ក្នុងនាមជាប្រទេសកំពុងអភិវឌ្ឍន៍មួយ ប៉ុន្តែវៀតណាមមានបទពិសោធន៍ជាច្រើនក្នុងការអភិវឌ្ឍវ៉ាក់សាំងក្នុងរយៈពេលច្រើនទសវត្សរ៍កន្លងទៅ ហើយប្រព័ន្ធគ្រប់គ្រងគុណភាពវ៉ាក់សាំងជាតិរបស់វៀតណាមត្រូវបាន WHO ទទួលស្គាល់។
 សម្ព័ន្ធក្រុមហ៊ុន Vingroup ទទួលបានការផ្ទេរផ្តាច់មុខនូវបច្ចេកវិទ្យាផលិតវ៉ាក់សាំង mRNA បង្ការកូវីដ ១៩ នៅវៀតណាម |
 វៀតណាម កំពុងពិភាក្សាជាមួយអាមេរិកដើម្បីផលិតវ៉ាក់សាំង mRNA |
 |
| រដ្ឋមន្ត្រីក្រសួងសុខាភិបាលវៀតណាម លោក Nguyen Thanh Long (រូបថត៖ ក្រសួងសុខាភិបាលវៀតណាម) |
នាថ្ងៃទី ២៣ ខែកុម្ភៈ អង្គការសុខភាពពិភពលោក (WHO) បានបើកសន្និសីទសារព័ត៌មាន ដោយបានប្រកាសប្រទេសចំនួន ៥ ថែមទៀតគឺ បង់ក្លាដែស ឥណ្ឌូនេស៊ី ប៉ាគីស្ថាន ស៊ែប៊ី និងវៀតណាម ដែលត្រូវបានជ្រើសរើសទទួលបានការផ្ទេរប្រគល់បច្ចេកវិទ្យាផលិតវ៉ាក់សាំង mRNA ក្រោមគំនិតផ្តួចផ្តើមរបស់ មជ្ឈមណ្ឌលផ្ទេរប្រគល់បច្ចេកវិទ្យា mRNA ដែលត្រូវបាន WHO បង្កើតឡើងនៅអាហ្វ្រិកខាងត្បូង។ ទន្ទឹមនឹងនេះ WHO នឹងជួយបណ្ដុះបណ្ដាលដល់វៀតណាម ដើម្បីធ្វើការផលិតវ៉ាក់សាំងយ៉ាងឆាប់រហ័សផងដែរ។
អញ្ជើញថ្លែងមតិនៅក្នុង សន្និសីទសារព័ត៌មានតាមអនឡាញនោះ រដ្ឋមន្ត្រីក្រសួងសុខាភិបាលវៀតណាម លោក Nguyen Thanh Long បានសង្កត់ធ្ងន់ថា ក្នុងនាមជាប្រទេសកំពុងអភិវឌ្ឍន៍មួយ ប៉ុន្តែវៀតណាមមានបទពិសោធន៍ជាច្រើនក្នុងការអភិវឌ្ឍវ៉ាក់សាំងក្នុងរយៈពេលច្រើនទសវត្សរ៍កន្លងទៅ ហើយប្រព័ន្ធគ្រប់គ្រងគុណភាពវ៉ាក់សាំងជាតិរបស់វៀតណាមត្រូវបាន WHO ទទួលស្គាល់។ នៅពេលចូលរួមគំនិតផ្តួចផ្តើមនេះ វៀតណាមអាចផលិតវ៉ាក់សាំង mRNA ក្នុងទ្រង់ទ្រាយធំមិនត្រឹមតែបម្រើតម្រូវការក្នុងប្រទេសប៉ុណ្ណោះទេ ថែមទាំងផ្គត់ផ្គងដល់បណ្ដាប្រទេសក្នុងតំបន់ និងនៅលើពិភពលោកទៀតផង ក៏ដូចជាការរួមចំណែកជំនះពុះពារលើវិសមភាពក្នុងការទទួលបានវ៉ាក់សាំងផងដែរ៕
មតិពីមិត្តអ្នកអាន