នាថ្ងៃទី ២១ ខែកក្កដា គណៈប្រតិភូក្រសួងទេសចរណ៍នៃព្រះរាជាណាចក្រកម្ពុជាបានជួបពិភាក្សាការងារជាមួយមន្ទីរពេទ្យពហុព្យាបាល Hoa Hao - Medic Can Tho ស្ដីពីកិច្ចសហប្រតិបត្តិការវិនិយោគលើវិស័យសុខាភិបាល និងទេសចរណ៍រវាងភាគីទាំងពីរ។
 |
| គណៈប្រតិភូទៅទស្សនានៅមន្ទីរពេទ្យពហុព្យាបាល Hoa Hao - Medic Can Tho។ |
ក្នុងដំណើរទស្សនកិច្ចនេះ គណៈប្រតិភូបានទៅទស្សនានិងស្វែងយល់អំពីសេវាកម្ម និងដំណើរការពិនិត្យនិងព្យាបាលជំងឺរបស់មន្ទីរពេទ្យ។ តំណាងមន្ទីរពេទ្យពហុព្យាបាល Hoa Hao - Medic Can Tho បានឲ្យដឹងថា បច្ចុប្បន្នមន្ទីរពេទ្យមានកម្មវិធីពិនិត្យនិងព្យាបាលដែលផ្សារភ្ជាប់ជាមួយនឹងការធ្វើដំណើរទេសចរណ៍។
អាស្រ័យហេតុនេះ ក្នុងរយៈពេល ២ ថ្ងៃ អតិថិជនអាចជ្រើសរើសកញ្ចប់ពិនិត្យសុខភាព។ មន្ទីរពេទ្យនឹងបញ្ជូនវេជ្ជបណ្ឌិតនិងអ្នកបច្ចេកទេសទៅកាន់សណ្ឋាគារដើម្បីពិគ្រោះយោបល់និងយកសំណាកមកធ្វើតេស្ត។ ទន្ទឹមនឹងនោះ អតិថិជនអាចទៅទស្សនាគោលដៅទេសចរណ៍នៅទីក្រុង Can Tho ដូចជា ភូមិទេសចរណ៍ My Khanh និងផ្សារអណ្តែត Cai Rang និងជិះទូកកម្សាន្តនៅពេលយប់។
លោកឧត្តមសេនីយ៍ត្រី Vu Cao Quan អតីតមេបញ្ជាការនៃបញ្ជាការដ្ឋានយោធាទីក្រុង Can Tho សមាជិកក្រុមប្រឹក្សាភិបាលនៃមន្ទីរពេទ្យបានចែករំលែកទិសដៅនាពេលខាងមុខ ក្រៅពីការវិនិយោគលើសម្ភារៈបរិក្ខារពេទ្យទំនើប មជ្ឈមណ្ឌលធ្វើរោគវិនិច្ឆ័យនិងព្យាបាលដោយបច្ចេកវិទ្យាខ្ពស់ មន្ទីរពេទ្យនឹងអភិវឌ្ឍគំរូពិនិត្យសុខភាពផង និងធ្វើដំណើរទេសចរណ៍ផង។
 |
| គណៈប្រតិភូទៅទស្សនានៅមន្ទីរពេទ្យពហុព្យាបាល Hoa Hao - Medic Can Tho។ (រូបថត៖ baocantho) |
លោក តាន់ យុវរដ្ឋ អគ្គនាយករងនៃអគ្គនាយកដ្ឋានជំរុញពាណិជ្ជកម្មកម្ពុជា បានឲ្យដឹងថា គោលបំណងបំពេញទស្សនកិច្ចលើកនេះគឺជំរុញពាណិជ្ជកម្មលើវិស័យទេសចរណ៍ ក្នុងនោះ ការធ្វើដំណើរទេសចរណ៍ដែលផ្សារភ្ជាប់ជាមួយការពិនិត្យសុខភាព។ តាមរយៈការទស្សនា គណៈប្រតិភូបានឃើញថា ប្រព័ន្ធបច្ចេកវិជ្ជាពេទ្យទំនើបរបស់មន្ទីរពេទ្យគឺសមស្របជាមួយតម្រូវការរបស់ប្រជាជនកម្ពុជា។ អាស្រ័យហេតុនេះ ក៏មានសំណូមពរដល់អាជ្ញាធរមូលដ្ឋាននឹងបង្កើតលក្ខខណ្ឌអំណោយផល យន្តការនិងគោលនយោបាយអំពីព្រំដែន ទិដ្ឋាការសម្រាប់ប្រជាពលរដ្ឋកម្ពុជាមកកំសាន្ដ និងពិនិត្យសុខភាព។
ទន្ទឹមនឹងនោះ លោកក៏សង្ឃឹមផងដែរថា មន្ទីរពេទ្យពហុព្យាបាល Hoa Hao - Medic Can Tho អាចបង្កើតសាខាបន្ថែមទៀតនៅកម្ពុជា ក៏ដូចជាបង្កើតក្រុមបកប្រែ តភ្ជាប់ជាមួយទេសចរណ៍ដើម្បីបង្កើត Tour ទេសចរណ៍សម្រាប់ប្រជាជនពិនិត្យសុខភាពផង និងទេសចរណ៍ផង៕
មតិពីមិត្តអ្នកអាន