"ស្លាបចក្រតភ្ជាប់បន្ថែម" នៅក្នុងការបង្ការ ព្រមទាំងទប់ស្កាត់ HIV/AIDS

មនុស្សទាំងឡាយដែលដើរស្វែងរក ព្រមទាំងផ្សារភ្ជាប់អ្នកជំងឺ HIV

ចាប់តាំងពីពេលធ្វើជាបុគ្គលិកអភិចលនៈសហគមន៍ រួចហើយក្លាយជាប្រធានក្រុម CBO Hat Giong នៅខេត្ត Binh Duong នាពេលមុន (បច្ចុប្បន្នស្ថិតក្រោមដែនសមត្ថកិច្ចទីក្រុង Ho Chi Minh បន្ទាប់ពីការធ្វើសមាហរណកម្ម) លោក Nguyen Van Thanh បានស៊ាំទៅនឹងបណ្ដាការហៅទូរស័ព្ទចូលនានៅពេលយប់ជ្រៅ។ នោះជាធម្មតាគឺជាពេលវេលាដែលមនុស្សជាច្រើនដែលមានហានិភ័យខ្ពស់ក្នុងការឆ្លងមេរោគ HIV ជាពិសេសគឺបុរសរួមភេទជាមួយបុរស (MSM) ចាប់ផ្ដើមចែករំលែកនូវក្តីព្រួយបារម្ភបន្ទាប់ពីមានបណ្ដាសកម្មភាពមិនមានសុវត្ថិភាព។

ក្រុម CBO Hat Giong អភិចលនៈទៅជិតអតិថិជនតាមរយៈបណ្តាញសង្គម ព្រមទាំងបណ្ដាកម្មវិធីទម្រង់ដូចជា Blued Facebook Zalo TikTok ទន្ទឹមនឹងនោះគាំទ្រការពិគ្រោះយោបល់ ការផ្សារភ្ជាប់ការពិនិត្យពិសោធន៍ HIV ការព្យាបាល ARV ព្រមទាំងការប្រើប្រាស់ឱសថព្យាបាលបង្ការមុនពេលប្រឈមមុខនឹងការឆ្លងមេរោគ (PrEP)។ ក្នុងការដោះដូរយោបល់ជាមួយសារព័ត៌មាន លោក Thanh បានឱ្យដឹងថា ជាមធ្យមជារៀងរាល់ខែក្រុមការងារបានរកឃើញករណីវិជ្ជមានជាមួយ HIV ចំនួនប្រហែល ៦ ករណី ព្រមទាំងបញ្ជូនបន្តករណីចំនួនប្រហែល ១០ ករណីឱ្យទៅប្រើប្រាស់ PrEP។

លំហសកម្មភាពការងាររបស់បណ្ដាក្រុមសហគមន៍នាពេលបច្ចុប្បន្ននេះក៏មានភាពខុសប្លែកពីពេលមុនផងដែរ។ ជំនួសឱ្យការរង់ចាំអ្នកមានហានិភ័យស្វែងរកមកកាន់មូលដ្ឋានសុខាភិបាល បុគ្គលិកអភិចលនៈជាច្រើននាក់ត្រូវ «ដើរស្វែងរក» អតិថិជននៅលើបណ្តាញសង្គម កម្មវិធីណាត់ជួប ឬក៏បណ្ដាក្រុមបិទជិត ដែលជាកន្លែងមនុស្សវ័យក្មេងជាច្រើន កម្មករចំណាកស្រុក ឬក៏ក្រុម MSM តែងតែធ្វើការតភ្ជាប់ទំនាក់ទំនងជាមួយគ្នា។

គម្រោង «ឈានចេញមកកាន់ពន្លឺ» ដែលដាក់ពង្រឹងអនុវត្តដោយក្រុម CBO Hat Giong ចាប់តាំងពីឆ្នាំ ២០២២ បានចាត់តាំងសកម្មភាពផ្សព្វផ្សាយព័ត៌មានជាច្រើនជូនដល់និស្សិត ព្រមទាំងមនុស្សវ័យក្មេងនៅទីក្រុង Ho Chi Minh។ បន្ទាប់ពីបណ្ដាវគ្គផ្សព្វផ្សាយព័ត៌មាន មនុស្សជាច្រើនបានម្ចាស់ការស្វែងយល់អំពី PrEP ការពិនិត្យពិសោធន៍ HIV ព្រមទាំងការព្យាបាលបង្ការ។

