យុគសម័យ - នៅថ្ងៃទី ៦ ខែកញ្ញា គណៈប្រតិភូនៃសម្ព័ន្ធសមាគមពាណិជ្ជករតៃវ៉ាន់នៃខេត្ត Lam Dong បានមកជួយឧបត្ថម្ភសម្ភារៈពេទ្យនិងឧបករណ៍ពេទ្យជូនដល់ខេត្ត Lam Dong ដើម្បីប្រយុទ្ធប្រឆាំងនឹងការរីករាលដាលនៃជំងឺ Covid-19 ដែលមានតម្លៃ ២៧០ លានដុង។
 គោលដៅទេសចរណ៍នៅខេត្ត Lam Dong ដែលទាក់ទាញភ្ញៀវទេសចរគ្រប់ពេលដែលលោកអ្នកធ្វើដំណើរកំសាន្ត |
 ខេត្ត Lam Dong ជំរុញតម្រូវការធ្វើដំណើរទេសចរណ៍ |
 |
| ទិដ្ឋភាពនៃការប្រគល់អំណោយរបស់សមាគមពាណិជ្ជករតៃវ៉ាន់ជូនដល់ខេត្ត Lam Dong។ (រូបថត៖ កាសែត Lam Dong) |
ជាពិសេសគណៈប្រតិភូបានប្រគល់ជូនគណៈកម្មាធិការរណសិរ្សមាតុភូមិវៀតណាមនៃខេត្តនេះនូវឧបករណ៍ធ្វើតេស្តរកឃើញមេរោគ SARS-CoV-2 ឆាប់រហ័សចំនួន ១.០៨០ ឈុតនិងម៉ាស៊ីនបង្កើតអុកស៊ីសែនចំនួន ៧ គ្រឿង ដើម្បីជួយដល់ការងារប្រយុទ្ធប្រឆាំងនឹងជំងឺ Covid-19 នៅក្នុងខេត្ត។
តំណាងសមាគមពាណិជ្ជករតៃវ៉ាន់នៅខេត្ត Lam Dong បានសម្តែងបំណងចង់សហការជាមួយរដ្ឋាភិបាលវៀតណាមនិងខេត្ត Lam Dong ដើម្បីអនុវត្តឱ្យបានល្អនូវការងារប្រយុទ្ធប្រឆាំងនឹងជំងឺ Covid-19 ។ នេះគឺជាអំណោយដែលបង្ហាញពីការទទួលខុសត្រូវនិងមនោសញ្ចេតនារបស់អាជីវករតៃវ៉ាន់និងរោងចក្រដែលកំពុងផលិតនិងធ្វើអាជីវកម្មនៅខេត្ត Lam Dong។ ក្នុងរយៈពេលកន្លងមក អាជីវកម្មនិងសមាជិកសមាគមបានគោរពយ៉ាងតឹងរ៉ឹងបទបញ្ញត្តិរបស់ខេត្ត Lam Dong ស្តីពីការការពារនិងទប់ស្តាត់នឹងការរីករាលដាលព្រមទាំងការធានាការអភិវឌ្ឍផលិតកម្មនិងការធានាឱ្យបាននូវការបង្ការជំងឺរាតត្បាតយ៉ាងតឹងរ៉ឹង គោរពតាមបទដ្ឋាន ៥ K របស់ក្រសួងសុខាភិបាល។
 |
| ជំនួបនៃទិដ្ឋភាពជំនួបរវាងអាជ្ញាធរខេត្ត Lam Dong និងសម្ព័ន្ធសមាគមពាណិជ្ជករតៃវ៉ាន់នៃខេត្ត Lam Dong។ (រូបថត៖ កាសែត Lam Dong) |
ប្រឈមមុខនឹងស្ថានភាពស្មុគស្មាញនៃការរីករាលដាលនៃជំងឺ Covid-19 សមាគមមានបំណងទទួលបានការយកចិត្តទុកដាក់ពីខេត្តនិងវិស័យសុខាភិបាលក្នុងការចាក់វ៉ាក់សាំងប្រឆាំងជំងឺ Covid-19 សម្រាប់ពាណិជ្ជករនិងពលករដែលកំពុងធ្វើការនៅសហគ្រាសតៃវ៉ាន់ នៅខេត្ត Lam Dong ។
មុននេះ សមាគមបានកៀរគរ បរិច្ចាគនិងគាំទ្រមណ្ឌលចត្តាឡីស័កសម្រាប់បង្ការនិងទប់ស្កាត់នឹងការរីករាលដាលនៃជំងឺនេះ នៅខេត្ត Binh Duong ជារៀងរាល់ថ្ងៃ បន្លែ មើមនិងផ្លែឈើចំនួន ៨០ តោន។
លោក Vo Ngoc Hiep ប្រធានគណៈកម្មាធិការរណសិរ្សមាតុភូមិវៀតណាមនៃខេត្ត Lam Dong បានសម្តែងនូវក្តីសប្បាយរីករាយនិងរំជួលចិត្ត នៅពេលដែលសមាគមពាណិជ្ជករតៃវ៉ាន់បានគាំទ្រដល់ខេត្ត ក្នុងការប្រយុទ្ធប្រឆាំងនឹងការរីករាលដាលនៃជំងឺ Covid- 19 ដើម្បីជួយឱ្យខេត្ត Lam Dong មានធនធាននិងសម្ភារៈពេទ្យនិងឧបករណ៍ពេទ្យសម្រាប់ធ្វើតេស្តនិងព្យាបាលប្រជាជន។ គណៈកម្មាធិការរណសិរ្សមាតុភូមិវៀតណាមនៃខេត្ត Lam Dong នឹងរាយការណ៍ភ្លាមៗនិងស្នើឱ្យខេត្តនិងស្ថាប័នមានសមត្ថកិច្ចពាក់ព័ន្ធនានាយកចិត្តទុកដាក់ ដើម្បីធានាសិទ្ធិនិងសុវត្ថិភាពសុខភាពសម្រាប់ពាណិជ្ជករនិងពលករបរទេសរួមទាំងសមាគមពាណិជ្ជករតៃវ៉ាន់ផងដែរ ៕
មតិពីមិត្តអ្នកអាន