ផ្លែគូលែនវៀតណាមមានរសជាតិផ្អែមនិងឆ្ងាញ់ គ្រាប់តូចនិងសាច់ស្រួយ ដូច្នេះប្រភេទផ្លែនេះទទួលការចូលចិត្តពីភ្ញៀវបរទេសជាច្រើនលើពិភពលោកនេះ។ មកដល់រដូវប្រមូលផ្លែគូលែន កសិករបានធ្វើការប្រញាប់ប្រញាល់ ដើម្បីនាំចេញផ្លែនេះ។
 ផ្លែគូលែនវៀតណាមជិតមួយតោនដំបូងត្រូវបាននាំចូលបារាំង |
 ផ្លែគូលែនវៀតណាមបាននាំចេញទៅកាន់ប្រទេសជាច្រើន |
 |
| អតិថិជនបរទេសសាកភ្លក់ផ្លែគូលែនស្រស់របស់វៀតណាម។ (រូបថត៖ VOV) |
នាថ្ងៃទី១៩ ខែមិថុនា នៅទីក្រុង Spijkenisse ប្រទេសហូឡង់ សភាពាណិជ្ជកម្មវៀតណាមប្រចាំហូឡង់បានសហការជាមួយក្រុមហ៊ុននាំចេញ-នាំចូល LTP BV និងផ្សារទំនើប Thanh Hung រៀបចំកម្មវិធីផ្សព្វផ្សាយផ្លែគូលែនស្រស់របស់វៀតណាម។ ភ្ញៀវដែលបានអញ្ជើញមកសាកភ្លក់រសជាតិផ្លែគូលែនវៀតណាម គឺជនជាតិ ហូឡង់ ជនជាតិថៃ ជនជាតិឥណ្ឌូនេស៊ីនិងជនជាតិវៀតណាមដែលកំពុងរស់នៅតំបន់ Spijkenisse។ អ្នកតំណាងផ្សារទំនើប Thanh Hung បានឲ្យដឹងថា ក្នុងបរិបទដែលក្រសួង ស្ថាប័ន ខេត្តក្រុងនិងសហគ្រាសជាច្រើនរបស់វៀតណាមកំពុងខិតខំប្រឹងប្រែងអស់ពីសមត្ថភាពដើម្បីនាំឲ្យផ្លែគូលែន គុណភាពខ្ពស់របស់ វៀតណាមចេញទៅទីផ្សារពិភពលោកនោះ ផ្សារទំនើប Thanh Hung ក៏មានបំណងចង់ធ្វើជាស្ពានតភ្ជាប់សម្រាប់ការធ្វើអាជីវកម្មមុខទំនិញនេះនៅប្រទេសហូឡង់ផងដែរ។
ផ្លែគូលែនដែលបានដាក់លក់នៅផ្សារទំនើប Thanh Hung លើកនេះ គឺចំណុះកញ្ចប់គូលែន Thanh Ha (ខេត្ត Hai Duong) ចំនួនជិត១តោន ដែលបានដឹកទៅកាន់ព្រលានយន្តហោះ Schipol ប្រទេសហូឡង់កាលពីថ្ងៃទី១៧ ខែមិថុនា ដើម្បីចែកចាយដល់ផ្សារទំនើបអាស៊ីនានានៅហូឡង់ បារាំង អាល្លឺម៉ង់ និងន័រវេស ហើយទទួលបានការគាំទ្រយ៉ាងខ្លាំងក្លាពីម្ចាស់ផ្សារទំនើប។ ប្រការនេះបានបំពេញកម្លាំងចលករសម្រាប់ក្រុមហ៊ុននានាបន្តនាំចូលផ្លែគូលែនស្រស់នៃខេត្ត Hai Duong Bac Giang ទៅកាន់ ហូឡង់ក្នុងរយៈពេលពី១ដល់២សប្ដាហ៍ខាងមុខតាមផ្លូវអាកាស
សូមរំលឹកថា នាថ្ងៃទី១២ ខែមិថុនា ផ្លែគូលែនវៀតណាមជិតមួយតោនដំបូងដែលមានតែមបញ្ជាក់ពីប្រភពដើមទំនិញ itrace ២៤៧ របស់នាយកដ្ឋានជម្រុញពាណិជ្ជកម្ម (ក្រសួងឧស្សាហកម្មនិងពាណិជ្ជកម្មវៀតណាម) ត្រូវបាននាំចូលបារាំង តាមផ្លូវអាកាសចរណ៍។
 |
| ផ្លែគូលែនរបស់ស្រុក Thanh Ha ខេត្ត Hai Duong វៀតណាមមកដល់អាកាសយានដ្ឋាន Paris-Charles De Gaulle នាថ្ងៃទី១២ ខែមិថុនា ឆ្នាំ២០២១។ (រូបថត៖ កាសែត Quan doi Nhan dan) |
ចំនួនផ្លែគូលែនលើកនេះត្រូវបានដាំនៅស្រុក Thanh Ha ខេត្ត Hai Duong និងបានទាញយកផលប្រយោជន៍នៃអនុគ្រោះពន្ធពីកិច្ចព្រមព្រៀងពាណិជ្ជកម្មសេរីសហភាពវៀតណាម-អឺរ៉ុប (EVFTA)។ យោងតាមនាយកដ្ឋានជម្រុញពាណិជ្ជកម្ម បច្ចុប្បន្ន ទោះបីផ្លែគូលែនវៀតណាមត្រូវបាននាំចូលបារាំងក៏ដោយ ក៏ប៉ុន្តែមានចំនួនតិចតូចណាស់ ដោយត្រូបាននាំចូលជាមួយផ្លែផ្សេងៗ ឬនាំចូលពីប្រទេសអឺរ៉ុបដទៃ និងមិនទាន់បានដាក់លក់នៅតាមផ្សារទំនើបធំៗរបស់បារាំងទេ។ ដូច្នេះហើយចំនួនផ្លែគូលែនលើកនេះនឹងត្រូវបានដាក់លក់នៅទីផ្សារទំនើបអាស៊ីនៅទីក្រុងប៉ារីស ហើយវាពិតជាអត្ថន័យសំខាន់ចំពោះផ្លែគូលែនវៀតណាមនិយាយដោយឡែក និងផលិតផលកសិកម្មមានគុណភាពខ្ពស់របស់វៀតណាមនិយាយរួមនៅទីផ្សារមានសក្តានុពលនេះ៕
មតិពីមិត្តអ្នកអាន