/NĐ-CP ដែលចែងអំពីការផ្តល់ជូនលក់សញ្ញាបណ្ណសាជីវកម្មជាលក្ខណៈបុគ្គលនៅក្នុងទីផ្សារក្នុងស្រុក និងការផ្តល់ជូនលក់សញ្ញាបណ្ណសាជីវកម្មទៅកាន់ទីផ្សារអន្តរជាតិ។

ស្ពានតភ្ជាប់សារព័ត៌មាន ASEAN ចេញពីមហោស្រពសារព័ត៌មានទូទាំងប្រទេសឆ្នាំ ២០២៦ យុគសម័យ - នាថ្ងៃទី ១៨ ខែមិថុនា នៅក្នុងក្របខ័ណ្ឌនៃមហោស្រពសារព័ត៌មានទូទាំងប្រទេសឆ្នាំ ២០២៦ និងឆ្ពោះទៅរកការប្រារព្ធខួបអនុស្សាវរីយ៍លើកទី ១០១ នៃទិវាសារព័ត៌មានបដិវត្តន៍វៀតណាម (ថ្ងៃទី ២១ ខែមិថុនា ឆ្នាំ ១៩២៥ - ថ្ងៃទី ២១ ខែមិថុនា ឆ្នាំ ២០២៦) អ្នកសារព័ត៌មានជាង ៥០ នាក់អញ្ជើញមកពីប្រទេសឡាវ កម្ពុជា ...

ឌឹកអាញ់