មនុស្សជាច្រើនគ្រាន់តែស្វែងរកមកកាន់ការគាំទ្រនៅពេលដែលបានធ្លាក់ចូលទៅក្នុងស្ថានភាពតានតឹងចិត្តសាស្ត្រអូសបន្លាយ ឬក៏ចាប់ផ្ដើមលេចឡើងនូវបណ្ដាសញ្ញាសុខភាពមិនប្រក្រតី។ តាមបណ្ដាក្រុមសហគមន៍ ចំណុចដែលពិបាកបំផុតនាពេលបច្ចុប្បន្ននេះមិនមែនជាការខ្វះខាតសេវាកម្មសុខាភិបាលនោះឡើយ ប៉ុន្តែគឺធ្វើដូម្ដេចឱ្យអ្នកមានហានិភ័យជម្នះបានចិត្តសាស្ត្រភ័យខ្លាចការវាយតម្លៃរើសអើង ដើម្បីអញ្ជើញទៅពិនិត្យពិសោធន៍ ឬក៏ទទួលការព្យាបាល។

លោក Nguyen Cao Thanh ប្រធានក្រុម CBO Hat Giong។

ទិន្នន័យស្ថិតិរបស់ក្រសួងសុខាភិបាលបានបង្ហាញឱ្យឃើញថា គិតតែនៅក្នុងឆ្នាំ ២០២៤ ទូទាំងប្រទេសបានរកឃើញករណីឆ្លងមេរោគ HIV ថ្មីចំនួនជាង ១៣.៣០០ ករណី។ ជំងឺ HIV/AIDS នាពេលបច្ចុប្បន្ននេះលែងប្រមូលផ្តុំជាចម្ងាយនៅក្នុងក្រុមមួយចំនួនតូចដូចជាដំណាក់កាលដំបូងទៀតហើយ ប៉ុន្តែបានលេចឡើងកាន់តែច្រើនឡើងនៅក្នុងបណ្ដាក្រុមបិទជិត ក្រុមដែលមានភាពលំបាកក្នុងការអភិចលនៈទៅជិត ឬក៏ធ្វើសកម្មភាពជាចម្បងនៅលើលំហបណ្តាញអ៊ីនធឺណិត។

ចំណុចនោះធ្វើឱ្យវិធីសាស្ត្រអភិចលនៈតាមរយៈការផ្សព្វផ្សាយព័ត៌មានជាមហាជន ឬក៏ការរង់ចាំប្រជាពលរដ្ឋស្វ័យអញ្ជើញមកកាន់មូលដ្ឋានសុខាភិបាល កាន់តែមានភាពលំបាកក្នុងការសម្រេចបានប្រសិទ្ធភាពដូចពេលមុន។ ក្នុងពេលជាមួយគ្នានោះ បណ្ដាក្រុមសហគមន៍បែរជាមានផលប្រយោជន៍ប្រៀបឈ្នះអំពីភាពជិតស្និទ្ធ សមត្ថភាពរក្សាការសម្ងាត់ព័ត៌មាន ព្រមទាំងការយល់ដឹងច្បាស់ពីចិត្តសាស្ត្ររបស់ក្រុមមានហានិភ័យ។

ការងារជាច្រើនដែលធ្លាប់ត្រូវបានចាត់ទុកថាជាភារកិច្ចរបស់ប្រព័ន្ធសុខាភិបាល នាពេលបច្ចុប្បន្ននេះក៏កំពុងមានបន្ថែមការចូលរួមរបស់កម្លាំងនេះផងដែរ ដូចជា ការពិគ្រោះយោបល់ពិនិត្យពិសោធន៍ HIV ការផ្សារភ្ជាប់ការព្យាបាល ARV ការគាំទ្រការប្រើប្រាស់ PrEP ការស្វែងរកមនុស្សដែលបោះបង់ការព្យាបាលដើម្បីធ្វើការចលនាឱ្យត្រឡប់មកកាន់មូលដ្ឋានសុខាភិបាលវិញ ឬក៏ការគាំទ្រអន្តរាគមន៍កាត់បន្ថយគ្រោះថ្នាក់។

