ប្រជាជនវៀតណាមនៅគ្រប់ទិសទី បែរមុខទៅរកឫសគល់ដើមជំណើត

ពិធីសូត្រអត្ថបទបន់ស្រន់នៅចំពោះមុខអាសនៈបូជាស្តេច Hung នៅទីក្រុងប៉ារីស (ប្រទេសបារាំង)។

ក្នុងបរិយាកាសដ៏អធិកអធម បងប្អូនអាណិកជន រួមជាមួយបណ្តាសមាគម បានអុជធូបដោយសេចក្តីគោរព ដើម្បីរំលឹកដល់គុណូបការៈរបស់បណ្តាស្តេច Hung។ គ្រឿងសក្ការបូជាដ៏មានអត្ថន័យដូចជា នំចឹង (Banh Chung) នំយ៉ី (Banh Day) និងផ្កាភ្ញី... មិនត្រឹមតែមានអត្ថន័យក្នុងពិធីបុណ្យប៉ុណ្ណោះទេ ប៉ុន្តែថែមទាំងជាសញ្ញរូបនៃមរតកវប្បធម៌ដែលត្រូវបានរក្សានៅលើទឹកដីឆ្ងាយពីមាតុភូមិ។

តាមទីភ្នាក់ងារសារព័ត៌មានវៀតណាម នៅទីក្រុងប៉ារីស (ប្រទេសបារាំង) នាថ្ងៃទី ២៥ ខែមេសា (ត្រូវនឹងថ្ងៃទី ៩ ខែ ៣ តាមច័ន្ទគតិ) ពិធីបុណ្យរំលឹកគុណស្តេច Hung ត្រូវបានមជ្ឈមណ្ឌលវប្បធម៌វៀតណាមប្រចាំនៅប្រទេសបារាំង សហការជាមួយស្ថានទូតវៀតណាម និងបណ្តាសមាគមជនជាតិវៀតណាម រៀបចំឡើងយ៉ាងអធិកអធម។ នេះគឺជាឆ្នាំទី ២ ហើយ ដែលព្រឹត្តិការណ៍នេះត្រូវបានរៀបចំឡើងយ៉ាងមានរបៀបរៀបរយ ដោយទាក់ទាញបាននូវអាណិកជន និងមិត្តភក្តិអន្តរជាតិយ៉ាងច្រើនកុះករ។

កម្មវិធីនេះគឺជាការរួមបញ្ចូលគ្នារវាងពិធីសាសនាប្រពៃណី និងការសម្តែងសិល្បៈដែលពោរពេញទៅដោយអត្តសញ្ញាណជាតិ។ ចាប់ផ្តើមដោយបរិយាកាសបុណ្យទានយ៉ាងសប្បាយរីករាយ ជាមួយការសម្តែងរបាំម៉ុងសាយ និងការសម្តែងក្បាច់គុន Viet Vo Dao យ៉ាងរស់រវើក ដែលបង្ហាញពីស្មារតីក្បាច់គុន និងភាពរឹងមាំនៃវប្បធម៌វៀតណាម។ បន្ទាប់មក ពិធីដង្ហែគ្រឿងសក្ការបូជាត្រូវបានប្រព្រឹត្តទៅយ៉ាងអធិកអធម ជាមួយឆត្ររួត ទង់ជ័យ ទង់ជាតិ នំចឹង នំយ៉ី និងផ្កាឈូក។ ផ្នែកសំខាន់នៃពិធីនេះ បានប្រព្រឹត្តទៅក្នុងបរិយាកាសដ៏ពិសិដ្ឋ ជាមួយនឹងវិធានសូត្រអត្ថបទបន់ស្រន់នៅចំពោះមុខអាសនៈបូជាស្តេច Hung បន្តដោយសកម្មភាពអុជធូបរបស់ប្រតិភូ និងបងប្អូនអាណិកជន ដើម្បីបង្ហាញពីការដឹងគុណចំពោះបណ្តាស្តេច Hung ដែលជាបុព្វបុរសបានកសាងទឹកដី។

តាមលោកសិល្បករឆ្នើម Tang Thanh Son អនុប្រធានមជ្ឈមណ្ឌលវប្បធម៌វៀតណាមប្រចាំនៅប្រទេសបារាំង ការរក្សាការរៀបចំពិធីបុណ្យរំលឹកគុណស្តេច Hung ជាប្រចាំឆ្នាំនៅប្រទេសបារាំង ជួយឱ្យយុវជនជំនាន់ក្រោយដែលកើត និងធំដឹងក្តីនៅបរទេស យល់កាន់តែស៊ីជម្រៅអំពីឫសគល់ ចាប់ពីពេលនោះមក កាន់តែមានមោទនភាព និងផ្សារភ្ជាប់ជាមួយវប្បធម៌ជាតិ។

