ប្រធានរដ្ឋ លោក Nguyen Xuan Phuc បានមានប្រសាសន៍ថា៖ “ទឹកចិត្តរបស់ប្រជាជនគឺជាកត្តាសម្រេចចិត្ត។ លោកប្រធានហូជីមិញបានមានប្រសាសន៍ថា ឆន្ទៈរបស់ប្រជាជនគឺជាឆន្ទៈរបស់ព្រះ។
 ប្រធានរដ្ឋសភាវៀតណាម លោក Vuong Dinh Hue ទទួលជួបអនុប្រធានរដ្ឋឡាវ |
 វៀតណាមជំរុញកិច្ចសហប្រតិបត្តិកាជាមួយ Azerbaijan |
 |
| ប្រធានរដ្ឋ លោក Nguyen Xuan Phuc អញ្ជើញដឹកនាំសិក្ខាសាលា |
នាព្រឹកថ្ងៃទី ២០ កក្កដា នៅយោធភូមិភាគទី ៣ ទីក្រុង Hai Phong ប្រធានរដ្ឋវៀតណាមលោក Nguyen Xuan Phuc ប្រធានគណៈកម្មាធិការដឹកនាំការបង្កើតគម្រោងការបូកសរុបសេចក្តីសម្រេចចិត្តរបស់គណៈកម្មាធិការមជ្ឈិមលើកទី ៨ នីតិកាលទី ១១ ស្តីពីយុទ្ធសាស្ត្រការពារមាតុភូមិក្នុងស្ថានភាពថ្មី អញ្ជើញដឹកនាំ “សិក្ខាសាលាវិទ្យាសាស្ត្រទ្រឹស្តី-តថភាពជាក់ស្តែង ស្តីពីកិច្ចការពារជាតិក្នុងស្ថានភាពថ្មី”។
គណៈកម្មាធិការរៀបចំសិក្ខាសាលាបានទទួលបទអន្តរាគមន៍ជាង ៥០ ដែលមានខ្លឹមសារសម្បូរបែប ពោរពេញទៅដោយលក្ខណៈវិទ្យាសាស្ត្រ។ បន្ទាប់ពីគណៈប្រតិភូបានថ្លែងបទបង្ហាញនិងថ្លែងមតិនៅសិក្ខាសាលានោះ ប្រធានរដ្ឋ លោក Nguyen Xuan Phuc បានសង្កត់ធ្ងន់ថា សេចក្តីសម្រេចចិត្តរបស់គណៈកម្មាធិការមជ្ឈិមទី ៨ នីតិកាលទី ១១ មានតួនាទីសំខាន់យ៉ាងពិសេស បង្ហាញឱ្យឃើញនូវទិសដៅ និងចំណុចលោតផ្លោះ អំពីការដឹកនាំរបស់បក្ស ឆ្ពោះទៅរកភារកិច្ចការពារមាតុភូមិក្នុងស្ថានភាពថ្មី។ ប្រធានរដ្ឋ លោក Nguyen Xuan Phuc បានមានប្រសាសន៍ថា៖ “ទឹកចិត្តរបស់ប្រជាជនគឺជាកត្តាសម្រេចចិត្ត។ លោកប្រធានហូជីមិញបានមានប្រសាសន៍ថា ឆន្ទៈរបស់ប្រជាជនគឺជាឆន្ទៈរបស់ព្រះ។ ហេតុដូច្នេះ កិច្ចការពារជាតិរបស់ប្រជាជន និងសន្តិសុខប្រជាជន គឺជាបញ្ហាមូលដ្ឋាននៃកិច្ចការពារជាតិ និងការកសាងសន្តិសុខនៅគ្រប់ស្ថានភាព ជាពិសេសក្នុងស្ថានភាពបច្ចុប្បន្ន។ ការបង្រួបបង្រួមនិងពង្រឹងផែនមហាសាមគ្គីជនជាតិទាំងមូលជាកត្តាកំណត់ជ័យជម្នះក្នុងបុព្វហេតុការពារមាតុភូមិ។ គំនិតដ៏ទូលំទូលាយនេះនៅតែគ្របដណ្តប់អតីតកាលនៅក្នុងស្ថានភាពថ្មី”។
ថ្លែងមតិនៅចុងបញ្ចប់នៃសន្និសីទ ប្រធានរដ្ឋវៀតណាម លោក Nguyen Xuan Phuc បានអះអាងថា៖ ការកសាងប្រទេស រួមជាមួយនឹងការថែរក្សាប្រទេសគឺជាការឆ្លុះបញ្ចាំងនូវបទពិសោធន៍ដ៏មានតម្លៃពីប្រវត្តិសាស្ត្ររាប់ពាន់ឆ្នាំរបស់ប្រជាជាតិយើង។ គំនិត ទស្សនវិជ្ជា និងបទពិសោធន៍ដ៏មានតម្លៃទាំងនោះត្រូវបានទទួលមរតក និងអនុវត្តដោយច្នៃប្រឌិតដោយគណបក្សរបស់យើងក្នុងការតស៊ូរំដោះជាតិ ការកសាង និងការពារមាតុភូមិ; បង្កើតតម្លៃវប្បធម៌សិល្បៈសម្រាប់ការកសាងប្រទេសរួមជាមួយនឹងការការពារប្រទេសទូទាំងប្រវត្តិសាស្ត្ររបស់ប្រជាជនវៀតណាម។
មុននោះ នាព្រឹកថ្ងៃទី ២០ ខែកក្កដា ប្រធានរដ្ឋវៀតណាម លោក Nguyen Xuan Phuc បានអញ្ជើញអុជធូប និងផ្កាគោរពវិញ្ញាណក្ខន្ធ និងឧទ្ទិសកុសលជូនចំពោះវិញ្ញាណក្ខន្ធយុទ្ធជនពលីនៅវិមានរំលឹកវិញ្ញាណក្ខន្ធវីរៈជន និងយុទ្ធជនពលីទីក្រុង Hai Phong៕
មតិពីមិត្តអ្នកអាន