តាមការប៉ាន់ប្រមាណរបស់នាយកដ្ឋានបង្ការជំងឺ អង្គការសហគមន៍ទាំងឡាយអាចរួមចំណែកចាប់ពី ២៥% ដល់ ៥០% ចំពោះបណ្ដាសេវាកម្មបង្ការ ព្រមទាំងទប់ស្កាត់ HIV/AIDS មួយចំនួននៅវៀតណាម។

ការទិញដូរសេវាកម្មបង្ការ ព្រមទាំងទប់ស្កាត់ HIV/AIDS ពីបណ្ដាអង្គការសង្គម

នៅ Dien Bien តួនាទីរបស់បណ្ដាក្រុមសហគមន៍ត្រូវបានបង្ហាញយ៉ាងច្បាស់លាស់តាមរយៈម៉ូដែលសាកល្បងទិញដូរសេវាកម្មបង្ការ ព្រមទាំងទប់ស្កាត់ HIV/AIDS ដែលផ្ដល់ដោយអង្គការសង្គម។

យោងតាមនាយកដ្ឋានបង្ការជំងឺ ខេត្ត Dien Bien គឺជាខេត្តមួយក្នុងចំណោមខេត្តទាំង ៩ ដែលចូលរួមក្នុងគម្រោងសាកល្បងទិញដូរបណ្ដាសេវាកម្មបង្ការ ព្រមទាំងទប់ស្កាត់ HIV/AIDS ជាមួយបណ្ដាអង្គការសង្គម ចាប់ពីខែមិថុនា ឆ្នាំ ២០២២ ដល់ខែវិច្ឆិកា ឆ្នាំ ២០២៣។ មជ្ឈមណ្ឌលត្រួតពិនិត្យជំងឺរាតត្បាតខេត្ត Dien Bien (CDC Dien Bien) បានចុះហត្ថលេខាលើកិច្ចសន្យាជាមួយក្រុម CBO ចំនួនបី រួមមាន Hoa Ban Trang Huong Duong ព្រមទាំង Binh Minh ដើម្បីដាក់ពង្រឹងអនុវត្តការផ្ដល់សេវាកម្មបង្ការទប់ស្កាត់ HIV/AIDS នៅលើភូមិសាស្ត្រទូទាំងខេត្ត។

ការពិគ្រោះយោបល់ព្យាបាល HIV ជូនអ្នកជំងឺ។

បណ្ដាក្រុមទាំងនេះចូលរួមអភិចលនៈទៅជិតសហគមន៍ ផ្សព្វផ្សាយព័ត៌មាន ពិគ្រោះយោបល់ពិនិត្យពិសោធន៍ HIV នៅតាមសហគមន៍ ផ្ដល់ចែកសម្ភារៈអន្តរាគមន៍កាត់បន្ថយគ្រោះថ្នាក់ ដូចជាបំពង់និងម្ជុលចាក់ថ្នាំស្អាត ស្រោមអនាម័យ ជែលរអិល ព្រមទាំងបញ្ជូនបន្តអ្នកដែលមានតម្រូវការឱ្យទៅទទួលការព្យាបាល Methadone ការពិនិត្យពិសោធន៍បញ្ជាក់ភាពច្បាស់លាស់ HIV ព្រមទាំងការព្យាបាល ARV។ ក្រុមមុខសញ្ញាដែលត្រូវបានអភិចលនៈទៅជិត រួមមានអ្នកញៀនចាក់គ្រឿងញៀន ស្ត្រីលក់ប្រពៃណីផ្លូវភេទ បុរសរួមភេទជាមួយបុរស ព្រមទាំងដៃគូរួមភេទរបស់អ្នកឆ្លងមេរោគ HIV ឬក៏របស់អ្នកញៀនចាក់គ្រឿងញៀន។

