ប្រទេសវៀតណាមវាយតំលៃខ្ពស់ចំពោះជំនួយជាក់ស្តែងនិងទាន់ពេលវេលារបស់មិត្តភក្តិអន្តរជាតិក្នុងការប្រយុទ្ធប្រឆាំងនឹងជំងឺរាតត្បាតកូវីដ១៩

អាស៊ាន - ជប៉ុន៖ ធ្វើឲ្យជាក់ស្តែងនូវគោលដៅ ៣ ក្នុងកិច្ចសហប្រតិបត្តិការស្តីពីការប្រយុទ្ធប្រឆាំងនឹងជំងឺរាតត្បាតកូវីដ១៩

កងទ័ពឡាវទទួលជំនួយជាសម្ភារៈបរិក្ខាពេទ្យក្នុងការប្រយុទ្ធប្រឆាំងនឹងជំងឺរាតត្បាតកូវីដ១៩ពីប្រទេសវៀតណាម

វៀតណាមវាយតំលៃខ្ពស់ចំពោះជំនួយជាក់ស្តែងនិងទាន់ពេលវេលារបស់មិត្តភក្តិអន្តរជាតិក្នុងការប្រយុទ្ធប្រឆាំងនឹងជំងឺរាតត្បាតកូវីដ១៩

នៅថ្ងៃទី ២១ ខែកក្កដាព័ត៌មានពីក្រសួងការបរទេសបាននិយាយថាចាប់តាំងពីពេលជំងឺរាតត្បាតកូវីដ១៩បានផ្ទុះឡើងជាលើកដំបូងនៅលើពិភពលោកនិងលេចចេញនៅក្នុងប្រទេសភ្លាមមក វៀតណាមទទួលបានការគាំទ្រនិងជំនួយឧបត្ថម្ភដ៏ប្រសើរថ្លៃថ្លាពីប្រជាជនរដ្ឋាភិបាលនៃ បណ្តាប្រទេសនិងអង្គការអន្តរជាតិអំពីសម្ភារៈបរិក្ខារឧបករណ៍វេជ្ជសាស្ត្រក្នុងការបង្ការនិងប្រយុទ្ធប្រឆាំងនឹងជំងឺរាតត្បាត។ ទំនិញប្រកបដោយអត្តន័យទាំងនោះបានរួមចំណែកដល់ជោគជ័យរបស់វៀតណាមក្នុងការបង្ការនិងប្រយុទ្ធប្រឆាំងនឹងជំងឺកូវីដ - ១៩ ។

ការងារ“ ការទូតវ៉ាក់សាំង” ត្រូវបានអនុវត្តនិងទទួលបានលទ្ធផលសំខាន់ៗជាមួយប្រទេសវៀតណាមទទួលបានវ៉ាកសាំងជាង ៨ លានដូសក្នុងចំណោមវ៉ាសាំងកូវីដ១៩ដែលបានសន្យាសរុបចំនួន ១៥០ លានដូសតាមរយៈការចរចារ ទិញនិងជំនួយឧបត្ថម្ភ។

បក្សរដ្ឋ រដ្ឋាភិបាលនិងប្រជាជនវៀតណាម តែងតែវាយតម្លៃខ្ពស់ចំពោះជំនួយជាក់ស្តែងនិងទាន់ពេលវេលារបស់មិត្តភក្តិអន្តរជាតិក្នុងការប្រយុទ្ធប្រឆាំងនឹងជំងឺរាតត្បាតកូវីដ-១៩។ ក្នុងផ្លាស់ប្តូរពិភាក្សាតាមទូរស័ព្ទនិងលិខិតផ្ញើរជូនទៅថ្នាក់ដឹកនាំបណ្តាដៃគូ វៀតណាមបានសម្តែងអំណរគុណយ៉ាងជ្រាលជ្រៅចំពោះកាយវិការដ៏មានតម្លៃទាំងនោះដោយចាត់ទុកថានេះជាសក្ខីភាពនៃទំនាក់ទំនងដ៍ល្អប្រសើររវាងវៀតណាម និងដៃគូនិងមិត្តភក្តិអន្តរជាតិ ព្រមទាំងបានសម្តែងការចែករំលែកនៅក្នុងគ្រាលំបាក ប្តេជ្ញាចិត្តធ្វើការរួមគ្នានិងស្រុះចិត្តគំនិតគ្នាដើម្បីប្រយុទ្ធប្រឆាំងនឹងការរីករាលដាលនៃជំងឺរាតត្បាតសកលកូវីដ-១៩នៅទូទាំងពិភពលោក៕

ហេង វុធ្ធី

VOV