ក្នុងថ្ងៃដដែល នៅទីក្រុងកូឡាឡាំពួរ ស្ថានទូតវៀតណាមប្រចាំនៅប្រទេសម៉ាឡេស៊ី បានសហការជាមួយសមាគមមិត្តភាពម៉ាឡេស៊ី-វៀតណាម (MVFA) រៀបចំពិធីបុណ្យរំលឹកគុណស្តេច Hung ឆ្នាំ ២០២៦។ ព្រឹត្តិការណ៍នេះមានការចូលរួមពីតំណាងសមាគមនានា បញ្ញវន្ត និស្សិត រួមជាមួយបងប្អូនអាណិកជនយ៉ាងច្រើនកុះករដែលកំពុងរស់នៅ និងធ្វើការនៅក្នុងប្រទេសម៉ាឡេស៊ី។

តំណាងឱ្យយុវជនជំនាន់ក្រោយដែលកើត និងធំដឹងក្តីនៅប្រទេសម៉ាឡេស៊ី ក្មួយស្រី Noor Linh Soraya Binti Buang (Bao Tran) ជាសិស្សនៃក្លឹបភាសាវៀតណាម បានសម្តែងនូវក្តីរំភើបនៅពេលបានចូលរួមក្នុងពិធីបែរមុខទៅរកឫសគល់។ ក្មួយស្រី Bảo Trân បានឱ្យដឹងថា៖ "សម្រាប់ពួកយើង ការរៀនភាសាវៀតណាម មិនត្រឹមតែជាការរៀនភាសាប៉ុណ្ណោះទេ ប៉ុន្តែវាក៏ជាដំណើរកម្សាន្តស្វែងរកឫសគល់របស់ខ្លួនឯងផងដែរ វាគឺជាវិធីមួយដើម្បីយល់កាន់តែច្បាស់អំពីគ្រួសារ អំពីប្រជាជាតិ និងដើម្បីនិយាយដោយមោទនភាពថា៖ កូនគឺជាជនជាតិវៀតណាម"។

នៅខេត្ត Udon Thani (ភាគឦសានប្រទេសថៃ) ពិធីបុណ្យរំលឹកគុណស្តេច Hung បានក្លាយជាចំណុចណាត់ជួបដ៏ស៊ាំរបស់សហគមន៍ជនជាតិវៀតណាមជាច្រើនឆ្នាំមកហើយ។ តាមលោក Luong Xuan Hoa ប្រធានសមាគមជនជាតិវៀតណាមខេត្ត Udon Thani ការរក្សាសកម្មភាពនេះ គឺក្នុងគោលបំណងរំលឹកដល់អាណិកជនជំនាន់ក្រោយៗអំពីឫសគល់នៃប្រជាជាតិ។

នៅប្រទេសកាណាដា ពិធីបុណ្យរំលឹកគុណស្តេច Hung ដែលរៀបចំឡើងដោយស្ថានទូតវៀតណាមប្រចាំនៅប្រទេសកាណាដា បានទាក់ទាញបងប្អូនអាណិកជនយ៉ាងច្រើនកុះករមកពីមូលដ្ឋាននានាចូលរួម។ បងស្រី Phan Quynh Trang អាណិកជននៅទីក្រុង Toronto បានឱ្យដឹងថា នេះគឺជាសកម្មភាពដ៏មានអត្ថន័យសម្រាប់សហគមន៍ជនជាតិវៀតណាមនៅកាណាដា ដែលជួយឱ្យបងប្អូនតែងតែចងចាំអំពីអត្តសញ្ញាណ និងឫសគល់ជាតិ ព្រមទាំងជួយបណ្តុះបណ្តាលឱ្យកូនចៅជំនាន់ក្រោយដែលកើតនៅបរទេស យល់កាន់តែច្បាស់អំពីប្រភពដើមរបស់ខ្លួន ទោះបីជាពួកគេខ្លះមិនទាន់ធ្លាប់បានត្រឡប់ទៅប្រទេសវៀតណាមក៏ដោយ។

នៅប្រទេសកូរ៉េខាងត្បូង សកម្មភាពអុជធូប និងរំលឹកវិញ្ញាណក្ខន្ធ ក៏ត្រូវបានរៀបចំឡើងដោយមានការចូលរួមពីអាណិកជន និងមិត្តភក្តិក្នុងតំបន់ផងដែរ។ មតិជាច្រើនយល់ថា ការរក្សាពិធីសាសនាបានរួមចំណែកពង្រឹងអត្តសញ្ញាណវប្បធម៌ បង្កើតស្ពានតភ្ជាប់ការផ្លាស់ប្តូរ និងជួយឱ្យវប្បធម៌វៀតណាមបោះជំហានចូលក្នុងជីវភាពសង្គមនៃប្រទេសម្ចាស់ផ្ទះ។