យោងតាមរបាយការណ៍នៅក្នុងសន្និសីទបូកសរុបគម្រោង គិតត្រឹមខែវិច្ឆិកា ឆ្នាំ ២០២៣ ខេត្ត Dien Bien កត់ត្រាចំនួនសរុបបង្គរមនុស្សឆ្លងមេរោគ HIV ចំនួន ៧.៧៧៥ នាក់ ក្នុងនោះមានមនុស្សចំនួន ៣.៣៩៩ នាក់កំពុងមានជីវិតរស់នៅ មានឃុំ សង្កាត់ ព្រមទាំងទីរួមស្រុកចំនួន ១២១/១២៩ មានមនុស្សឆ្លងមេរោគ HIV/AIDS។ នេះក៏ជាខេត្តគន្លឹះធ្ងន់ធ្ងរអំពីបញ្ហាគ្រឿងញៀន ព្រមទាំង HIV/AIDS។

កាលពីមុន ភាគច្រើននៃក្រុមសហគមន៍ធ្វើសកម្មភាពផ្អែកទៅលើបណ្ដាគម្រោងជំនួយឧបត្ថម្ភក្នុងរយៈពេលខ្លី។ នៅពេលគម្រោងត្រូវបានបញ្ចប់ ក្រុមជាច្រើនត្រូវស្វ័យដោះស្រាយដើម្បីរក្សាធនធានមនុស្ស ព្រមទាំងសកម្មភាពគាំទ្រនៅតាមមូលដ្ឋាន។ ការដាក់ពង្រឹងអនុវត្តសាកល្បងទិញដូរសេវាកម្មបង្ការ ព្រមទាំងទប់ស្កាត់ HIV/AIDS ដែលផ្ដល់ដោយបណ្ដាអង្គការសង្គម បានបង្ហាញឱ្យឃើញថាវិធីសាស្ត្រអភិចលនៈកំពុងផ្លាស់ប្តូរជាបណ្តើរៗ ពោលគឺសហគមន៍លែងឈរនៅក្រៅបណ្តាញគាំទ្រទៀតហើយ ប៉ុន្តែបានចាប់ផ្ដើមចូលរួមដោយផ្ទាល់ទៅក្នុងដំណើរការផ្ដល់សេវាកម្មនៅតាមថ្នាក់មូលដ្ឋាន។

ស្ថិតក្នុងបរិបទដែលប្រភពជំនួយអន្តរជាតិជាច្រើនសម្រាប់ HIV/AIDS កំពុងត្រូវបានបង្រួមតូច ការកៀរគរបន្ថែមប្រភពធនធានសហគមន៍ គឺជាទិសដៅដើរដ៏ចាំបាច់ដើម្បីកាត់បន្ថយសម្ពាធសម្រាប់សុខាភិបាលថ្នាក់មូលដ្ឋាន ព្រមទាំងពង្រីកសមត្ថភាពអភិចលនៈទៅជិតក្រុមដែលមានហានិភ័យខ្ពស់។

ទោះជាយ៉ាងណាក៏ដោយ ដំណើរការដាក់ពង្រឹងអនុវត្តក៏បានបង្ហាញឱ្យឃើញនូវការលំបាកមិនតិចឡើយ។ យោងតាមរបាយការណ៍របស់ CDC Dien Bien ក្រុមសហគមន៍ជាច្រើនមិនទាន់មាននីតិបុគ្គល សមត្ថភាពគ្រប់គ្រងនៅមានកម្រិត មិនទាន់មានប្រភពចំណូលជាប្រចាំដើម្បីរក្សាសកម្មភាព ការអភិចលនៈទៅជិតមុខសញ្ញា ព្រមទាំងការទាញយកព័ត៌មានរបស់អតិថិជនក៏ជួបប្រទះនូវឧបសគ្គជាច្រើនផងដែរ។