ចំណុចរួមនៅតាមបណ្តាតំបន់នានា គឺភាពម្ចាស់ការរបស់សហគមន៍ក្នុងការរក្សា និងការរៀបចំឡើងវិញនូវពិធីសាសនា "ជំនឿបូជាស្តេច Hung" ដែលជាបេតិកភណ្ឌវប្បធម៌អរូបីតំណាងឱ្យមនុស្សជាតិ ត្រូវបានអង្គការអប់រំ វិទ្យាសាស្ត្រ និងវប្បធម៌នៃអង្គការសហប្រជាជាតិ (UNESCO) ទទួលស្គាល់។ ការអនុវត្តជំនឿក្នុងជីវភាពសហគមន៍ បង្ហាញឱ្យឃើញថា វប្បធម៌មិនត្រឹមតែជាតម្លៃស្មារតីប៉ុណ្ណោះទេ ប៉ុន្តែថែមទាំងជាកត្តាផ្សារភ្ជាប់ និងបង្កើតនូវឥទ្ធិពលរីកសាយភាយផងដែរ។

នៅក្នុងប្រទេស ពិធីបុណ្យរំលឹកគុណស្តេច Hung គឺជាឱកាសសម្រាប់អាណិកជនត្រឡប់មកកាន់ឫសគល់វិញ។ តាមកាសែត Nhan Dan នាថ្ងៃទី ២៥ ខែមេសា គណៈប្រតិភូអាណិកជនចំនួន ៦០ នាក់ មកពី ២០ ប្រទេស និងតំបន់ បានមកអុជធូបនៅតំបន់កេរដំណែលប្រវត្តិសាស្ត្រប្រាសាទ Hung (ខេត្ត Phu Tho) ដោយសម្តែងនូវការដឹងគុណចំពោះបុព្វបុរស និងបំណងប្រាថ្នាចង់បន្តរួមចំណែកដល់ការអភិវឌ្ឍន៍របស់ប្រទេសជាតិ។

ពិធីបុណ្យរំលឹកគុណស្តេច Hung បានក្លាយជាបង្អែកខាងស្មារតីរួមរបស់សហគមន៍ជនជាតិវៀតណាមប្រមាណ ៦ លាននាក់ នៅក្នុងប្រទេស និងតំបន់ជាង ១៣០ លើពិភពលោក ដែលជាទីកន្លែងដែលមនុស្សម្នាក់ៗ ទោះបីជានៅទីណាក៏ដោយ ក៏នៅតែរក្សាបាននូវខ្សែចំណងផ្សារភ្ជាប់ជាមួយឫសគល់នៃប្រជាជាតិ៕

អាណិកជនវៀតណាមនៅប្រទេសថៃ៖ ភាពកក់ក្ដៅនៃមនោសញ្ចេតនាក្នុងថ្ងៃបុណ្យរំលឹកគុណបុព្វបុរសស្តេច Hung យុគសម័យ - ក្នុងបរិយាកាសដ៏សក្ការៈនៃថ្ងៃក្នុងខែទី៣ តាមចន្ទគតិ នាថ្ងៃទី ២១ ខែមេសា សហគមន៍ជនជាតិវៀតណាមនៅក្នុងខេត្ត Udon Thani តំបន់ឦសាននៃប្រទេសថៃ បានរៀបចំពិធីបុណ្យរំលឹកគុណបុព្វបុរសស្តេច Hung យ៉ាងសមរម្យ និងអធិកអធម។

នាយករដ្ឋមន្ត្រីរដ្ឋាភិបាលលោក Le Minh Hung ទទួលជួបជញ្ជូនរដ្ឋមន្ត្រីការបរទេសអេស្តូនី យុគសម័យ - នារសៀលថ្ងៃទី ២២ ខែមេសា នៅទីស្នាក់ការរដ្ឋាភិបាល នាយករដ្ឋមន្ត្រីរដ្ឋាភិបាលលោក Le Minh Hung បានទទួលជួបជញ្ជូនរដ្ឋមន្ត្រីការបរទេសនៃសាធារណរដ្ឋអេស្តូនី លោក Margus Tsahkna ក្នុងឱកាសដែលលោកមកបំពេញទស្សនកិច្ចផ្លូវការនៅវៀតណាម។

ឌឹកអាញ់

thoidai.com.vn