បណ្ដាអ្នកជំនាញការចាត់ទុកថា ដើម្បីឱ្យបណ្ដាក្រុមសហគមន៍ពង្រីកបានតួនាទីក្នុងរយៈពេលយូរអង្វែង គឺចាំបាច់ត្រូវតែមានយន្តការហិរញ្ញវត្ថុមានភាពលំនឹងជាងមុនសម្រាប់បណ្ដាសកម្មភាពដែលបានបង្ហាញឱ្យឃើញពីប្រសិទ្ធភាពជាក់ស្ដែង ដូចជាការអភិចលនៈទៅជិតក្រុមមានហានិភ័យ ការពិគ្រោះយោបល់ពិនិត្យពិសោធន៍ HIV ការបញ្ជូនបន្តទៅទទួលការព្យាបាល ARV ព្រមទាំង PrEP។ ទន្ទឹមនឹងនោះ គឺការបង្កើនការបណ្ដុះបណ្ដាលជំនាញ ការធ្វើស្ដង់ដារភាវូបនីយកម្មដំណើរការរក្សាការសម្ងាត់ព័ត៌មាន ការផ្សារភ្ជាប់កាន់តែជិតស្និទ្ធជាមួយសុខាភិបាលថ្នាក់មូលដ្ឋាន ព្រមទាំងបន្តកាត់បន្ថយការរើសអើងនៅក្នុងការឈានទៅរកសេវាកម្ម HIV/AIDS៕

វៀតណាមនិងកម្ពុជាបង្កើនកិច្ចសហការបង្ការ ទប់ស្កាត់ និងបង្ក្រាបបទល្មើសឆ្លងដែនគ្រប់ប្រភេទ លោកឧបនាយករដ្ឋមន្ដ្រី ស សុខា រដ្ឋមន្ដ្រីក្រសួងមហាផ្ទៃ និងឧត្តមសេនីយ៍ឯក លឿង តាមក្វាង សមាជិកការិយាល័យ នយោបាយ និងជារដ្ឋមន្ត្រីក្រសួងនគរបាលវៀតណាម បានចុះហត្ថលេខាលើ ផែនការសហប្រតិបត្តិការឆ្នាំ២០២៥ រវាងក្រសួងមហាផ្ទៃកម្ពុជា និងក្រសួងនគរបាលវៀតណាម សំដៅ បង្កើនកិច្ចសហការបង្ការ ទប់ស្កាត់ និងបង្ក្រាបបទល្មើសឆ្លងដែនគ្រប់ប្រភេទ ទាំងក្នុងក្របខណ្ឌទ្វេភាគី និងតំបន់។

ខេត្ត Tay Ninh៖ កិច្ចប្រជុំបូកសរុបលទ្ធផលនៃកិច្ចសហប្រតិបត្តិការក្នុងការបង្ការ និងបង្រ្កាបបទល្មើស ធានាសន្តិសុខ សណ្តាប់ធ្នាប់នៅតាមព្រំដែនឆ្នាំ២០២៤ នារសៀលថ្ងៃទី១៦ ខែធ្នូ នគរបាលខេត្ត Tay Ninh វៀតណាម បានរៀបចំកិច្ចប្រជុំបូកសរុបលទ្ធផលនៃកិច្ចសហប្រតិបត្តិការក្នុងការបង្ការ និងបង្រ្កាបបទល្មើស ធានាសន្តិសុខ សណ្តាប់ធ្នាប់នៅតាមព្រំដែនឆ្នាំ២០២៤ ជាមួយស្នងការដ្ឋាននគរបាលខេត្តស្វាយរៀង និងខេត្តត្បូងឃ្មុំ ចុះហត្ថលេខាលើអនុស្សរណៈនៃការយោគយល់គ្នាស្ដីពីកិច្ចសហប្រតិបត្តិការបង្ការ និងប្រឆាំងបទល្មើស ធានាសន្តិសុខ សណ្តាប់ធ្នាប់នៅតាមតំបន់ព្រំដែន ក្នុងរយៈពេល ៦ ខែដើមឆ្នាំ២០២៥។

ឌឹកអាញ់

thoidai.com.vn